Героски: Се е договорено - Катица ќе добие банално обввиннение, за да не била претерано посрамотена

Новинарот Бранко Героски, кој прв во јавноста проговори за изнуда на пари од страна на Боки 13, денеска имаше свој коментар за апсењето на Катица Јанева.

Героски, најпрво почека органите на власта да ја сработат својата работа и да донесат одлука, за подоцна да искоментира. Ова е неговиот Фејсбук статус:

„СЕПАК, ДА И ДАДЕМЕ ШАНСА НА ИСТРАГАТА!!!

Почитувани пријатели,

Овој коментар ви го испраќам како лична порака до Вас тројцата (Владимир Милчин, Александар Николиќ Писарев и Јорданка Ивановска Јоци), нешто пред 16.30 часот. Ќе го објавам вечерва, откако ќе биде донесена одлуката дали Катица Јанева ќе заврши во притвор. Не сакам до тогаш на ниту еден начин да влијаам на одлуката.

Сė во врска со Јанева и аферата "Рекет" засега се одвива според сџенариото за кое слушнав пред десетина дена. Финишот треба да биде домашен притвор и на крајот банално обвинение, за жената да не била претерано посрамотена.

Во овој момент, навистина не знам дали тоа сценарио ќе се обистини. Но, сите заедно ќе знаеме вечерва. Ако се покаже дека шпекулациите биле точни, тогаш треба да се збогуваме со надежта дека постои сериозна спремност оваа афера да се затвори на тој начин што ќе има и правда и политичка одговорност.

Ако, пак, одлуката на Судот вечерва демантира дека постои такво сценарио - а многу посакувам моите извори барем еднаш да згрешат! - тогаш можеби има шанса за институционална разврска на скандалот. А со тоа и шанса за Македонија!

ПС. Ве молам чувајте ја оваа моја "ковертирана" порака во вашиот инбокс и не ја објавувајте пред време. Ви благодарам.“

Покрај пасоши во Македонија нема ниту сообраќајни дозволи

Владата да најде начин за продолжување на рокот на патните исправи додека се реши пасошката криза во земјава, бара министерот Чулев. Вели дека за надминување на проблемот неопходна е политичка волја, пренесува Сител. 

-Ставање на апостилски печати со информација до сите други држави по дипломатски пат е една од опциите која што ја има Владата на располагање. За законитоста, во краен случај треба да реши Владата. Меѓутоа, сме имале случаи во меѓународни рамки каде важноста на патните исправи е продолжена со удирање на печат и испраќање на ноти до државите, вели Чулев.

Од Владата велат дека на вчерашната седница не се разговарало за пасошката криза. Доколку информацијата за ваква постапка пристигне до Влада, јавноста дополнително ќе биде известена.

Во моментот останати се уште 3.400 пасоши. 9-члена комисија составена од лекар, правник, економист и вработени во Министерството ќе одлучува за лицата кои имаат ургентни потреби за вадење пасош. Чулев вели дека приоритет ќе имаат лицата кои мора да заминат на лекување во странство, а потоа оние кои треба да учествуваат на меѓународни натпревари.

Освен пасоши, станиците за технички прегледи не издаваат и сообраќајни дозволи.

-Во текот на утрешниот ден пристигнуваат доволен број на сообраќајни дозволи, 1.500. Требало посебни материјали, а до идната недела ќе стигнат 100.000, рече Чулев.

Министерот уверува дека откако ќе пристигне пратката на пасоши граѓаните во најкус можен рок ќе ги добијат патните исправи и состојбата ќе се нормализира со работење на службите и втора смена и за викендите.

Инаку, Чулев го обвини премиерот Спасовски дека со фалсификат ги поништил во Службен весник распоредувањата во МВР, бидејќи немало одлука на Влада. Побара од Јавното обвинителство да отвори истрага.

Станува ли разрешената министерка Мизрахи нова опозициска ѕвезда

Партиите ги почнаа своите средби со граѓаните, иако официјалната кампања се уште не е почната.

А во таборот на ВМРО-ДПМНЕ, забележливо е дека на терен е видно присутна Рашела Мизрахи, разрешената сега ексминистерка од партијата, која беше сменета бидејќи држеше прес конференција пред табла со старото уставно име на земјава, а техничкиот премиер Оливер Спасовски не можеше да премине преку, како што рече, кршењето на Уставот.

Таа од овие средби објавува серија фотографии на свохот фејсбук профил, проследени со нагласени патриотски постови.

„Како што мечката си го брани своето мече, должни сме да си ја одбраниме нашата мајка, Македонија. Време е да се сплотиме и да одиме напред. Ние сме македонски народ. Нема да молчиме и лавовски ќе се бориме еден до друг“, напиша синоќа Мизрахи.

Друг пост, пак, гласи „Ако се потсетиме само две поколенија наназад ќе се увериме дека сите сме или роднини или пријатели. Никој не е херој сам, ама херојската победа се остварува само со тимска работа. Да стоиме заедно со нашиот Претседател Христијан Мицкоси, заеднички да го трасираме патот за Обнова, а бидете сигурни во силата, затоа што Македонија ни го чува грбот“, вели поранешната министерка.

Орданоски: Боки 13 така се облекува 20 години, јас гледав парчиња купени пред да почне аферата

Сашо Орданоски, новинар кој порано работеше во некогашната телевизија 1ТВ на Бојан Јовановски кој е обвинет во аферата Рекет, вели дека досега Јавното обвинителство не изадило ниту еден директен доказ за овој случај. Тој вчера на емисијата Отворено на Телевизија 24 рече дека сега ќе биде интересно да се види какви докази ќе изведе одбраната на обвинетите. 

„Во суд се суди со докази, не со каква чипка ти е маицата, дали кога зборуваш употребуваш пцовки и дали носиш чевли од 100 или од 1.000 евра. Ако се докаже дека гардеробата е купена во тие месеци кога се земени парите и за неа се платени 500 илјади евра, има доказ дека на неа се потрошени парите. Ако му ја покажувате гардеробата за потоа целата јавност да коментира „Видете го овој Боки 13 какви пантолони носи, елечиња, а притоа ништо да не видиме од тоа кога е купено, во кој период, каде е купено, не е во ред. Па Боки 13 дури 20 години така се облекува. Таму имаше парчиња што јас сум ги гледал пред да почне целата афера. Не може да се суди преку тоа какви полемики се водат на фејсбук. Обвинителството досега не извади ни еден директен доказ. Таму има спротивставени сведочења. Јас чекам да дојдат пресудите и да се осврнам на сето тоа. Сега одбраната ќе почне да изведува докази. Можеби тие ќе изведат поинтересни докази, можеби тие ќе кажат каде се парите, кога веќе ги обвинуваат дека зеле пари, можеби ќе дознаеме. Настрана целата хистерија, во самата судска материја ние не видовме објективни докази. Јас мислам дека во нормална демократска земја со вистинско правосудство, ова би паднало со просечна екипа адвокати“, рече Орданоски.

Се почна со Кики и Фрики, нагласи новинарот, и праша - каде се сега Кики и Фрики во Рекет, ги нема никаде, а луѓето веќе не можат по улица да одат, ги растргнаа буквално.

Популарно