ЕКСКЛУЗИВНО Цела листа: Кој министер има најголема плата

Комплетен список на платите на сите министри од Владата во нето суми

Ова е за прв пат да се добие информација од ваков тип во нето износ, а не како што беше досегашната пракса, кога бројките кои беа доставувани до медиумите беа изразени во коефициенти.

Треба да се спомне и дека информации од ваков тип до сега медиумите најчесто добиваа преку користењето на Законот за слободен пристап до информации од јавен карактер, а процедурата трае минимум 15 дена.

Во продолжение платите на сите министри од новата Влада:

Бујар Османи, Заменик на претседателот на Владата, задолжен за европски прашања, нето плата: 71.100 денари

Оливер Спасовски, Министер за внатрешни работи, нето плата: 71.100 денари

Радмила Шекеринска Јанковска, Заменичка на претседателот на Владата на Република Македонија и министерка за одбрана, нето плата: 71.100 денари

Кочо Анѓушев, Заменик на претседателот на Владата, задолжен за економски прашања и за координација со економските ресори, нето плата: 71.100 денари

Роберт Поповски, Mинистер без ресор задолжен за комуникации, отчетност и транспарентност, нето плата: 65.823 денари

Едмонд Адеми, Министер без ресор задолжен за дијаспора, нето плата: 65.823 денари

Аднан Ќахил, Министер без ресор задолжен за странски инвестиции, нето плата: 65.823 денари

Самка Ибраимовски, Министер без ресор задолжен за имплементација на Стратегијата за подобрување на состојбата на Ромите во Република Македонија, нето плата: 65.823 денари

Зоран Шапуриќ, Министер без ресор задолжен за регулатива за подобрување на инвестициската клима за домашните претпријатија, нето плата: 65.823 денари

Зорица Апостолска, Mинистеркa без ресор задолжена за странски инвестиции, нето плата: 65.823 денари

Рамиз Мерко, Mинистер без ресор, задолжен за странски инвестиции, нето плата: 65.823 денари

Хазби Лика, Заменик на претседателот на Владата, задолжен за спроведување на Рамковниот договор и политички систем, нето плата: 71.100 денари

Никола Димитров, Министер за надворешни работи, нето плата: 65.823 денари

Драган Тевдовски, Министер за финансии, нето плата: 65.823 денари

Арбен Таравари, Министер за здравство, нето плата: 65.823 денари

Билен Саљији, Министер за правда, нето плата: 65.823 денари

Горан Сугарески, Министер за транспорт и врски, нето плата: 65.823 денари

Крешник Бектеши, Министер за економија, нето плата: 65.823 денари

Љупчо Николовски, Министер за земјоделство, шумарство и водостопанствo, нето плата: 65.823 денари

Дамјан Манчевски, Министер за информатичко општество и администрација, нето плата: 65.823 денари

Мила Царовска, Министерка за труд и социјална политика, нето плата: 65.823 денари

Рената Тренеска Десковска, Министерка за образование и наука, нето плата: 65.823 денари

Сухејл Фазлиу, Министер за локална самоуправа, нето плата: 65.823 денари

Роберт Алаѓозовски, Министер за култура, нето плата: 65.823 денари

Садула Дураки, Mинистер за животна средина и просторно планирање, нето плата: 65.823 денари.

Амди Бајрам: Тоа за Зајко (Заев) и кафезот беше шега

Амди Бајрам призна дека е сончоглед. Кој е на власт, тој таму се врти. Вечерва беше гостин на „Само вистина“ на Канал 5 каде на прашањето дали останува на тоа секогаш да биде со власта, тој одговори дека тоа е точно.

-Точно е дека јас сум секогаш на власт. Секогаш сум кажувал дека кој е на власт, јас сум со вас. Нормално е да бидеш во власта, бидејќи јас сум единствен Ром во Собранието и сам ништо не можам да направам. Груевски доста направи за нас Ромите и јас тоа го ценам. Задоволни сме од таа коалиција, но со заминувањето на Груевски и јас ја напуштив таа коалиција, рече Бајрам.

На прашањето на новинарката за ветувањата на Амди, за кафезот за премиерот Заев и за морковот кој тој му го нудеше во кампањата, тој кратко одговори:

– Тоа беше шега, и тоа е.

Веќе не сум Кока Кола, туку сум најстар пратеник со мандати во Парламентот на Република Македонија. Тука сум да ја застапувам мојата политичка партија, да покажеме дека постоиме и ние Ромите во Македонија.

– Она што новата власт го прави, го поддржувам. Гледате дека во ова сега е вмешана Европа и цел свет. Мислам дека на добар пат сме, тоа е еден добар показател за Македонија, рече Бајрам во однос на прашањето за македонско – бугарските односи, како и потезите на новата власт за името и договорот за добрососедство меѓу Македонија и Бугарија.

Грчките спасувачи се обиделе да го спасат Александар на Кајмакчалан, но...

