ВЕРУВАЈЌИ ВО ТИШИНАТА "СЕ Е ИСКРЕНО" - е книга што ќе се продава исклучиво само онлајн, а дел од средствата од продадените книги ќе бидат донирани.

Вероника Саздовска - млада поетеса од Велес на 22 години има свои шест книги.

Мало запознавање со воведот на книгата:
„Се е искрено“ – оваа едноставна, но длабока изјава носи со себе огромна сила. Искреноста е темел на секој однос, основа на довербата и клучна за изградба на вистинска поврзаност помеѓу луѓето. Во светот полн со привидности, лицемерие и лаги, искреноста е реткост која се цени, но истовремено и создава сила во нејзината едноставност. Кога се однесуваме искрено, не само што се ослободуваме од тежината на лажните маски, туку и му дозволуваме на светот да нè види во нашата најчиста и вистинска форма. Искреноста не е само збор, туку и одлука да си бидеме верни на себе и на другите.

Порачка на книгата можете да направите на инстаграм профилот @callmeveki или на фејсбук профилот Вероника Саздовска

Претседателот на Владата на Република Северна Македонија Христијан Мицкоски во вечерашното гостување во Отвореното студио на тема Буџет 2025 на МТВ посочи дека веќе нема фантом фирми кои црпат пари од државната каса со фиктивни фактури за поврат на ДДВ, како и дека поради тоа во октомври за прв пат во Буџетот има суфицит со што се исплатени повисоки пензии, повисоки плати во образованието и здравството.

„Ние може после подолго време имавме суфицит во Буџетот и тоа беше во октомври од прилика милијарда и 125 милиона денари. И тоа претставуваше еден добар успех за Владата и тоа помогна во санирање на некои состојби прилично. Зборам од аспект на ликвидноста. Во делот на борбата со сивата економија, можам да кажам дека растот на приходите кој што доаѓаат изворно од работењето и на УЈП и на Царината се мери најчесто во двоцифрен број проценти, 12, 15 дури  и повеќе од 20 проценти. Тоа значи дека нема веќе фантом фирми кои што побаруваат поврат на ДДВ“, вели Мицкоски и додаде:

„Шести месец откако сме Влада многу од фантом фирмите кои што често пати пота биле банкротирани, препродавани на луѓе кои што не постојат надвор од земјата предизвикувале таква дупка во Буџетот што на моменти се доведувала и ликвидноста под знак прашалник. Е сега тоа веќе го нема. Принципот „како до сега го нема“ и од тие причини се појави овој суфицит кој за нас многу значи, а замислете во исто време имаме зголемени пензии, во ноември веќе од аспект на ликвидноста и зголемени плати во секторот на образование на здравство и слично.“

Денеска во Владата на РСМ, министерот за внатрешни работи Панче Тошковски заедно со директорот на БЈБ при МВР, Александар Јанев организираа пригоден коктел за полициските аташеа во составот на странските дипломатско-конзуларни претставништва застапени во нашата земја.

Во своето пригодно обраќање министерот Тошковски, забалагодарувајќи се на досегашната соработка, особено во поглед на низата заеднички проекти во разни области, вредните донации во средства наменети за македонската полиција, како и многуте меѓународни обуки и тренинзи, изрази уверување дека таквото партнерство ќе продолжи и во иднина пред се во името на заедничките вредности и цели.

Воедно честитајќи ги претстојните Божиќни и Новогодишни празници на полициските аташеа нагласи дека – „во Новата година продолжуваме со интензивната полициска соработка во сите области бидејќи сме дел од едно семејство и се соочуваме со слични предизвици и проблеми а се во насока на решавање и обезбедување на глобалната безбедност“.