Македонија со убедлив пораз се враќа од Фарски Острови

Спорт

пред една недела

Ракометарите на Македонија убедливо загубија на гостувањето кај Фарски Острови со 34-27 (18-14), во рамките на првиот дуел од бараж двомечот за пласман на Светското првенство. Нашите ракометари доста грешеа и немаа решение за полетната игра на Фараните кои пред полните трибини на малата сала „Холин а Халси“ дојдоа до круцијален триумф. Едно е сигурно, Македонија ќе има пеколно тешка задача да се избори за одржување на континуиетот на големите собири, бидејќи се враќа во Скопје со висока негатива.

Најдобар наш поединец беше Филип Кузмановски кој даде осум гола, додека по пет имаа Марко Митев и Никола Костески, а Лазаревски запре на четирите од првиот дел. Македонските дефанзивци немаа решение за Елиас Елефсен а Скипаготи кој даде десет погодоци. Што се однесува до голманите, Митревски имаше шест одбрани, а исто толку комбинираа и Фараните.

После мечот Кирил Лазаров изјави дека не губат надеж до последниот свиреж во недела и ја побара поддршката од публиката.

Реваншот е закажан за внедела во Борис Трајковски од 19:00

(ВИДЕО) 22 години од денот кога Кометал ја освои Лигата на шампионите

Спорт

пред 17 часа

На денешен ден, пред дваесет и две години, секој Македонец беше горд и плачеше од радост, затоа што женскиот ракометен клуб Кометал Ѓорче Петров ја донесе првата европска титула во нашата земја, откако го крена престижниот пехар во Лигата на шампионите. На 19 мај, 2002 година, Кометалки во мечот за титула го совладаа Херц (26-22) и направија секој човек од нашата земја да слави, без разлика дали е вистински вљубеник во ракометната топка или пак не.

Се присетуваме на последните минути од финалниот натпревар:

Дел од тимот на Кометал Ѓорче Петров во финалето во „Кале“ беа Луминица Дину, Гордана Нацева, Индира Кастратовиќ, Оксана Плошчиска, Ирина Калиниченко, Анжела Платон, Милева Велкова, Олга Бујанова, Мирјана Чупиќ, Андријана Будимир, Лариса Ферзалиева, Ања Андрушченко, Наталија Малахова и Елена Златановска.

Дваесет и две години подоцна, Македонија има ракометни тимови со кои се гордее. Ама енергијата која ја предизвика Кометал ЃП во нашата земја - засекогаш ќе се памети. Орото кое се виеше на „Македонско девојче“, како и скоковите од радост на „Кометал шампионе“, засекогаш ќе останат врежани длабоко во македонската спортска историја.

Вардар елиминаран од ракометниот куп

Спорт

пред 2 дена

Купот на Македонија ќе добие нов владетел. Актуелниот првак Вардар 1961 во драматичен финиш загуби од Алкалоид (25-24) и така тимот на Кирил Лазаров ќе игра историско финале во второто натпреварување во нашата земја.

Дуелот меѓу двете екипи од Скопје беше крајно изедначен и драматичен. Вардар во последниот напад доби шанса од пенал да израмни и да гледаме пенали, но Галевски беше херојот на Алкалоид и го одбрани ударот на Срдановиќ.

Финалето од Купот на Македонија е закажано во недела од 19:30 часот во СЦ „Борис Трајковски“.

Македонија со пресврт до ново Светско првенство!

Спорт

пред една недела

Македонија одигра неверојатен натпревар и можеби го направи она што никој не го очекуваше. Во бараж-реваншот против Фарски Острови извојувавме голема победа од 34-26 и повторно ќе играме на еден голем ракометен собир.

Во перфектната атмосфера во СЦ „Борис Трајковски“ момците водени од Кирил Лазаров го оставија срцето на терен и со пресврт ја анулираа предноста на Фараните.

Жарко Пешевски беше перфектен од линијата за шест и имаше „осум од осум“, Филип Кузмановски даде седум гола, шест беа дело на Марко Митев, а пет на Мартин Серафимов. Иако голманите немаа свој ден, Митревски фати четири топки, но две во клучен момент од мечот.