Седум работи кои мажите не ги поднесуваат

Забава

на 9.2020

Девојки, ова се тие седум ситници на кои го губите мажот засекогаш.

1. Ја загрозуваш неговата слобода

Самоуверената и независна жена која си ја знае вредноста и си ја сака слободата, ја почитува слободата и личниот простор на партнерот.

Никој не сака да биде во врска/брак и да се чувствува заробено, односно како во затвор. Доколку ја загрозувате слободата на партнерот, тој ќе замине, без разлика на тоа што ве сака.

Гушењето е исто така ситница на која може да го изгубите мажот засекогаш. А под “гушење” подразбирам поминување 24/7 во негово друштво, односно наметнување во неговиот личен простор.

Секој има потреба од слободно време кое ќе го искористи на себе. Секој има потреба од посветување на дел од времето на себе и своите страсти. Ако вие го крадете тоа од партнерот, бидете сигурни дека тој ќе замине.

Постојано проверување на телефонот или профилите на социјалните мрежи се исто така ситници кои го оддалечуваат партнерот од вас, како и прашањата од типот “Каде беше синоќа во 23:13:01 и со кого?”

Никој не е должен да ви поднесува извештај за својот живот, односно никој не сака постојана контрола од страна на партнерот. Дали сте вие негова девојка или сте детектив?

Љубомората и недовербата се темелите на лоша токсична врска која никогаш не завршува добро. Напротив, ваквите врски секогаш имаат лош крај. Љубомората не е знак на љубов, туку довербата.

Зошто сте со него, ако не му верувате? Тој не е ваш затвореник. Тој е слободен човек кој може да прави што сака. Не е роден за рака со вас. И сигурно нема да го напушти светот фатен за рака со вас.

2. Постојано се обидуваш да го промениш

Ако постојано се обидуваш да имплементираш суптилни, фрустрирачки промени во неговиот живот, или се обидуваш да го промениш него како личност, тогаш верувај дека ќе те остави.

Мажите не сакаат кога жената се обидува да поставува правила и ултиматуми околу нивното однесување, облекување или стил на живот.

Зошто би го менувала, ако навистина го сакаш, таков каков што е?

Можеш да сугерираш промени кои ќе го подобрат неговиот, а и вашиот заеднички живот. Но, не и да сугерираш промени околу неговиот личен живот, неговата личност, неговиот карактер и неговото однесување.

Ако нешто не ти се допаѓа кај партнерот, во ред е да го изјасниш своето незадоволство и да зборуваш со него за тоа, а притоа да истакнеш дека би била посреќна доколку САМИОТ одлучи да се промени кон подобро.

Но, не е во ред да се обидуваш да го промениш со поставување на луди правила, замки и ултиматуми. Ниту еден маж нема да остане со вас, ако не покажете дека го сакате онаков каков што е навистина.

3. Тој не чувствува страст од твоја страна

Ако не покажуваш интерес како што си покажувала на почетокот на врската, тој ќе покаже интерес кон некоја која ќе се заинтересира за него.

Ненадејните страсни бакнежи пресушиле, како и ненадејното покажување на страсти како некогаш, а желбата за секс значително се намалила?

Ниту еден маж нема да остане покрај жена од чија страна не чувствува привлечност и страст. Исто како што никоја жена не би останала покрај маж кој не покажува интерес за неа или интересот се намалил без посебна причина. Секако дека не може постојано да покажувате страст и постојано да мислите на секс, но ако страста целосно ја снема во врската, со тек на време, таа сигурно ќе пропадне. Зошто? Едноставно е. Ако сакаш некоја личност, односно ако си загреан за неа, тогаш страста е присутна и постојано се чувствува. Во спротивно, згаснува затоа што не чувствуваш желба за партнерот, а мажите, па и жените многу добро го знаат тоа.

4. Се опседнуваш со ситници и банални работи

Датумот на вашиот прв бакнеж или какви алишта сте носеле на вашиот прв состанок, се банални работи со кои повеќето жени се опседнуваат, а мажите ги мразат, односно не се преокупираат со нив, затоа што знаат дека се неважни.

Ако вашиот дечко/сопруг, не се сеќава на датуми или ситници за кои вие мислите дека се многу важни, а во суштина не значат ништо, не значи дека не ве сака, туку е позрел и нема време за опседнување со работи кои не значат ништо.

Луѓето ги измислиле за да не се изгубат во времето, односно да има со што да си го преокупираат мозокот и да им биде интересно во текот на денот, па и во текот на животот.

Наместо да се нервирате за неговиот намален интерес околу овие банални работи и ситници, сетете се на некоја реченица или гест преку кој тој докажал дека навистина ве сака и се грижи за вас.

