Ковид-19 во младинската одбојкарска репрезентација

Одбојкарската федерација на Македонија им испрати соопштение на родителите на сите одбојкарките кои беа дел од собирот на селекцијата до 19 години во периодот од 15-21 септември.

Двајца тренери и неколку репрезентативки се позитивни на коронавирус, па од ОФМ апелираат сите останати учесници да бидат ставени во изолацијa. Кампот кој требаше да заврши утре е прекинат.

СПОРТМЕДИА во целост ви го пренесува дописот.

Откако се закити со тринаесетата титула на грен слем турнирот Ролан Гарос, Надал порача...

Откако се закити со тринаесетата титула на грен слем турнирот Ролан Гарос, шпанскиот тенисер Рафаел Надал, порача дека нема планови за наредниот период, односно дека нема намера да игра на преостанатите турнири до крајот на годината.

Во својата последна колумна познатиот тениски новинар Стив Флинк, откри дека шпанскиот тенисер ќе земе одмор до Австралија опен. Во Мелбурн, Надал ќе ја нападне 21. грен слем титула во кариерата. Овој турнир треба да се одигра од 18. до 31. јануари наредната година.

-Мојата претпоставка е дека нема да игра до крајот на 2020 година. Вистина, турнирите во сала не му се омилени, никогаш го нема освоено завршниот мастерс и би било одлично кога би го сторил тоа во услови кои не му одговараат. Но, главните причини за да игра на мастерсот во Париз и Завршниот турнир во Лондон е да ја заврши сезоната на првото место на АТП.  Тој, Федерер и Ѓоковиќ  пет пати во кариерата успеваа да ја завршат кариерата на лидерскто место.  Надал сигурно би сакал да го направи тоа по шести пат. Заостанувањето во однос на Ѓоковиќ му е 1.890 поени и токму заради тоа нема да може да ја анулира до крајот на годината. Затоа ќе одмара и ќе се појави во најдобра форма на Австралија опен, вели Флинк.

Американскиот новинар уште порача како Надал ова време ќе го помине дома и ќе се подготвува за Австралија опен, каде ќе ја има првата можност да стане тенисер со најмногу грен слем титули во кариерата. На него во прилог му оди и тоа што АТП ја промени одлуката и ќе ги „чува“ бодовите до март, а тоа не му создава притисок на Шпанецот дека мора да игра до Мелбурн.

Елмас е позитивен на новите тестови за ковид-19

Според последните информации од Италија  Елиф Елмас сè уште е позитивен на ковид-19.

На новите тестирања кои ги направил италијанскиот состав, само Елмас и Пјотр Зиелински имале позитивни тестови на ковид 19.

Тоа значи дека нашиот интернационалец и натаму останува во самоизолација и нема да може да му се стави на располагање на селекторот Ангеловски за мечот со Грузија.

Извор: www.tuttonapoli.net

ВИДЕО: Леброн и Дејвис по една деценија го вратија Лејкерс на НБА-тронот!

Лос Анџелес Лејкерс покажа моќ во шестата средба од финалето, го прегази Мајами Хит (106-93), триумф со кој ја затвори НБА-серијата и по десет години повторно се врати на тронот во најквалитетната светска кошаркарска лига.

Мајами во ростерот го доби Горан Драгич, се очекуваше спектакуларен натпревар, арно ама ЛА Лејкерс покажа моќ кога беше најпотребно, го сопре разиграниот Батлер и го збриша ривалот со перфектни 12 минути кои ги покажа во вториот квартал. Така, „езерџиите“ се вратија на тронот по десет години, а Мајами остана да ги носи само симпатиите поради одличната игра која што ја покажа оваа сезона.

Првите десет минути на мечот беа изедначени, ЛА Лејкерс водеше со осум поени разлика (28-20), а потоа почна доминацијата на фаворитот. Одлични беа Рондо и Калдвел-Поуп, посебно во шутот за три и им беа поддршка на пеколното дуо Леброн-Дејвис, па ЛА Лејкерс во 12 минути го прегази ривалот со 36-16 во вториот квартал и огромна позитива од 64-36 на полувремето.

По овој период, беше јасно дека соништата на Мајами за НБА-титула се згаснати. Избраниците на Ерик Споелстра константно бркаа резултат, но ниту еднаш не успеаја да го загрозат високото водство на Лејкерси. Највисоката предност Лос Анџелес Лејкерс ја имаше во средината на третиот период, кога водеше со огромни +36 (82-46), додека во последните 12 минути „езерџиите“ се опуштија и направија Мајами да доживее пристоен пораз.

Најдобар кај победникот беше Леброн Џејмс со „трипл-дабл“ од 28 поени, 14 скока и 10 асистенции, пред Ентони Дејвис со „дабл-дабл“ (19 поени, 15 скока) и феноменалниот плејоф-џокер Ражон Рондо со 19 поени. Кај Мајами Хит, Бам Адебајо имаше блескава ноќ со 25 поени и 10 скока, а Џими Батлер на овој дуел застана на 12 поени, 8 асистенции и 7 скока.

За тимот од „градот на ангелите“ ова е седумнаесетта титула во историјата, прва по 2010 година.

Извор:https://www.gol.mk/

Популарно