КСС бара од 4 до 20 април да бидат неработни денови

Македонија

на 3.2020

Конфедерација на слободни синдикати на Македонија предлага анти кризни мерки за борба против ковид -19, нивното соопштение ви го пренесуваме во целост:

-Конфедерацијата на слободни синдикати на Македонија – КСС во период на вонредна состојба предизвикана од пандемија од корона вирусот, а во неможност својот став да го искаже легитимно на Економско Социјалниот Совет(ЕСС), затоа што реално не функционира, како општествено одговорна организација чувствува потреба и одговорност да предложи сет на мерки и план за излез од кризата за стопирање на вирусот кој секојдневно се побрзо се шири и економски спас на стопанството кое е во екстремно тешка ситуација, и крајна цел спасување на работните места на работниците.

КСС е премногу загрижен од рестриктивните мерки кои ги предлага една од партиите на власт (СДСМ) како и предвидувањата на министерот за здравство Венко Филипче, дека пикот на епидемијата ќе биде кон средината на април со најмалку 2000 заразени лица. Знаејќи дека повеќе од 10 000 граѓани се во карантин или самоизаолација, што секако е загрижувачки за нормалниот животот на граѓаните, јасно е дека тоа ќе биде уште поголем удар врз стопанството.

Од тие причини, КСС упатува барање до одредени институции:

Банките итно да се произнесат за времетраењето на одложување на отплата на ратите од кредитите и да испратат пораки или електронски да ги известат граѓаните. Ова го предлагаме затоа што почнува да се прави метеж пред експозитурите, пред се од работниците кои добија отказ.

Владата да се произнесе попрецизно и да донесе Уредба за одложувањата на извршните решенија.Владата да направи стратегија, изнајде решенија за надминување на оваа криза, каде што ќе има минимум губење на работни места, без намалување на платите на вработените во јавниот сектор. КСС бара од Владата како социјален партнер, да не носи избрзани чекори и уредби од сверата на социјално економскиот статус на работниците, без консултација со синдикатите.

КСС, разгледувајќи ги состојбите и изготвувајќи темелни анализи и претпоставки, предлага ефикасна мерка за ставање на епидемијата под контрола, од причина што овие мерки очигледно не ги даваат посакуваните резултати и бројот на заразени луѓе од ден на ден се повеќе расте.

Заради тоа КСС предлага:

Прво, пред влезот во маркетите задолжтелно дезинфицирање на рацете, честа дезинфекција на подот и делење маски за влез во маркет, како и мерење телесна температура на сите.

Исто така предлагаме да се фаворизира On line продажбата, на сметка на традиционалното пазарење во маркетите. Доколку оваа мерка се примени, предлагаме трговските претпријатија за храна да работат во скратена една смена.

Имајќи предвид дека претпоставките се дека епдемијата ќе го доживее пикот на средината на април, а тогаш е и големиот христијански празник Велигден, постои опасност вирусот да не опфати во уште поголеми размери. Заради тоа, предлагаме од 04 Април до 20 Април да се прогласат за неработни денови, затоа што и во тој период има само 9 (девет) работни дена поради празникот Велигден (а севкупно се седумнаесет денови). Товарот за плата односно дневници за тие денови на работниците да го преземе 100% државата, освен моќните претпријатија и фирмите кои остваруваат и во вакви услови профит, со што ќе покажат солидарност и сами ќе го понесат товарот за плати.

Со оваа мерка ќе бидат опфатени околу 180 000 работници, кои се најзагрозени, што за 9 (девет) дена знаејќи го просекот на плати на тие што се сега загрозени не би ја чинела државата повеќе од 20 милиони евра.

Во периодот од 4 Април до 20 Април полицискиот час би бил многу порано и би траел многу повеќе.

Исто така предлагаме, во тој период да се направат дежурни тимови во администрацијата кои би работеле со скратено работно време, со цел да се реализираат само итни и неодложни предмети, секако битни за непречено функционирање на државните органи.

Максимална опременост со заштитни средства на сите изложени на ризик во овој период, пред се здравствените работници, полицијата, армијата, судската и затворската полиција, инспекторатите, царинарниците и сите останати во јавниот и приватниот сектор ( аптекари, трговци, дистрибутери…) кои се потребни за нормално функционирање на државата.

Полицијата во периодот од 4 Април до 20 Април строго да го контролира излезот и влезот во секој поголем град и по нивна процена и во населени места каде што ќе проценат ризик и жариште на корона вирусот.

Со овие мерки, сигурни сме, ќе се спречи групирањето и масовното движење на граѓаните и ќе помогне на надлежните во релативно краток период да ги лоцираат граѓаните кои се носители на вирусот, како и негово ширење. Во овој временски период, од 4 Април до 20 Април, со прогласување на неработни денови за сите (со исклучоци на клучни дејности) и максимално ограничување на движењето, во домашни услови би поминал периодот на инкубација на заразени лица, со помасовни тестирања би се детектирале, изолирале, и би се спречило понатамошното ширење на вирусот.

Мерките кои сега се во сила, модифицирани да продолжат и по 20 Април, знаејќи дека во тој период има опасност од масовни собирања заради верски празници како што е почетокот на Рамазанските пости кои почнуваат на 24 Април како и прзникот 1 Мај.

Ваквите порестриктивни мерки секако ќе придонесат за многу побргу и поедноставно ставање под контрола на епидемијата, а со тоа и побрзо заздравување на стопанстовото, особено на оние гранки кои се најмногу погодени, како на пример такси превозниците, угостителите, занаетчиите, берберите и фризерите и.т.н.