И оставете го на мира, односно не опседнувајте се со глупости, ако сакате да го задржите покрај себе. Одбегнувајте расправии за банални работи.

5. Постојано ги споменуваш неговите бивши

Ако сте опседнати со неговите бивши или некоја од неговите бивши за која мислите дека е поубава или подобра од вас, со тек на време, тој ќе замине. Никој не сака постојано споменување на бившите, без разлика дали се тоа неговите или вашите.

Зошто би ги споменувале постојано, ако не се повеќе дел од вашето секојдевие, односно ако сте среќни со вашиот партнер?

Зошто ве интересираат ситници околу врската која тој ја имал со своите претходни девојки, повеќе отколку неговите планови за иднината?

Девојки, момци, запомнете го ова добро и престанете да се интересирате за минатото на вашиот партнер, туку сонувајте за иднината и уживајте во сегашноста. Во спротивно, врската ќе се распадне, евентуално.

7. Постојано ги споменуваш твоите бивши

Оваа ситница наликува на претходната. Ако постојано ги споменуваш бившите, односно споделуваш спомени или го споредуваш партнерот со своите бивши партнери или некој бивши кој ви оставил впечаток, тој ќе замине, а вие ќе може слободно да се вратите кај некој од бившите.

Никој не сака да биде споредуван со други луѓе, најмалку со бившите или пак личност на која и се восхитувате. Со тоа покажувате дека се уште сте заинтересирани за бившиот партнер, односно сте загреани за личноста со која го споредувате вашиот сегашен партнер. А ниту еден маж нема да го поднесува тоа, без разлика на тоа што ве сака и се грижи за вас.

7. Одлучуваш наместо него и го потценуваш

Ако се однесувате кон партнерот како кон свој слуга кој е обврзан да ве слуша и одлучувате за него, тој постепено ќе се оддалечува од вас, и на крајот ќе ве остави.

Зошто? Затоа што никој не е должен да живее според вашите правила и ултиматуми. Секој има право на мислење и збор, односно право да одлучува за себе и за врската, затоа што и тој е дел од неа.

Ако нема компромис, односно ако си дозволувате да ги правите сите потези во врската без да се консултирате со партнерот, тој ќе најде некој кој ќе се интересира за неговото мислење и ќе се однесува зрело, односно ќе го почитува и вреднува, онака како што заслужува.

КОГА ЈОРДАН МИТЕВ ПЕЕ, НАШИТЕ ВО КАНАДА УЖИВААТ... Спектакуларни концерти на нашата музичка ѕвезда

Забава

пред 3 недели

По 10 години, Јордан Митев повторно и се врати на македонската и балканска публика во Канада. Тој како и секогаш и овие три концерти распали со своите добро познати хитови и енергијата која е добро позната и својствена само нему.

Спојот на хитови кои се пеат на сет глас и во еден здив и шармот и енергичноста и овој пат беа доволна провокација за да концертот во Торонто за сите наши Македонци во Канада и Соединетите Американски Држави беше исполнет до последно место и се бараше билет повеќе...

- Подеднакво сум возбуден пред секој еден мој настап и концерт, подеднакво сум подготвен да да дадам дел од себе, подеднакво да испеам од дното на мојата душа за мојата публика. Овој пат, во Канада кога ја видов публиката знаев дека повторно ќе го тестирам мојот максимум како многу пати до сега. Неизмерно сум среќен што бар една вечер на мојата верна публика во Канада и оние кои допатуваа од САД им ја направив посебна, а Македонија повторно поблиска во срцата, без оглед на географската оддалеченост...знаете за оваа публика вреди да се пее, пишува, да се работи, за ваква публика вреди да се живее – изјави Митев за медиумите

Јордан Митев на спектакуларниот концерт во Торонто, уште еднаш докажа дека е веќе докажан и почитуван музички бренд, Интересот за концертот беше огромен, дел од неговата публика патуваше повеќе од шест часови за да биде во салата и да бидат дел од незаборавната концертна вечер.. Публиката заедно со Јордан Митев пееше во еден глас, а социјалните мрежи беа преплавени со многу видеа и фотографии, како и коментари со воодушевувачки импресии од концертот во Торонто.

- Беше магично, навистина. Очекував добар концерт и енергија, ама ваков интерес, искрен контакт со публика, пеење во еден глас, взаемна енергија, едноставно посакував...среќен човек сум јас – додава Митев

Македонската публика пак, веќе подолго време очекува солистички концерт во Скопје. После големиот концертен спектакл во Канада, Јордан откри дека подготвува нешто ново, но за тоа дополнително ќе ја информира својата публика и медиумите. На оваа забелешка многу од гостите во Канада заклучија дека крајно време е тие да присуствуваат и на концерт на Јордан Митев во татковината и изразија надеж дека тој ќе биде што поскоро, па дружењето со Јордан Митев продолжи на општо задоволство и по концертот...

