Мајката на Пино со порака до родителите на осомничените

Мајката на убиениот Пино Секондо кој беше исчезнат со месеци, по што беше пронајден мртов, вели дека ќе ја бара правдата и дека не ги дели луѓето по вера, а на родителите на убијците на нејзиниот син им дава три дена да клекнат на колена.

Маја Трпковска даде исказ вчера во Обвинителството, па изјави дека според неа, да убиеш човек, па да си шеташ и спиеш е монструозно и додаде дека најверојатно мотив е љубомора.

Маја долго водеше битка со институциите, организираше и протест, а сега рече дека правдата ќе ја бара до крај.

За потсетување, министерството за внатрешни работи соопшти дека е поднесена кривична пријава за две лица, осомничени дека го убиле Пинета Секондо.

Единица за насилен криминал при СВР Скопје денеска до надлежното Основно јавно обвинителство во Скопје, поднесе кривична пријава против Ф. А. (27) и А. Ѓ. (22), двајцата од Скопје, за сторено кривично дело „убиство“ предвидено и казниво по член 123 од КЗ на РСM, соопшти вечерва полицијата. Како што се појаснува, се работи за убиство на Пинета Секондо, кој на 11 декември 2018 година од страна на неговата мајка, бил пријавен за исчезнат во ПС при СВР Скопје.

На 29.04.2019 година во Единицата за известување и команда при СВР Скопје од страна на граѓанин пријавено е дека на место викано Башинец во атарот на село Љуботен пронајден е човечки скелет покриен со камења. По преземени оперативно тактички мерки дојдено е до сознание дека извршители се наведените лица, по што е добиена Наредба за претрес во дом и други простории од Основно јавно обвинителство Скопје и извршен е претрес во домовите на пријавените како и на уште две лица, роднини на првопријавениот. Во домот на првопријавениот пронајдени се СИМ картици, лични документи, мобилен телефон, УСБ, мемориска картица, една фантомка и возило Опел Аскона. По Ф.А. распишан е централен распис. На 30.05.2019 година второпријавената А.Ѓ. е лишена од слобода во просториите на СВР Скопје, се наведува во соопштението од МВР.

Осомничениот, 27-годишен жител на Скопје, делото убиство од член 123 став 1 од Кривичниот законик го сторил на 11 декември 2018 година, околу 2 часот, откако претходно се сретнал со сега починатиот. Тие заедно со патничко моторно возило „опел аскона“ пристигнале во атарот на село Арачиново во Скопје. Осомничениот извадил огнено оружје – пушка и го застрелал оштетениот во пределот на главата. Од нанесените повреди Секондо веднаш починал.  По стореното дело, во обид да се скријат трагите, телото на починатиот било пренесено во село Љуботен, каде е оставено во дупка и покриено со ќебе. Осомничениот се дал во бегство и во моментов е недостапен за органите на прогонот.

Ценејќи дека се исполнети законските основи, надлежниот јавен обвинител до Основниот кривичен суд Скопје достави Предлог за определување на мерката притвор против осомничениот.​ 

Скопје и Тирана: Кој како се справува со епидемијата од коронавирус

Фотографиите кои стигнуваат од Тирана, главниот град на соседна Албанија, говорат за сосема поинакви мерки за безбедност кога е во прашање епидемијата од коронавирус, но, исто така говорат и за начинот на почитување на тие мерки од страна на жителите на градот.

Пред сите поголеми локали и институции исцртани или залепени се маркери на околу два метри одалеченост каде што јасно се дава показател каде треба да се чека ред. Исто така, на повеќе прометни места, пред се тротоари и околу крстосници ставени се рампи каде што се дезинфецираат лицата кои поминуваат низ нив.

Во Скопје пак, а и во другите наши градови, сведоци сме на сосема поинакво однесување а за што говорат многуте фотографии каде што пред банките, во маркетите, автобуските постојки а и во самите автобуси гледаме гужви, луѓе натискани едни до други.

Колку за потсетување изминатиов период слични рампи, но за дезинфекција само на автомобили, беа поставени во неколку градови во државава од кои едниот во Куманово уште првата ноќ беше украден. 

Македонија во трета фаза, Куманово, Скопје и Дебар се во четврта

Според последните податоци, објавени вчера, број на заболени со коронавирусот во Македонија изнесува 570. “Проценката на ризик на Светската здравствена организација (СЗО) на глобално ниво и на ниво на Европски Регион за понатамошно ширење на COVID-19 кажува дека ризикот е многу висок. Според категоризацијата на ризикот од СЗО, се проценува дека:

Скопје е во фаза 4 (широко-распространета трансмисија во заедницата).

Куманово е во фаза 4 (широко-распространета трансмисија во заедницата).

Останатиот дел од Република Северна Македонија е во фаза 3 (локализирана трансмисија)“, стои во анализата на податоците од страна на Институтот за јавно здравје (ИЈЗ), заклучно 5. април, во делот кој се однесува на проценките за понатамошно ширење на вирусот во Македонија.

Како што е познато во земјава моментално карантин е прогласен единствено во општините Дебар и Центар Жупа, на 13.03.2020 година во времетраење од најмалку 30 дена. На територијата на Македонија е прогласена вонредна состојба на 18.03.2020 година во времетраење од најмалку 30 дена.

Од вчера има дополнителни ограничување за движење на територијата на целата држава. (izvor-emagazin.mk)

МЗ: 29 новои случаи и 4 починати лица во последните 24 часа

На Клиниката за инфективни и фебрилни состојби во Скопје починаа 4 пациенти заболени од коронавирус:

 Пациент од Куманово (52г), пациентка од Лабуништа-Струга (65г), пациентка од Челопек – Тетово (62г) и една пациентка од Штип (81г).

Во Куманово дома почина уште еден пациент потврден на вирусот на возраст од 53 години. Во изминатите 24 часа, регистрирани се 29 нови случаи, позитивни на коронавирусот.

По градови:

Скопје – 15,

Куманово -7,

Прилеп – 1,

Струга 3

Кочани – 3.

Со ова, вкупната бројка на дијагностицирани пациенти со Ковид-19 во нашата земја изнесува 599 лица.

Според местото на живеење, досега случаи на Ковид -19 се регистрирани во: Скопје – 254 Куманово - 128 Дебар – 49 Штип-20 Прилеп –34 Тетово – 29 Струга – 28 Велес – 10 Битола –6 Охрид –3 Кавадарци – 2 Гостивар – 4 Гевглелија – 4 Струмица – 2 Крива Паланка- 3 Радовиш -4 Крушево – 2 Кочани – 17 Во изминатото деноноќие направени се 386 теста.

Популарно