Грчките специјални единици за справување со катастрофи ги пронашле Калина и Александар уште во саботата навечер, околу 22 часот – или околу осум часа по нивното исчезнување. Се обиделе да го спасат Александар, кој бил сѐ уште свесен, при што употребиле ремен за да го извлечат. Но, во текот на извлекувањето поради непозната причина ременот се откачил и Александар паднал на стрмната падина на уште поголема длабочина. Грчките спасувачи од Солун изјавиле во полиција дека Калина тогаш не покажувала знаци на живот, ниту на чувствителност, поради што претпоставката е дека веќе била почината.

Ова се наведува во барањето за обдукција на телата на Калина и Александар од 11 февруари, испратено од полицијата во Воден до Судската медицина во Солун. Во полицискиот документ кој го добиле семејствата на загинатите, се наведува дека по неуспешниот обид за извлекување на Александар и „поради темнината и лошите временски услови, односно силниот снег и ветер“, било невозможно планинарите „да бидат лоцирани“.

Потрагата вечерта прекинала и Специјалните единици за справување со катастрофи се вратиле на местото каде што биле планинарите дури наредниот ден, во неделата на 11 февруари. Калина и Александар се пронајдени мртви на 11 февруари во 10 часот по грчко време, а нивните тела се извлечени во 13 часот и се пренесени во болницата во Воден. Александар е пронајден на растојание од 40 метри од Калина, која била вкопана во снег, на длабочина од околу 1,5 метар.

Првичните информации од обдукцијата на телата на загинатите планинари покажува дека причина за настанатата смрт била хипотермија. 26-годишната Калина Велевска и 35-годишниот Александар Миновски загинаа по бурата што ги зафатила на планината Ниџе. Со помош на хеликоптер, 3 возила и 13 лица од службата за спасување, двете тела беа извлечени од бездната.

Федерацијата на планински спортови пред неколку дена му ја одзема лиценцата на водичот Зоран Костадиновски од планинаркото друштво „Трансверзалец“ по трагедијата што се случи на Кајмакчалан, каде што животот го загубија двајцата млади планинари Калина Велевска и Александар Миновски. Планинарското друштво кое постои веќе 20 години до 21 март не ќе може да организира планинарски тури на височина над 2.000 метри. Ваквата одлука е донесена по разгледувањето на извештајот што се случувало кобниот викенд на 10 и 11 февруари годинава, кога група од 50-тина планинари тргнале во освојување на планината Ниџе, иако временските услови биле исклучително неповолни.

Лиценцата на Костадиновски му се одзеде поради технички пропусти во организирање на турата, која заврши кобно за двајцата млади планинари, вљубеници во природата. Костадиновски немал лиценца за тури во зимски услови.

Претходно Федерацијата на планинарските спортови објави детален извештај од командантот на тимот за брз одговор за заштита и спасување на планина при Дирекцијата за заштита и спасување за тоа што се случувало на Кајмакчалан, каде што викендов младите планинари Калина Велевска и Александар Миновски ги загубија животите. Но, извештајот дава хронологија на настаните, но не и одговори на многу прашања околу загинувањето на двајцата планинари. Овој извештај само дополнително го зголеми притисокот во јавноста, каде не стивнуваат реакциите и барањето одговори, но и одговорност за тоа што се случило минатиот викенд на Кајмакчалан.

Се слагам со критичарите на „Писмото на интелектуалците“ дека нивното сочинение е тешка будалаштина

Се слагам со критичарите на „Писмото на интелектуалците“ дека нивното сочинение е тешка будалаштина. Мора да е глупо штом Трајаноски седнал да ги проверува фактите во него и точка по точка да го демантира, патем крајно изнасилено и со тенки контра аргументи, прогласувајќи ги потписниците за токмаци. Мора да е тупост штом Најческа повраќа врз ликовите и делата на сочинителите и ингениозно ги прашува мaлoумниците која е алтернативата ако сме нејќеле во ЕУ и НАТО?! Затоа е во право и Тричко кој со нив брише клозети и ги праќа (сосем праведно) во делот од женското тело од каде што своевремено излегле на чист воздух.

Се согласувам и со второкласната боранија поддржувачи, новинар(к)и и слободни мислител(к)и кои на социјалните мрежи шегобијно лепат туѓи мисли за тоа што претставува всушност терминот интелектуалец или декламираат дека впрочем нема за што да се разговара со овие 200 фрустрирани анонимуси. Сепак, врвот над сите врвови, Богот ако смеам така да го наречам, иако во основа е антихрист, најголемиот аргументатор е без никаков сомнеж Орданоски. За него содржината на писмото е беспредметна бидејќи под текстот не се потпишал ниту еден Албанец, а ако ги нема потписите барем на 50 Албанци, 25 посто нели, тогаш и нема за што да се раззговара. Многу ми е криво што немам можност на сите овие драгоцени егзамплари на најсилен македонски дух, на овие чудесни мудреци ( и на нивните нешто пониски во квалитетот поддржувачи) да им ги стиснам рацете и да им честитам за совршеноста која мајката природа толку несебично им ја подарила!

Фејсбук статус на Драган Милосављевиќ

Популарно