Ако не сигурни дали сте аматер или експерт во креветот овие седум знаци покажуваат дека сте одлични љубовници

Дали некогаш сте се запрашале каква оценка од 1 до 10 заслужувате за вашите вештини во креветот? Да бидеме искрени, дури и ако мислите дека сте чиста „десетка“, вашиот партнер може да не се согласи.

Сепак, за да се реши оваа дилема, експертите издвојуваат 7 знаци кои покажуваат дека сте одлични во сексот.

Чувствувате дека сте поврзани со вашиот партнер

Одличниот секс не е само физичко искуство, а она што го прави фантастичен е чувството на поврзаност помеѓу две лица. За да бидете мајстор во креветот, прво мора да ја разберете важноста на поврзувањето со вашиот партнер и да научите да ја совладувате оваа техника.

Самоуверени сте

Кога имате самодоверба тоа покажува дека сте добри во она што го правите, а истото важи и за сексот. Но, тоа не значи само дека сте сигурни во себе и во својата сексуална техника, туку и дека се чувствувате добро заради вашиот изглед.

Добриот љубовник не е оној кој е опседнат со себе и е исклучен од целото искуство, туку е во состојба да се препушти и да се „изгуби“ во чувството на уживање со својата партнерка.

Отворени сте за промена

Се разбира, сите имаме работи што ги сакаме, но и работи коишто сепак не би ги пробале. Добриот љубовник е креативен и секогаш подготвен за промени. Вашиот мозок е многу важен кога станува збор за добар секс, па искористете го за да пронајдете нова возбудлива работа за вас и вашиот партнер.

Го слушате партнерот

Лошиот љубовник е често себичен и затоа слушањето на партнерот е клучно за незаборавен секс. Без комуникација не можете да бидете добар љубовник, па затоа бидете внимателни и дарежливи.

Не брзате

Ако честопати премногу брзате со акцијата и се обидувате да завршите што е можно побрзо, ова е знак дека мора да поработите на тоа. Важно е да забавите, да обрнувате внимание на секој детал и да бидете многу темелни.

Му се радувате на сексот

Ако сте расположени за секс кога партнерот или партнерката ве заведува, а често и вие сте иницијаторот, тоа се знаци дека сте на вистинскиот пат.

Сакате игри во кревет

Ако сакате да бидете голем љубовник, уживајте во сексот и разните игри. На крајот на краиштата, сексот е игра за возрасни, па така секоја нова игра ќе биде вовед во уште поголемо задоволство.

8 причини зошто "Вистински Маж" никогаш нема да ја изневери девојката во која е заљубен

Вистинските мажи се емоционално стабилни - Обично слушаме дека девојките се тие кои имаат проблем со контрола на емоции. Да бидеме искрени, мажите се многу полоши. Додека жените се доволно интелегентни за да ги споделат своите чувства и да разговараат за своите проблеми (поголем дел од времето), мажите ги држат во себе.

Додека, се разбира, не можат да издржат повеќе и не експлодираат. Кога нешто не е во ред во врската, жените можеби плачат, можеби се жалат, можеби се бесни или можеби ви го даваат третманот на молчење - но мажите, слабите мажи се преправаат како да не чувствуваат ништо.

Кога еднаш ќе им се прелие чашата, гледаат да побараат ослободување каде можат. Пијат. Пушат. Имаат секс. За жал, бидејќи не можат да си го решат проблемот со девојките кои им се за долга врска, одат и имаат секс со се' што ќе најдат. Од друга страна, вистинските мажи се справуваат со своите емоции соодветно.

Вистинските мажи имаат доволно самоконтрола да го задржат во панталоните - Многу ми е жал што ќе морам да ви го кажам ова господа, но бидејќи сте мажи ќе сакате да "ја легнете" секоја убава девојка која ќе ви помине пред очи. Буквално секоја.

Но, доколку сте вистински маж, секако нема да ризикувате да ја изгубите девојката со која имате хемија и со која можете да градите иднина за неколку минутно задоволство. Доколку толку ви е дојдено до секс зошто не спиете со жената која ја сакате?

Доколку сексот ви здодее, тогаш преземете нешто за да го направите поинтересен. Потребни се двајца за танго - доколку таа не го донесе шлагот, земете го вие.

Вистинските мажи не излегуваат со девојки кои не ги сакаат, или не веруваат дека можат во иднина да ги засакаат - Очигледно, денес сите си ја пробуваме среќата со луѓе за кои не сме сигурни дека ќе се заљубиме - да, постои љубов на прв поглед, но таа е многу ретка. Како и да е, многумина би излегувале со некој кој не им се допаѓа премногу или не им одговара чисто онака.

Вистинските мажи знаат дека жените не се предмети и затоа не ги употребуваат за да си ги задоволат своите потреби. Кога знаат дека девојката со која што се гледаат не можат да ја засакаат, едноставно не дозволуваат работите да се развијат.

Вистинските мажи почитуваат - Тие ги третираат луѓето со почит, особено кога станува збор за девојките со кои излегуваат. Изневерувањето е лажење. Тоа е кршење на довербата и доказ дека не се грижите за вашиот партнер/ка како пријател, како љубовник и како човечко битие. Доколку и' ја скршиш довербата ти никогаш повторно нема да успееш да ја добиеш назад. Тоа е лекција која сите ај учиме на потешкиот начин.

