Движењето #БОЈКОТИРАМ руши рекорди

Движењето #Бојкотирам по 28 дена активност на твитер платформата бележи енормен раст.

Почна со 5 креативци со различна политичка агенда а до вчерашниот ден анализата покажува околу 600 активисти кои дневно се во интеракција со хаштазите Бојкотирам, Бојкот, Бојкотирај и Бојкотираме. 

Околу 1200 пораки дневно се разменуваат контра грчкиот договор и високиот степен на корупција во владата.

Вкупно 673 активисти се поврзани со хаштагот Бојкотирам. Препознатливи по хуморот, иронијата и сатирата ја напаѓаат владината пропаганда но и нејасната позиција на опозицијата.

Во своите објави повикуваат Македонците да не спијат и чекаат друг да им ја заврши работата, да ја искористат шансата и со #Бојкотирам да се растури играта на политичарите и партиите, а народот да направи своја игра со свои правила.

Последното соопштение кое го пуштија за јавноста а кое не го преземаа ниту провладините ниту проопозициските медиуми најдобро зборува за важноста на #бојкотирам како непартиско и автентично граѓанско движење кое има потенцијал да им ги помати сметките на политичарите и партиите.

Дел од обидот да се дискредитира движењето #бојкотирам е и кампањата под исто име која ја започнаа маргинални политички партии и поединци.

Заев: Ако не добиеме датум за преговори, за тоа ќе биде виновна Албанија

Премиерот, Зоран Заев, очекува Македонија да добие датум за преговори во јуни или во јули. Тој вели дека е оптимист и дека Европа треба да го испорача тоа што и беше ветено на земјава.

Сепак, има шанси Македонија да не го добие долгоочекуваниот датум за отпочнување на преговори со Европската Унија. Како што вели Заев причина за ова не би биле внатрешните работи во земјава, туку случувањата во регинот, пред се во Албанија, која овој пат оди во пакет со Македонија.

–За нас ние имаме позитивен амбиент, поради Договорот од Преспа и направените реформи. За жал констелациите не се добри, затоа постои дебата. Тука мислам на Албанија, и на Косово-Србија прашањето. Но верувам дека нема да се дозволи во ниеден момент после 14 години кандидат, и од 2009 година позитивна препорака, повторно бидеме одложени, дефинитивно тоа не е во полза тоа ниту на ЕУ – изјави Заев во интервју за „360 степени“.

Според него јули е реална опција Македонија да добие датум за преговори, во спротивно земјава, вели, ќе се соочи со политичка криза.

-Ако добиеме пречка таа нема да доаѓа од дома. Нема претседател, канцелар, премиер кој ги става под прашање нашите перформанси. Заради констелациите со сите други земји, ќе се знае кога ќе биде одлуката. Доколку немаме датум ниту во јуни ниту во јули тогаш ќе се соочиме со политичка криза, затоа што ги ставивме сите карти на нашата интеграција во ЕУ. Тоа се очекувањата на нашите граѓани, би било проблематично доколку не се испорача тоа – рече Заев.

Продолжен викенд: Петок и вторник неработни денови!

Иако работната недела тукушто почна, ќе ви ја разубавиме со супер вест.

Пред нас е уште еден продолжен викенд. Во петок Македонија го празнува денот на Светите браќа Кирил и Методиј кои се основоположници на словенската писменост па оттука ве информираме дека работната недела ќе трае пократко.

Согласно Законот за празници дека петок е неработен ден информираше Министерството за труд и социјална политика.

После овој празник, следен неработен ден е вторник, 4 јуни Рамазан Бајрам, првиот ден на Рамазан Бајрам.

Ахмети: Не сум разговарал со Заев за „метлата“

Претседателот на Демократската унија за интеграција, на Али Ахмети останува на барањето за ветинг на пратениците и функционерите.

Ахмети вели дека на тој начин ќе се спречат нападите кон функционерите и ширењето на лажните вести. 

За смена на кадри, Ахмети вели дека засега не разговарал на таа тема со премиерот Зоран  Заев, и чека да поминат обврските на премиерот за да договорат состанок на таа тема. Заев од Виена повторно најави дека промените на дел од функционерите кои потфрлиле во својата работа ќе се случат на почетокот на идниот месец и кажа дека граѓаните испратиле јасна порака дека промена е потребна. 

Популарно