ЈОРДАН МИТЕВ ИСПИША 20 ГОДИНИ МАКЕДОНСКИ МУЗИЧКА ИСТОРИЈА СО ПЕСНА ЗА СВОЈОТ СИН

Забава

пред 3 месеци

Познатиот македонскиот музичар, автор и изведувач Јордан Митев неуморно работи веќе цели 20 години на својата професионална кариера. Благодарение на својот ангажман, но и неговата верна публика две децении изведува своја авторска музика и реди безвременски хитови, кои се составен дел од македонското музичко наследство. Зад себе остава година, во која неуморно секојдневно работеше дома, но и во светот за сите наши вистински љубители на македонската песна. Година во која заокружува 20 години кариера, кариера во која се бројат албуми, хитови, настапи, емоции... И токму така емотивно во за него една од најуспешните години и на професионален, но и на приватен план, публиката ја изненадува со нова песна посветена не неговиот штотуку роден син...

- 20 години се многу, а сепак малку. Годината сепак има само 365 дена – низ смеа вели Митев. Ми фалат денови за уште некој отпеана песна, за уште бар еден одржан концерт, секој ден ми е музика. Благодарен сум на Бога што овие дваесет години си ја имам својата публика. За таа публика вреди да се создава, компонира, пее, живее... па кога функционирате со публиката како едно, тогаш и дваесет години ви проаѓаат брзо. Публиката и семејството се двигателите и за наредните 20 и тие по нив. Среќен човек сум јас, штом ги имам и едното и другото. Со доаѓањето на свет на мојот син Кристијан го добив највредниот подарок за 20 години од мојата кариера. И токму оваа песна Сине, Сине Мој доаѓа во вистинско време како еден печат на веќе од мене потпишана музичка историја

 Песната веќе има илјадници прегледи на YouTube иако е поставена само неколку денови, што гои потврдува фактот дека публиката на Јордан е жедна за уште една негова музичка мајсторија. Иако е голем и значаен јубилеј за славење – 20 години успешна музичка кариера, Митев нема време за славење. Напротив има ангажмани на кои секогаш максимално им е професионално посветен...

- За Новогодишните празници сум во Швајцарија ме очекуваат прекрасни празници со нашите македонци, за Бадник и Божик сакам да бидам дома со семејството, а потоа повторно сум со нови веќе закажани концертни настапи, па одам за Канада.

На јубилеј 20 години кариера работам како да ми е прв ден, ама мора да се испочитува публиката и да се стаса секаде. Тоа ме исполнува и ме прави среќен, ќе има време за славење – вели Митев

       Неговата нова песна Сине, сине мој можете да ја слушнете на следниот линк на YouTube:

 и да наздравите за претстојните празници со стил. Јордан ветува уште многу години дружење со убава македонска песна, нови албуми и хитови и се разбира неговата препознатлив весел дух....

Подгответе се за спектакл во СЦ „Јане Сандански

Забава

пред 4 месеци

Регионалната музичка икона Сенидах го најави својот прв солистички концерт во Скопје, на 14 февруари 2026 година, во СЦ „Јане Сандански“. По спектакуларниот настап на белградскиот Ташмајдан, Сенидах ја носи својата естетика, енергија и препознатлив сценски израз во македонската престолнина, подготвена да создаде уште еден момент што ги поместува стандардите на регионалните live настапи.

Својата кариера ја гради храбро, гласно и без компромиси. Денес е препознатлива по специфичниот вокал, неповторливиот музички израз и сценски настап што ги брише границите меѓу жанровите, сензибилитетите и стиловите. Сенидах умешно ги спојува R&B, трап и елементите на балканската народна музика, создавајќи звук кој е единствен во регионот и препознатлив глобално.

Од соработки со уметници како Дино Мерлин, Цоби, Џала Брат и Буба Корели, Раф Камора, до самостојни изданија што бројат милионски стримови – Сенидах го изгради статусот на едно од најавтентичните современи имиња на новата балканска сцена. Нејзиниот трет студиски албум „Сен и дах“ објавен на почетокот од годината, бележи исклучителни резултати, додека сингловите „Делија“ и „Иди гаде“ и понатаму доминираат на топ-листите.

Организацијата ја потпишува SKYMUSIC продукција, а публиката во Скопје ја очекува продукција на светско ниво – моќен звук, силна визуелна режија и сценски дизајн што го следи секој ритам и емоција на нејзиниот автентичен израз. Тоа ќе биде концерт кој ја потврдува Сенидах како една од најхрабрите и најдоследни авторки на денешната регионална музика.

Влезниците за концертот на Сенидах почнувајќи од денес се достапни преку бесплатната апликација eFinity и преку платформата Wayin.mk.

Популарно