За ситуацијата со Ѓоковиќ се огласи и СЗО: Aвстралиската влада непотребно го малтретирала

Ставот на Светската Здравстена Организација за ситуацијата со тенисерот Новак Ѓоковиќ досега не беше познат, но иако можеби веќе доцна, сепак тие излегоа со свој став.

СЗО наведува дека статусот на вакцинација не треба да биде услов за влез во која било земја и дека владите на државите треба да бидат поригорозни само доколку одзивот во време на епидемијата е премногу слаб.

„Статусот на вакцинација не смее да се користи како аргумент за забрана на луѓето да патуваат, а владите на сите земји можат да наредат задолжителна вакцинација само како последно средство“- се вели во соопштението на СЗО.

Австралија инсистира на тоа дека Новак Ѓоковиќ морал да се вакцинира против Ковид 19, за да влезе во земјата

ВИДЕО: Ракометните кадети ан Македонија самите ја испеаја целата химна

Кадетската репрезентација на Македонија обезбеди место на следното младинско ЕП 2024 година и на следното кадетско СП 2023 година, откако оваа генерација победи на Б европското првенство што се играше во Рига, Летонија. Во финалето нашите ракометари ја победија Швајцарија со 24-22, а дури четворица играчи од нашата репрезентација се најдоа во идеалниот состав.

Организаторот при интонирање на химната ја пушти само првата строфа, а кадетите заедно во еден глас ја довршија целата химна на Македонија. БРАВО.

Почина Кирил Дојчиновски, едно од најголемите имиња во историјата на македонскиот фудбал!

Почина едно од најголемите имиња во историјата на македонскиот фудбал, Кирил Дојчиновски. Македонскиот, балканскиот но и светскиот фудбал останаа без една своја огромна легенда која во многу што ја задолжи најпопуларната спортска игра.

Кирил Дојчиновски, роден на 17. октомври 1943 година во Скопје, ќе остане засекогаш запаметен во историјата на македонскиот спорт како првиот Македонец кој бил дел од Светските фудбалски првенства. На Мундијалот во 1974 година во Западна Германија, Дојчиновски тогаш како фудбалер на белградска Црвена Звезда остана забележан како првиот македонскиот фудбалер повикан во екс-југословенскиот состав.

Своите фудбалски почетоци ги бележи во Вардар, каде настапува пет сезони во периодот од 1962 до 1967 година. Притоа во дресот со црвено-црните бои има одиграно вкупно 218 натпревари и настапено на 132 првенствени средби.

Потоа се сели во белградска Црвена Звезда (1967 – 1974) достигнувајќи го врвот на својата слава. Од Црвена Звезда, потврдувајќи ги своите огромни фудбалски квалитети, продолжува во една од најсилните лиги во светот, во француските Тројс и ФЦ Париз.

Во периодот од 1970 до 1974 година беше стандарден член на репрезентацијата на поранешна СФРЈ предводена од Миљан Миљаниќ. Четирикратен шампион на Југославија со Црвена Звезда, освојувач на Митропа купот, полуфиналист во Купот на европските шампиони со Црвена Звезда во сезоната 1970/71 и четвртфиналист во сезоната 1973/74.

По завршувањето на играчката кариера стартува со тренерска кариера. Како тренер е двократен шампион на Ел Салвадор со Луис Фирпо, и селектор на репрезентацијата на Ел Салвадор. Потоа ја презема клупата на својот Вардар, но беше тренер и на грчки Ираклис, како и на македонските клубови Пелистер, Македонија ЃП, Брегалница Делчево и Брегалница Штип. Карариера ја заврши таму од каде што ја и почна, како тренер на својата најголема љубов, ФК Вардар, во сезоната 2007/08 кога се нафати на предизвикот во една од најтешките пресвртни години во историјата на клубот.

Кирил Дојчиновски, поради огромните заслуги за македонскиот фудбал, е добитник на бројни признанија меѓу кои и Наградата за животно дело од Македонскиот олимписки комитет, како и признанието од белградска Црвена Звезда, за една од најголемите легенди во историјата на клубот. Минатата година го доби и признанието на ЕКИПА, добивајќи место меѓу 10 најголеми спортисти во историјата на Македонија со наградата „Врвен ас – еден од нас“.

Поради желбата за присуство на бројни фудбалски имиња, клубови и делегации од Македонија и од регионот, дополнително ќе биде одреден терминот за погребот и оддавање последна почит за Кирил Дојчиновски.

извор: ekipa.mk

Видео: Лука Дончиќ заигра баскет со „маалски деца“

Словенската кошаркарска репрезентација се подготвува за септемврискиот Евробаскет во Љубљана, а викендов ќе ги одигра првите подготвителни натпревари во Турција, но се уште не е познато дали на нив ќе настапи Лука Дончиќ.

Веројатно ќе го стори тоа, бидејќи на Дончиќ очигледно никогаш не му е доста од кошарка.

Тоа го покажува и видеото кое почна да кружи на социјалните мрежи, каде словенечката НБА-ѕвезда си игра со деца на локалниот терен. Видеото го сподели и ФИБА на својот Твитер профил со коментар: „Најсреќниот ден во нивните животи?“

Популарно