ВИДЕО: Дарко Андонов ДААН со нова динамична песна во модерен диско ритам

Дарко Андонов а.к.а ДААН во вторникот на 30ти Јули го промовираше својот најнов сингл и lyrics видео за песната “СУДЕНА”.

Како што вели Дарко песната е во модерен и динамичен диско ритам кој ги следи најновите трендови во популарната музика и се надева дека ќе привлече внимание и ќе допре до слушателите.

Текстот на песната е дело на Миле Наумовски и како што кажува и самиот наслов се работи за судена односно несудена љубов, зависно од тоа кој како ќе се пронајде во песната и опфаќа интересни моменти од секојдневието во една врска каде треба да се тргнат на страна суетите и егоизамот за да се успее на љубовен план и да се најде баланс во една врска.

Како автор на музиката се појавува самиот Дарко Андонов заедно со Миле Наумовски, додека за аранжманот се погрижи исто така Дарко и неговиот долгогодишен соработник Кире Јакимов кој исто така го работеше миксингот и мастернигот за финалниот продукт да звучи вака добро.

Инспирацијата за музиката и аранжманот на песната како што вели Дарко се црпени од најновите музички трендови, каде доминира модерен и специфичен ритам, во овој случај во диско стил, надополнет со интересна мелодиска линија.

Песната е снимена во студиото на Дарко Андонов, DAAN MUSIC PRODUCTION кое е лоцирано во Скопје.

Во однос на видеото за песната овој пат решив да одиме со нешто поразлично, односно да направиме едно Lyrics видео и да дадеме акцент на самата песна. Lyrics видеото го работев сам, некако барав нов предизвик да видам како би се снашол и во видео продукција така што излезе еден интересен проект.

За крај Дарко во однос на неговите идни планови ни најавува дека работи на доста нови проекти како на авторски план така и како артист. Исто така ни открива дека следуваат и соработки со други артисти, соло прокети како и нови композиции во изведба на млади и талентирани вокали.

ВИДЕО: Два грома удриле во руски автомобил

Жена од Русија за чудо останала неповредена откако скоро истовремено два грома удриле во нејзиниот џип.

Спектакуларниот „огномет“ на патот го снимила камера на возило кое се движело зад возилото на жената и се приближувало на семфарото во Новосибирска. Моторот на „тојотата“ веднаш запрел, а без оглед на силниот удар и искрите возилото не се запалило.

„На момент ослепев и грчевито го зграбив воланот. Се се случи многу брзо“, раскажала Галина Ершова, која била во возилото.

Никој од возачите наоколу не запреле после ударот, но за среќа ни патниците ни жената зад воланот не биле повредени. Возилото на крајот го одвлекла шлеп-службата.

Видео: Ова ти се вика „милениче“

Жител на БиХ од Груде наишол на поскок за време на неговата прошетка, па одлучил да го фати и да го однесе дома, пишува “Дневни Аваз”.  Младен Иличиќ изјавува:

– Случајно го пронајдов ова шише, бидејќи несовесните граѓани ѓубре фрлаат каде ќе стигнат, па ја таив змијата и ја затворив во него, раскажува Иличиќ, кој потврди дека поскокот е сега негов домашен миленик.

– Змијата е кај мене и ја хранам со инсекти.

Фото: Нашите освојуваат награди и во Кореја

Машински Факултет Скопје издаде соопштение  во врска со учеството на меѓународна изложба во Кореја и постигнатиот огромен успех, помеѓу другото наведуваат:

„Пронајдокот „Филтер за воздух вграден во велосипедско тркало“ кој е остварен од страна на нашите студенти: Ина Крстевска, Филип Попоски, Марко Насески, Мартин Спасовски Игор Џамбаски и Александар Јанковиќ, заедно со вон. проф д-р Иле Мирчески и дип. маш. инж. Тошко Ристов на 12-та по ред меѓународна изложба  „KIWIE 2019“ одржана во Сеул, Јужна Кореја во периодот од 20 до 23 јуни 2019, во организација на Корејската асоцијација за жени пронајдувачи KWIA и поддршка од Корејскиот завод за интелектуална сопственост KIPO и светската организација за интелектуална сопственост WIPO се здоби со следните награди:

- Златен медал од страна на Меѓународната комисија составена од експерти во дадената област

- Златен медал со диплома од страна на Асоцијацијата за промоција на пронајдоци и иновации од Индонезија

- Диплома за најдобар пронајдок од страна на Центар за Жени иноватори на Узбекистан.

Честитки за македонските иноватори.

Популарно