Оваа интерактивна канта која зборува со минувачите и ги опоменува да не фрлаат ѓубре наоколу е креирана со цел да влијае на подигнувањето на свеста за комуналната хигиена и да придонесе кон почист град.
Кантата е направена од рециклирани материјали (стара цевка за канализација) и во неа е сметена електроника со сензори кои го детектираат движењето и опоменуваат да не се фрла ѓубре наоколу, a кога некој ќе фрли ѓубре кантата се заблагодарува и ја раскажува својата приказна за ѓубрето во градот.
Во својата беседа кантата нуди можност на граѓаните да поразговараат со неа и да ги слушнат причините зошто е валкан градот но и да ги слушнат проблемите со кои се соочуваат мнозинство канти за ѓубре.
Во наредниот период кантата ќе биде поставена (пред дизајн студиото на Кинг оф принт во близина на кафе Круг и кај Мобилната монтажна галерја во франкофонскиот парк) во центарот на Скопје, а од наредната недела граѓаните ќе можат да се сретнат и да поразговараат со кантата на различни локации.
Кантата е дело на групата Урбани уметнички акции која делува во склоп на Центарот за современи уметности.
