Манекенка на првиот состанок бара мажот да направи тест

Моделот и членка на Менса, Кендис Клос од Њујорк изјави дека нејзиниот избраник мора да има натпросечна интелигенција – за да бидат заедно.

Дури и ако хемијата меѓу нив е одлична, доколку мажот не го положи тестот за интелигенција што таа го носи со себе за време на првиот состанок, тој испаѓа од конкуренција затоа што, како што вели манекенката, таа бара „некого со кој ќе ужива во поттикнувачки интелектуален разговор“. Кендис очекува соговорникот да биде добро упатен во актуелните настани, економија, наука…

–Сакам да се уверам дека вреди да се оди на втор состанок со него. Има многу мажи кои се привлечни, но ако не се интелигентни, добриот изглед не е важен. Како можеш да уживаш во времето со некого, доколку не се поврзете преку разговор?, се прашува таа.

Кендис, која го напуштила високото образование поради работа на страницата за возрасни „Онлифанс“, вели дека „привлечно е кога некој брзо ги разбира работите“, како и емоционалната интелигенција, но и брзата досетливост и духовитост.

–Додека растев, јас бев голема „бубалица“ во науката, и математиката… И, сѐ уште ја сакам математиката, вели таа.

Кендис е член во Менса од нејзината 17-та година. Нејзиниот коефициент на интелигенција е 136, што ја сместува во два отсто од населението. Вели дека често е „потценета“ од мажите кои претпоставуваат дека не е интелигентна поради нејзиниот „убав изглед“, но тоа воопшто не ѝ пречи, бидејќи „ужива во можноста да докажува дека луѓето грешат“, користејќи ги нивните претпоставки во своја полза.

Сѐ над 120 се смета за „натпросечна интелигенција“, а пак, луѓето со коефициент поголем од 140, се сметаат за „генијалци“.

За да се стане член на меѓународната непрофитна организација Менса, лицето треба да има коефициент на интелигенција 132, најмалку.

Дневен Хороскоп

ОВЕН

Денеска ќе можете целосно да уживате во слободното време. На некои од вас им претстои патување кое ќе биде поврзано со особено пријатни емоции. Одлично ја вршите работата справувајќи се со проблем кој не е нималку лесен. Посветете повеќе внимание на вашето здравје и како да ја подобрите вашата кондиција.

БИК

Посветени на вашата професионална ангажираност, ќе ги запоставите вашите лични работи. Не го правете тоа, бидејќи многу брзо ќе ве потсетат на пропуштените можности. Вниманието на луѓето посебно кон вас ќе го олесни реализирањето на храбар потфат. Во домашниот амбиент, ќе разговарате за претстојното патување или за друг важен настан.

БЛИЗНАЦИ

Непријатностите околу вас ве прават нервозни и раздразливи. Размислете што правите погрешно и обидете се да се поправите. Така, вашиот живот ќе стане поспокоен, а вие порасположени за согласувања. Посетата на пријател ќе ве израдува и ќе ви помогне да се опуштите. Други претставници на знакот ќе го посветат своето време на стекнување на нови знаења.

РАК

Ќе постигнете повеќе доколку сте доследни во вашите постапки наместо инцидентно да се залетувате. Ако создавате во осаменост, резултатите ќе бидат импресивни. Претпочитате да ги чувате вашите идни напори за себеси, а тоа е навистина најдобро. Добивате интригантен предлог од шармантна личност.

ЛАВ

Ќе преземете позасилен активности во потрага по вашата вистина. Сепак, постојаното менување на задачите ќе го спречи нивното успешно завршување. Добро е да го искористите моментот и да се фокусирате на цели кои ви се навистина важни. Не ги преокупирајте вашите најблиски со вашите проблеми.

ДЕВИЦА

Денеска е речиси невозможно да се соочите со какви и да се потешкотии. Вашата виталност се изразува во правење работи што досега сте избегнувале да ги правите. Успевате да ги придобиете другите на ваша страна за нешто што е од особено значење за вас. Треба да се ослободите од притисокот и обврските, затоа размислете сериозно што можете да направите во врска со тоа.

ВАГА

Вашиот бизнис влегува во прилично просперитетна фаза, што за вас е резултат на вашата визионерска работа започната неодамна. Имате среќна прилика да прославувате, но во исто време да го искористите максимално успехот. Вложете ги парите во нешто сигурно.

