Имал потекло од Тетово: Блажевиќ двапати за малку не станал селектор на Македонија!

Легендарниот хрватски тренер, Мирослав Блажевиќ, кој почина денеска на 88-годишна возраст по долга борба со ракот, во минатото за малку двапати не стана селектор на Македонија за што жалеше речиси цел живот.

Во интервју дадено за тогашниот дневен весник „Вест“, тој изрази жалење што во 2009 година не ја доби довербата наместо Мирсад Јонуз, а неговото име се споменуваше и четири години претходно, пред да биде наименуван Слободан Сантрач, кога наводно бил прескап за луѓето од ФФМ.

„Се сеќавам, вашиот тогашен претседател на ФФМ (Хари Хаџи -Ристески н.з.) беше упорен за селектор да постави Македонец и ме одби. Можеш да замислиш, го одби Ќиро со целиот свој авторитет и со сите успеси што стојат зад него за некој си тренер кој морал да биде од Македонија. Неверојатно!“, изјави тогаш Блажевиќ.

Тој потоа откри податок што малкумина го знаеле.

„Па и во мене тече македонска крв! Дедо ми е Македонец со потекло од Тетово. А ако тогаш бев поставен за ваш селектор сигурно ќе бевте први во квалификациската група и ќе игравте на завршницата на ЕП во Полска и Украина. Лесно ќе бевме први во групата и сега ќе го величавте Ќиро. Верувај ми, пред тој разговор со вашиот претседател секогаш кога играше Македонија ја гледав како своја репрезентација и навивав за неа, но откако ме одби, повеќе не е така – рече тогаш “тренерот на сите тренери” како што го нарекуваат во Хрватска.

(ВИДЕО) Борба помеѓу руски командос и американски специјалец

Хит на социјалните мрежи, со над 1,4 милиони прегледи стана бокс мечот помеѓу борец од руската специјална единица „Алфа“ и маринец од американската војска.

Дмитриј Степанов бил немилосрден против офицерот во маринците Денис Лејн, кој пред борбата бил преставен со прекарот „Ураган“.

За помалку од две минути Степанов успеа да ја добие борбата против американскиот маринец.

Скопје доби ново место за вежбање - Идеално за сите со проблеми со зглобовите!

Новиот фитнес центар има и значително повеќе простор за паркирање на возилата на членовите, а направени се и паркинг места за велосипеди. Основната цел на тимот на ATG е да се создаде една удобна фитнес зона за сите кои вежбаат и го поминуваат времето во фитнес центарот.

ATG Macedonia отвори нов фитнес – центар во Хром, на улица „Воин Драшковиќ“ (кај автобуската постојка на последна 4-ка). Станува збор за поголем простор и современо опремен центар, кој овозможува задоволување на фитнес потребите на нашите членови, рекреативци и спортисти.

На овој начин, ATG Macedonia отвора ново поглавје во своето работење. Новата сала го зголемува капацитетот за прием на нови членови, а го подобрува и квалитетот на вежбање за сите Вас. Нашите тренери остануваат 100% посветени кон реализацијата на Вашите цели, надминување на повреди, подобрување на перформанс, намалување на килограми, зголемување на мускулна маса и сл.

Иако новата сала веќе активно работи и сите членови можат да ја користат, официјалното отворање на истата ќе биде на 10 декември (вторник), од 18:00 часот. Имено, тимот на ATG Macedonia ги поканува сите свои членови, партнери, соработници и поддржувачи да присуствуваат на отворањето, кое ќе се одржи во новите простории, во Хром, на улица „Воин Драшковиќ“ (автобуска постојка на последна 4-ка).

Отворањето ќе има мултимедијален карактер и динамична програма. Предвидено е обраќање на сопствениците на ATG Macedonia, како и видео порака од Бен Патрик од Америка – основачот на ATG системот на вежби. Дополнително, ќе се обратат и дел од членовите на фитнес центарот, а планирано е и претставување на различни брендови кои произведуваат здрави производи.

Всушност, отворањето на новиот фитнес центар ќе ги застапува основните вредности по кои функционира ATG заедницата во целост: здрав и балансиран начин на живот, одговорност, пријателство и создавање квалитетни и одржливи врски.

Сите заинтересирани лица можат да вежбаат ATG на две локации:

Хром, ул. „Воин Драшковиќ“ (автобуска постојка на последна 4-ка);

„Палестра“ фитнес центар во East Gate Mall;

Достапна е можноста и за ATG онлајн вежбање, каде што имате повеќе програми, кои ги изведувате под надзор и совет на ATG обучен тренер, а на локација која Вас ви одговара.

Посетете ја веб – страницата: https://atgmacedonia.com/ и заследете ги ATG на официјални профили:

Facebook и Instagram.

Масар Омерагиќ единствен кандидат за претседател на ФФМ

Комисијата за избори и верификација во рамки на Фудбалската федерација на Македонија (ФФМ) го прифати предлогот на Општинскиот фудбалски Сојуз – Свети Николе за поддршка на кандидатурата на Масар Омерагиќ за претседател на Фудбалската федерација на Македонија на Вонредното изборно Собрание на Фудбалската федерација на Македонија на 22. декември 2024. година.

Одлуката на Комисијата за извори и верификација во рамки на ФФМ по предлог на ОФС Свети Николе го одреди Масар Омерагиќ за единствен кандидат за претседател на Фудбалската федерација на Македонија на Вонредното изборно Собрание на ФФМ закажано за 22. декември 2024 година.

Популарно