Тажна вест: Почина Љубе Рајевски

После долгата борба со тешка болест, почина Љубе Рајевски.

Рајевски беше долгогодишен директор и член на Управниот одбор во НЛБ Банка. Љубе Рајевски важеше за еден од најпочитуваните банкари во Македонија, пренесува ТВ21.

Филипче: Вирусот е тука, тој нема да исчезне, и мора да научиме да живееме со него

Прогнозите се дека ќе имаме поинаква многу подобра слика за состојбата со Ковид-19 во земјава до крајот на оваа недела, но ова го кажувам повторно со резерва заради тоа што ќе правиме анализи секој ден. Мора да сфатиме дека сите сме одговорни пред ова, истакна денеска министерот за здравство Венко Филипче.

Појасни дека очекувањата се врз основа на сите податоци кои сега ги имаат: бројот на заболени, времето кога се дијагностицирани и мерките кои освен рестрикцијата на терен се спроведуваат во детална анализа на контактите и следните контакти, и дека на крајот на оваа неделата ќе има резултати.

– Но, одлуките и препораките ги носиме врз основа на две работи – прво тие бројки кои секојдневно се анализираат и деталната анализа на епидемиолошките анкети од каде учиме кои се податоци што пациентите ги даваат за начинот на трансмисија, меѓутоа и пресеците во претходните две недели секоја последователно, рече Филипче.

Потенцира дека вирусот е тука, тој нема да исчезне, и мора да научиме да живееме со него.

– Новите проекции за одвивањето на епидемијата, епидемиолошката крива во светот се и до 2025 година со прогноза за пикови и во 2022 година, додаде Филипче одговарајќи на новинарско прашање по прес-конференцијата пред Секретаријатот за европски прашања по повод испораката на преостанатите осум уреди за механичка вентилација и различни единици на лична заштитна опрема од поддршката на ЕУ за земјава за борба против Ковид-19. 

Укинат уписот на првачиња во тетовско училиште

Откако е утврден Ковид-19 кај наставничка од основното училиште Истигбал во Тетово, 40 други нејзини колеги самоиницијативно потшишале изјави за самоизолација, па процесот за прием на првачиња е прекинат.

Директорот Реџеп Алили по телефон изјави дека и тој е во самоизолација, а потенцира дека наставничката не работела на уписот на нови ученици.

– Пред два дена се дозна дека наша колешка е позитивна. Сите оние кои биле во физички контакт со наставникот самоволно се ставени во самоизолација. Јас утре имам термин да го направам Ковид-19 тестот, а наредните денови и другите наставници треба да бидат тестирани. Колешката не е дел од процесот на упис на учениците, таа предава на вишите одделенија. Исто така според здравствените препораки, тоа се одвиваше во посебна просторија и го прави посебна комисија составена од педагогот, психологот и две наставнички од нижите одделенија. Постапено е по протоколите и за дезинфекција на просторот во и надвор од училиштето. Поради ова, уписот на првачињата во училиштето е во прекин и ќе продолжи после 15 јуни, изјави директорот Алили по телефон.

Раководителот на Секторот за јавни дејности на општина Тетово Ахмед Ќазими го потврди случајот, а рече дека се преземени сите заштитни мерки.

-Таму веднаш се преземени сите превентивни мерки. Наставничката кај која е потврдено присуство на коронавирусот е предметен наставник во повисоките одделенија и не била во никаков контакт ниту со комисијата која го врши уписот на првачињата, ниту со децата и нивните родители. И покрај ова, од превентивни мерки, наставниците со кои таа можела да биде во контакт се ставени во самоизолација, а уписот на првачињата е прекинат до 15 јуни, истакна Ќазими.

Тој информираше дека во останатите основни училишта уписот на првоодделенците се одвива без проблеми и дека се практикуваа сите протоколи со кои се предвува дезинфекција на лицата и носење заштитна опрема.

Регистрирани се 120 нови случаи на Ковид-19 во земјава

Во последните 24 часа се направени 953 тестирања, а регистрирани се 120 нови случаи на ковид-19.

- Скопје 67

- Куманово 19

- Штип 16

- Прилеп 4

- Тетово 9

- Велес 2

- Гостивар 1

- Неготино 1

- Струмица 1

На Клиниката за инфективни болести и фебрилни состојби почина 65 годишна пациентка, примена на 28 мај, во ГОБ „8 септември“ почина пациент на возраст од 69 години, хоспитализиран на 1 јуни.

Денеска Институтот за јавно здравје регистрира 16 оздравени пациенти.

- Скопје 8

- Штип 3

- Прилеп 2

- Тетово 1

- Велес 1

- Битола 1.

Досега во земјата се направени вкупно 33114 тестирања на ковид -19. Од вкупниот број направени тестови во изминатото деноноќие 2 теста се во рамките на скринингот во градинки во Штип, нема позитивен резултат на ковид.

Вкупната бројка на ковид дијагностицирани во нашата земја од почетокот на епидемијата изнесува 2611, бројката на оздравени пациенти е 1621, на починати е 147, а во моментов бројот на активни случаи во земјата изнесува 843.

Популарно