Загина португалски мотоциклист

Португалскиот мотоциклист Пауло Гонсалвес почина по несреќата која ја имаше на седмата етапа од најпознатото рели Дакар.

Искусниот, 40 годишен Гонсалвес доживеал несреќа на денешниот специјал од 276 километри по која за жал го загубил животот. Од организацијата ја потврдија трагичната вест и објавија повеќе детали за немилиот настан.

– Пауло Гонсалвес кој го возеше мотоциклот со бр.8 почина по падот кој му се случи на денешниот специјал од 276 километри. Организаторите примија повик во 10:08 часот, а хеликоптерот со медицинска помош го пронајде мотоциклистот без свест во 10:16 часот. По обидите да се спаси неговиот живот, натпреварувачот беше однесен во болница каде беше прогласен за мртов, -стои во дел од соопштението на Дакар.

Инаку, Гонсалвес беше искусен возач на мотоцикли на Дакар, натпреварување на кое земаше учество уште од 2006 година. Негов најдобар пласман беше во 2015 година кога заврши на втората позиција веднаш зад Марк Кома, а минатата година се откажа уште во петтата етапа.

Годинава беше на 46. место во генералниот поредок, а оваа ниска позиција ја доби поради фактот што во третата етапа се соочи со голем проблем кога му откажа моторот, па сред пустина мораше сам да го менува и да ја продолжи трката. Тогаш Гонсалвес од организаторите, но и од фановите на Дакар беше прогласен за херој.

Дали станува збор за шок затоа што тие го загубија легендарниот кошаркар?

Светот не може уште да се помири со големата загуба на еден од најдобрите кошаркари во историјата, Коби Брајант, кој загина вчера во хеликоптерска несреќа во Калифорнија, а животот го загубија уште осум лица. А чудно е тоа што додека сите тагуваат, од неговиот поранешен клуб Лос Анџелес Лејкерс засега не се огласуваат.

Дали станува збор за шок затоа што тие го загубија легендарниот кошаркар, кој ја помина кариерата во нивните редови и им донесе многу трофеи или има нешто друго непознато за јавноста засега останува мистерија.

ФОТО: Коби вечерва доби свој дрес на „Сан Сиро“

Помешани емоции ќе има вечерва кај навивачите на Милан на „Сан Сиро“. Од една страна ќе се радуваат на новиот натпревар, а од друга ќе тагуваат за големиот навивач на овој клуб, Коби Брајан.

Ќе потсетиме, Коби пред два дена го загуби животот во падот на хеликоптерот во кој беа уште осум лица вклучувајќи и ја и неговата ќерка.

Милан во чест на Коби кај корнер знамето постави дрес со бројот 24 и презимето на големата легенда. Освен тоа на рекламите кои ќе бидат околу теренот вечерва ќе се вртат речениците „Легендите никогаш не умираат“ и „Засекогаш Коби“.

ВИДЕО:"Ова звучи лудо, но Коби зборуваше за ова, постојано ова го велеше"

Иконата на Лос Анџелес Лејкерс, Коби Брајант го загуби својот живот и тоа откако неговиот хеликоптер се сруши во Калифорнија.

Оваа вест ја шокираше целокупната јавност која и денеска се простува од играчот кој остави голема трага во НБА, светската кошарка, собори многу рекорди и ќе биде запаметен како еден од најдобрите во историјата на овој спорт. Допрва ќе се дознаат вистинските причини за падот на леталото, но во меѓувреме Трејси МекГрејди за кого Брајант имаше кажано дека му бил најтешкиот противник за чување откри една необична анегдота за црната мамба.

-Ова звучи лудо, но Коби зборуваше за ова, постојано ова го велеше. Сакам да умрам млад, сакам да бидам бесмртен. Сакам мојата кариера да биде подобра од онаа на Мајкл Џордан, сакам да умрам млад. Јас мислев дека е луд поради тоа што го кажува. Јас сум уништен, -истакна Трејси во новата епизода на „The Jump“ (Скок).

Популарно