На Вистинските мажи не им е потребно да додаваат рецки на својот појас за да се чувствуваат како мажи - Вистинските мажи едноставно знаат дека се вистински мажи. Тие го чувствуваат тоа со секој свој чекор и тоа сите јасно го гледаат. Многу "мажи" денес мислат дека е пофалба и нешто со кое треба да се гордеат ако спиеле со многу девојки - како тоа да е некој вид на игра и девојките се нешто што се колекционира.

Девојките не се предмети, а таа игра која ја играат незрелите мажи се вика ЖИВОТ. Доколку те фати дека ја изневеруваш вложуваш многу високи влогови, а тоа може да го уништи твојот живот. Да ја изгубиш девојката која утре може да биде мајка на твоите деца, за забава за една ноќ... Никогаш не знаеш.

Вистинските мажи никогаш нема да ја повредат девојката која ја сакаат - Да бидеме фер, вистински маж не би повредил ниту една жена, а особено не таа која ја гледаат како своја партнерка. Вистинските мажи сакаат и се грижат за себе и за оние кои им се блиски.

Доколку сте доволно среќни да најдете жена која ќе ја засакате и да ја добиете, тогаш би требало да дадете се што е во ваша моќ за да и ја задржите насмевката на лицето. Нема ништо полошо на светот од тоа да ја изгубите личноста која ја сакате... Луѓе сме, грешиме, но не сите грешки се простуваат.

Вистинските мажи ги знаат вредностите на животот - а тоа не е уште едно парче "газ"! - Вистинските мажи се премногу зафатени живеејќи го животот од своите соништа за да се мачат со квантитет. Тие работат на постигнување на она што е вистински вредно во животот, но што е уште поважно е - тие знаат кои се вистинските вредности на животот!

Како мажи, тие најчесто сакаат повеќе отколку тоа што им е доволно. Но само кога ќе го добијат тоа што мислеле дека го сакаат ја сфаќаат грешката. Уште сега ќе ви кажеме - треба да имате само една жена покрај вас.

Жена која ќе ве сака до крајот на животот е тоа што е навистина значајно и вредно. Остантите нема ни да ве паметат.

Вистинските мажи имаат храброст да раскинат со девојка - Доколку планирате да ја изневерувате очигледно не сакате да бидете со неа. Соберете храброст и раскинете и'. Штом ви текнало да "шарате" на страна како и да е, побрзо или подоцна ќе и' раскинете. Вака барем ќе излезете вистински човек, а не кукавица.

Овие 5 работи никогаш не треба да се прават на првиот состанок

Што да облечеме, каде да одиме, за што да разговараме, се само некои од прашањата што си ги поставуваме пред првиот состанок

Првиот состанок е секогаш малку чуден, поради фактот што вие и личноста со која сте излегле се грижите за многу работи, како што е првиот впечаток, дали му се допаѓате, дали изгледате добро, дали зборувате премногу или премногу малку, и што е најважно – дали тој ќе сака да се видите повторно?

Љубовната средба во исто време може да предизвика возбуда, напнатост и нервоза, а доколку е успешна, првиот состанок може да биде почеток на успешна врска.

За да знаете што може да тргне наопаку, тогаш кога се обидувате да оставите добар впечаток, погледнете ги овие пет работи што никогаш не треба да ги правите.

1. Не доцнете

Одложувањата оставаат впечаток на неодговорна и несигурна личност. Нема мажи и жени кои сметаат дека доцнењето е привлечно. Најдобро е да пристигнете на состанокот неколку минути порано и да избегнете каква било можност за одложување.

2. Не го спомнувајте поранешниот партнер

На потенцијалниот партнер не му е најпријатно да слуша за вашето поранешно момче цела вечер. Тој веројатно ќе помисли дека не сте ја преболеле претходната врска и дека го гледате како авантура што ќе ви помогне да ги свртите мислите.

3. Заборавете на мобилниот

Како прво, секако ќе одговорите ако очекувате важен повик, но тоа не треба да значи вашиот телефон да е во вашата рака повеќе од вилушката. Ако постојано одговарате на СМС-пораки или го разгледувате Instagram, додека лицето од другата страна сака да комуницира со вас, вие во основа кажувате само едно – не ме интересира.

4. Водете дијалог- не монолог

Запомнете дека сте на прв состанок и дека никој не треба да чувствува дека е испрашуван. За разговор е потребна рамнотежа со прашањата што ви помагаат да запознаете некого подобро, но не претерувајте со премногу интимни прашања. Работи како политика, религија и слично се исто така теми кои ретко се споменуваат на првиот состанок, па затоа е најдобро да ги избегнувате.

5. Поделете ја сметката

По добро поминатото време, некој треба да ја плати сметката. Факт е дека има мажи на кои им е под чест жената плаќа сметки, па тоа го земаат под своја обврска. Ако не ви е пријатно, поделете ги трошоците или прифатете следниот пат да платите вие, ако и двајцата се согласивте дека ќе има уште еден состанок.

Популарно