Македонија денес го игра последниот натпревар на ЕУРО2020, последен меч и за Горан Пандев во националниот дрес

Фудбалската репрезентацијата на Македонија денес во 18:00 во Амстердам го игра својот последен натпревар на ЕУРО 2020 против репрезентацијата на Холандија.

Ова беше историски прв настап за нашата репрезентација на Европско првенство, и иако резултатски во првите два натпревари потфрливме, тоа секако не треба да се доживее како разочарување, со оглед на фактот што дебитиравме на едно големо натпреварување како самостојна држава.

Овие момци , не направија горди во секаква смисла на зборот, и за прв  пат ја осетивме фудбалската еуфорија на едно големо натпреварување. Македонија ги загуби двата натпревари од Австрија 3-1 и од Украина 2-1 и останува да се одигра само мечот со Холандија за крај на ЕУРО 2020 за престиж и да се одигра за капитенот Горан Пандев кој за последен пат ќе го носи националниот дрес.

Зад Пандев ќе остане запишано дека е европски и светски првак со Интер, освојувач на скудетото со „нераѕурите“, победник на Купот со три клуба (Лацио, Интер, Наполи), еден од малкумината странци со над 450 настапи во Калчото, меѓу 80-тината фудбалери во Италија со сто голови.

Пандев ќе се збогува со националниот дрес како фудбалер со најмногу настапи и најдобар стрелец со во историјата на македонскиот репрезентативен фудбал со 37 голови, вклучувајќи го и историскиот прв на Европските првенства, што го постигна против Австрија на 13 јуни во рамки на првото коло од групата Ц на ЕУРО2020..

Без разлика на крајниот резултат , Македонските фудбалери се најголемите херои кои ја сплотија македонската нација и повторно ја вратија вербата во репрезентативниот фудбал.

ЕВРО 2020 ќе биде запишано со златни букви  во Македонскиот репрезентативен фудбал и без разлика на се што ќе се случи во иднина, така и ќе остане.

Георгиевски: Ова сребро е за цела Македонија!

Македонскиот теквондист Дарко Георгиевски пристигна во Скопје и со олимпиското сребро имаше еуфоричен дочек. Многу македонски граѓани се собраа да го поздрават успехот, а спортистот, иако видно уморен, се фотографираше со сите и побара да дојдат вечерва на плоштадот.

„Пред се, сакам да им се заблгодарам на сите оние што ми дадоа огромна поддршка по овој настан. Баш ми е драго што гледам толку многу луѓе. Морам да признаам дека малку сме уморни затоа што менувавме три лета, ќе бидам краток, но овој успех е тука за да се слави и сакам целата Македонија да ми даде голема поддршка. Емоциите почнаа да работат откако пристигнав, кога гледам кои луѓе се тука и како ме поддржуваат“, кратко изјави Георгиевски по пристигнувањето во Скопје.

Олимпиското сребро ќе се најде на плоштадот „Македонија“ вечерва од 19:30 часот, заедно со Георгиевски и целиот негов тим кој го оствари големиот успех на Летните Олимписки Игри (ЛОИ) во Токио.

Видео: Дејан со среброто од Токио доаѓа утре, ќе има славје пред „Порта Македонија“ во Скопје

Македонскиот освојувач на сребрен медал од Олимписките игри, утре се враќа во Скопје. Дејан Георгиевски кој се закити со сребро во таеквондо во категоријата над 80 килограми, утре на аеродромот во Скопје треба да слета во 14.30 часот, а во 19.30 часот, ќе има заедничка прослава пред порта „Македонија“ на плоштадот.

„Од срце ви благодарам за поддршката кон мене и мојот тим. Од Олимписките игри носам сребрен медал со златен сјај. Утре, четврток, ве повикувам кај порта „Македонија“ во 19:30 часот на заедничка прослава на овој голем успех“ – рече Георгиевски во видео обраќањето од Токио.

Повикот на Дејан може да ги видите ТУКА.

Сребрен медал за Георгиевски и Македонија во Токио

Дејан Георгиевски во финалето против првиот фанворит Владислав Ларин загуби со 15:9 и со тоа го освои сребрениот медал на Олимпијадата во Токио.

Ова е 14-ти медал за Македoнија во историјата на Олимписките игри, и само втор од независноста на Македонија.

Популарно