ШКОРПИЈА

Контролирајте ги вашите страсти и желби, бидејќи непознатите сили ќе ви ја зголемат склоноста кон алкохолот, бунт и подрски пројави. Можеби ќе се повредите, но ако сте паметни и ги следите настаните, ќе извлечете полза за себеси. Во односите со луѓето не покажувајте лукавство, тоа е едноставно непотребно.

СТРЕЛЕЦ

Бидете реални и не влегувајте во непотребни расправии за да не ја трошите својата енергија. Во врска со деловните работи, ќе побарате мислење од вистинските луѓе, со кои полесно ќе ги разрешите. Други ќе се посветат на туризмот или претпочитани занимации. Секој по своја желба.

ЈАРЕЦ

Контролирајте ги емоциите и не давајте важност на она што некој го кажал за вас. Важните работи ќе ја одредат вашата насока на активност и следејќи ги, ќе напредувате без непотребни главоболки. Силни сте а исто и вашите желби. Имате добар став кон претстојниот настан и тоа ви дава предност.

ВОДОЛИЈА

Под влијание на емоциите или едноставно затоа што не можете да стоите во место, ќе барате начини да интервенирате онаму каде што сметате дека можете да бидете корисни. И сѐ би завршило добро доколку не се наметнувате, туку трпеливо чекавте да ве побараат.

РИБИ

Некои од вас ќе започнат нешто ново. Не грижете се премногу. Доволно сте сигурни во себеси и ќе се справите со задачите кои се пред вас. Не одбивајте помош од близок колега, тој може да ви даде корисни информации. Обидете се да избегнете конфликти дома.

Обожаватели на Тејлор Свифт доживеале амнезија по нејзиниот концерт

Платиле стотици долари за карта и го издржале поројниот дожд за да присуствуваат на концертот на омилената пејачка и да имаат незаборавна вечер.

Единствениот проблем е што не се сеќаваат на ништо од таа вечер. Токму тоа им се случи на некои фанови кои беа на концерт на Тејлор Свифт.

По три часа и 40 песни, луѓето се вратиле дома од концертот и сфатиле дека не се сеќаваат на ништо.

Звучи неверојатно, но многу обожаватели на Тејлор Свифт тврдат дека страдаат од „амнезија по концертот“.

Психолозите велат дека тоа е можно, а зад оваа појава најверојатно стојат емоциите и времето. 

Обожавателите на Тејлор Свифт на социјалните мрежи пишуваат за состојби на чувство како да спијат или да се надвор од своето тело, зголемувајќи ја вината што не можеле да се сетат на клучните моменти од концертот.

Амнезијата може да биде многу сериозен симптом, кој вклучува губење на сеќавањата, искуствата и информациите што ги има.

Д-р Мишел Филипс, предавач по музичка психологија на Кралскиот колеџ за музика, вели дека можноста за амнезија по концертот не е толку страшна како што звучи. Објаснува дека на фановите им е тешко да не се сетат дека биле на концертот.

-Всушност, тоа веројатно ќе биде една од работите што ќе ги паметат до крајот на животот. Но, тие задржале некои аспекти од таа вечер во своето сеќавање, а други не, вели д-р Филипс.

Без разлика дали тие се фокусирале на танцовите движења на Свифт или уживале во чувството да се на тоа место со саканите, луѓето обрнуваат внимание на она што им е важно и ја кодираат меморијата за тие работи, наместо самата музика, објаснува Филипс.

Додава дека најлесниот начин да се разбере амнезијата по концертот е изреката дека „времето лета“ кога се забавуваме.

Филипс вели дека кога обожавателите се возбудени и толку внесени во моментот, може да се почувствува како времето одеднаш да поминало и тие не биле во можност правилно да обработат сè што виделе, слушнале и почувствувале.

Ал Пачино повторно ќе стане татко на 83 години

Ал Пачино чека дете со девојката Нур Алфалах (29), која е бремена во осмиот месец.

Оскаровецот и Алфалах се во врска од април 2022 година, а последен пат беа видени заедно минатиот месец во отмениот ресторан „Е Балди“ во Лос Анџелес, пишува Дејли Мејл.

83-годишниот Пачино, е татко на три деца со две сопруги: ги дели 22-годишните близнаци Оливија Пачино и Антон Џејмс Пачино со Беверли Д’Анџело и Џули Пачино со Јан Тарант.

Веста за бременоста се појави истиот месец кога и Роберт де Ниро објави дека го чека седмото дете со девојката Тифани Чен.

Парот се уште не открил дали ќе има син или ќерка, а идната мајка на неговото четврто дете е 54 години помлада од легендарниот актер.

Популарно