ФОТО: Се појавија фотографии од скршената нога на Андре Гомеш

Фудбалскиот свет остана шокиран по тешката повреда на Андре Гомеш на завчерашниот натпревар помеѓу екипите на Евертон и Тотенхем.

Португалецот настрада по еден старт на Сон, а на неговата нога налета и Орие по што следеше тешка скршеница на глуждот. Стапалото му се сврти, а на „Гудисон“ сите останаа занемени.

Сега излегоа наводни фотографии од ногата на Гомеш откако му била извадена копачката. Истите се вознемирувачки и не се за оние со слаб желудник.

Инаку од Евертон потврдија дека Андре Гомеш долго ќе се опоравува од тешката повреда заработена на вчерашниот дуел со Тотенхем, но дека хируршкиот зафат врз поранешниот фудбалер на Барселона и Валенсија минал во најдобар ред.

„Можеме да потврдиме дека Андре Гомеш беше опериран по фрактурата на зглобот на десната нога, хируршкиот зафат мина исклучително добро. Андре сега ќе мине уште извесно време во болница, за нешто подоцна да почне со рехабилитациска програма под надзор на клупските лекари. Се очекува тој целосно да ја надмине повредата“ – објави клубот од „Гудисон парк“.

Австрија Македнија 2:1

Во вечерашниот натпревар нашата фудбалска репрезентација официјално  ја испрати Австрија на Евро 2020. Со вечерашниот пораз од 2-1 на „Ернст Хапел“ во Виена на нашата репрезентација и останува во вторник против Израел со победа да се избориме и да се надеваме на третото место што би било најдобар пласман во историјата.

Десеткувани, без капитенот Горан Пандев, со низа дебитанти во тимот, Македонија и не можеше да очекува повеќе од пораз против фаворизираната Австрија, која се изнапромашува во првиот дел, а откако се задоволи со водството од два гола, нѝ дозволи да поиграме, па на крајот и да им дадеме гол во Виена.

За Македонија и официјално останува шансата за историски пласман на Евро 2020 преку мартовскиот бараж во Лигата на нации и полуфиналната пресметка со Косово, а потоа финалето ако го минеме северниот сосед.

Дека Австрија ќе победи стана јасно уште по седум минути игра, кога мајсторската аситенција на Конрад Лајнер ја искористи Давид Алаба за рутински да погоди за водство, најмногу и поради лошата поставеност на дефанзивната линија за офсајд замка.

Видео: Откриена „тајната“ на Барди

Еден од нашите најдобри фудбалери Eнис Барди ја игра третата сезона во Шпанија, Барди настапува  за екипата на Леванте.

Македонскиот интернационалец направи трансфер од Унгарија во Примера во 2017 година и се наметна како еден од подобрите поединци во клубот од Валенсија.

Во тековната сезона има запишано седум настапи, проследени со еден погодок во победата против Реал Сосиедад.

На шпанските медиуми денес се појави видео на кое се гледа како нашиот репрезентативец тренира и се подготвува за натпреварите и предизвиците во шпанската лига.

Сензација во салата Невена Ѓоргиева Дуња: Академија ФМП го победи Работнички

Академија ФМП му го нанесе првиот сезонски пораз на Работнички. Триумфираше со 87-83 во дуелот од петтото коло во домашниот кошаркарски шампионат и се погрижи да нема веќе непоразени екипи.

ФМП во третата четвртина која ја доби со 18-14 успеа да ја неутрализира предноста што во првото полувреме ја изгради Работнички, а во завршниот сегмент кој му припадна со 28-19  успеа да се избори за за првата победа во сезоната.

Даниел Начевски со 24 поени беше лидер во триумфот на ФМП, Лука Стојановски постигна 16 поени, а со 12 поени средбата ја заврши Роналд Харис. Кај Работнички, Данило Мијатовиќ имаше одлична партија со 37 поени, но не успеа да спречи пораз на неговиот тим.

Работнички останува на лидерската позиција на табелата со девет бода, колку што има и вотропласираниот МЗТ Скопје Аеродром. ФМП е претпоследен со шест бода.

Петтото коло во домашниот кошаркарски шампионат ќе биде комплетирано утре кога ќе бидат одиграни дуелите меѓу МЗТ Скопје 2 и Еуроникел и Гостивар – Кожув.

Популарно