ФК ВАРДАР е прогласен за шампион на Македонија

Спорт

пред една недела

Управниот одбор на ФФМ на својата денешна седница донесе одлука да ја прифати „замрзнатата“  табела од Првата македонска фудбалска лига за конечна со што го прогласи Вардар за фудбалски шампион на Македонија за сезоната 2019/2020.

„Управниот одбор на Фудбалската федерација на Македонија го прифати предлогот од Комисијата за натпреварување во однос на замрзнатата табела на МФЛ од натпреварувачката сезона 2019/2020 година по одиграно 23. коло од Прва МФЛ и 17. коло од Втора МФЛ со која првопласираните екипи од Втора МФЛ – Исток и Втора МФЛ – Запад се промовирани во Прва МФЛ од натпреварувачката сезона 2020/2021 и ФК Вардар како првопласиран тим во натпреварувачката сезона 2019/2020. Иако, како првопласираната екипа, ФК Вардар доби можност да учествува во квалификациите од УЕФА Лига на Шампиони, поради недобиената лиценца за УЕФА натпреварувања, ФК Вардар нема можност да го искористи правото кое му следува како првопласирана екипа за натпреварувачка 2019/2020“ – се вели во соопштението од ФФМ.

Меѓу останатите одлуки, Управниот одбор на ФФМ го усвои календарот за натпреварувачката сезона 2020/2021. Согласно календарот за натпреварување, Прва МФЛ ќе започне на 9. август 2020 година, додека на 22. август ќе стартува новата сезона од Втора МФЛ. Шеснаесет финалните натпревари од Купот на Македонија ќе започнат на 23. септември 2020. Управниот одбор на ФФМ донесе одлука летниот преоден рок да трае цели дванаесет седмици, односно летниот преоден рок ќе заврши на 6. септември 2020 година.

Управниот одбор на ФФМ донесе и одлука за промена на терминот на одржување на Редовното Годишно Собрание на ФФМ. Доколку условите дозволуваат, 12. јули 2020 година ќе биде датумот на одржување на Редовното Годишно Собрание на ФФМ.

Видео: Ова е вистински рибар !

Спорт

пред 3 дена

ЗСР „БАБУНА“ - Велес на својот  ФБ профил објави:

„Утрово од страна на нашиот член и натпреварувач во крапска лига на Zsr Babuna Veles ,Борче Тодоровски, изваден е амур со тежина од 23кг. Истиот амур е вратен назад и повторно плива во водите на Велешко Езеро.

Ова е само показател од младите и надежни спортски риболовци, како треба да се однесуваме со уловените капитални примероци, за во иднина да имаме води богати со вака убави риби.

Нека ова воедно биде пример за сите оние кои што мислат дека секоја риба треба да заврши на трпеза или во рибарска продавница.

Браво Борче и ти посакуваме многу вакви риби во понатамошните денови на вода.“

Кире Лазаров најави дека оди во пензија, ќе биде тренер

Спорт

пред 6 дена

Кире Лазаров ќе ја игра својата последна сезона во кариерата, а по крајот на активното играње ќе остане во ракометот, но како тренер.

Тој ова го изјави во интервју за хрватскиот весник „Вечерњи лист“, не исклучувајќи ја можноста во иднина да седне на клупата на Загреб.

„Мислам дека тоа ќе биде крај, повеќе нема смисла. Ќе останам во спортот како тренер. Којзнае, можеби за десетина години ќе дојдам да седнам на клупата на Загреб, клубот кој ми даде толку многу во кариерата“, вели Лазаров за „Вечерњи Лист“.

Кога веќе играм за Нант, додаде Лазаров, ќе одговорам и на повикот на македонската репрезентација.

Извор: https://plusinfo.mk/

(Видео) Енис Барди го стресе Бетис

Спорт

пред една недела

Македонскиот репрезентативец Енис Барди постигна нов погодок за Леванте во Примера. Тоа е негов четврти гол оваа сезона, прв на домашен терен.

Во 36.минута Барди доби топка од Рочина на левата страна, се ослободи од противничкиот фудбалер и со прецизен шут со левата нога ја затресе мрежата на Бетис. Леванте по првото полувреме има водство од 2-0.

Погледнете го голот на Барди:

Популарно