Како второ, предлагаме Владата во тој период да направи задолжување и да започне со екстремно брзо темпо во реализација на веќе постоечките капитални проекти, но и да се направи план за отпочнување на нови проекти. Нашето убедување е дека во период на економска криза, еден од успешните начини за излегување од неа е инвестирање во капитални инвестиции, ангажирање на што повеќе работници и компании, давајќи приоритет на домашниот бизнис сектор.

Како трето, бараме да се отпочне и направи солидарен фонд на национално ниво за работниците кои го изгубија или ќе го изгубат работното место, со што би им се помогнало во преживување на оваа тешка година за сите нас.

КСС има морална обврска кон сите работници и граѓани на Македонија да даде свој придонес во надминување на кризата предизвикана од корона вирусот, особено од социјално економски аспект. Гранските синдикати во КСС особено се загрижени од најавите за намалување на платите во јавниот сектор, губењето на работните места во приватниот сектор, период на економска криза, инфлација и т.н..

Од тие причини, Извршниот одбор на КСС ги усвои овие предлог мерки кои ќе ги упати до Владата на Р. Македонија, со надеж дека сериозно ќе бидат разгледани и усвоени. Исто така, Извршниот одбор на КСС донесе Заклучок дека енергично ќе се спротивстави на идејата за намалување на платите во јавниот сектор, во висина на минималната плата од 14 500 денари. Упатуваме и апел до верските заедници да ги повикаат граѓаните да останат дома во периодот на големите Христијански и Муслимански празници, со што сите заедно ќе допринесеме за стопирање на оваа пандемија.

На крај повикуваме на солидарност од стопанството кое располага со поголем капитал, од работниците кои имаат можност да ги користат слободните денови и одморите. Очекуваме од државата да направи максимални напори, прифати добронамерни сугестии и изнајде средства, како би се пербродила оваа криза без намалување на плати и губење на работни места, пишува во нивното соопштение

Учениците од понеделник на пролетен распуст, наставата ќе продолжи на 7 мај

Македонија

пред 18 часа

Учениците од основните и средните училишта од понеделник, 29 април, заклучно со 6 мај 2024, ќе бидат на пролетен распуст кој е воведен во оваа учебна година.

Првпат има промена и во календарот за настава, така што 2023/2024 за основците ќе заврши на 17 јуни, а за средношколците, како и во минатите години – на 10 јуни.

Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024.

Ден претходно, вторник 7 мај, скратени часови и работно време до 11 часот ќе имаат оние училишта каде што утредента ќе се организира гласањето.

Како што информираше Министерството за образование и наука, наставата од двата дена кои поради изборите се неработни ќе бидат одработени во работни денови со подолг престој на учениците во училиштата за да се реализираат дополнителни часови.

Скопските ученици треба да надоместат и за пропуштеното од наставата на 30 ноември 2023 кога во главниот град беше организиран Советот на министри на ОБСЕ.

За планирањето и организирањето на дополнителните часови, МОН ги задолжи директорите на училиштата.

-Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, соопшти МОН откако по реакции во јавноста и од синдикатите ја повлече претходната одлука пропуштената настава да се надомести во саботи.

Со лажен сертификат за англиски јазик аплицирала за директорка и добила работа, сега ќе одговара кривично

Македонија

пред 18 часа

Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против М.В.(44), од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.

Како што соопштува МВР, пријавената, на функција директор во општинска јавна установа за деца - детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р Бугарија.

- Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата, соопшти МВР.

Норвешка донираше 76 неборбени моторни возила на Македонија

Македонија

пред еден ден

Кралството Норвешка денеска ѝ ја предаде донацијата од 76 неборбени моторни возила на земјава. На предавањето на возилата во касарната „Илинден“ во Скопје свои обраќања имаа министерката за одбрана Славјанка Петровска, началникот на Генералштабот Васко Ѓурчиновски, амбасадорката на Норвешка за Северна Македонија, Кристин Мелсом и командантот на логистика на Вооружените сили на Кралството Норвешка Андрес Јернберг.

Министерката за обрана Петровска во своето излагање посочи дека Армијата минува низ сеопфатен процес на модернизација и секоја дополнителна поддршка од сојузниците е добредојдена. Таа истакна дека донацијата ќе придонесе за зголемување на борбената готовност на Армијата.

– Нашиот одбранбен буџет континуирано расте, но секоја дополнителна поддршка од нашите сојузници е добродојдена. Оваа норвешка донација од 76 неборбени моторни возила значително ќе придонесат за зголемување на транспортните можности на единиците на Армијата односно за нивната борбена готовност, рече Петровска.

Министерката се осврна на бројните проекти кои се реализираат со поддршка на Кралството Норвешка. Со поддршка на Кралството Норвешка, Петровска вели, земјава го изгради Регионалниот центар за односи со јавност, кој во моментов е во фаза на интензивен развој во НАТО школа за односи со јавност, за кој рече, придобивки ќе имаат двете земји, но и НАТО сојузниците.

– Со ваша поддршка го изградивме Регионалниот центар за односи со јавноста кој во моментов е во фаза на интензивен развој во НАТО школа за односи со јавност од кој придобивка ќе има и Македонија и Норвешка, но и нашите НАТО сојузници. Вие сте земја партнер во рамките на Балканските медицински сили чие постојано седиште е во Република Северна Македонија, рече Петровска.

Амбасадорката на Кралството Норвешка за Северна Македонија, Кристин Мелсом, истакна дека дипломатските врски меѓу двете земји се зајакнуваат последните 30 години, особено по приемот на земјава во НАТО Алијансата во 2020 година.

– Во последните години уште повеќе ја зајакнавме нашата врска со посетата на Командантот на Гардата на Неговото височество кралот и нашиот началник за одбрана г. Ајрик Кристоверсен, распоредувањето на македонскиот хируршки тим во Авганистан, меѓусебната размена на кадети, посетите на ваши офицери и на нашата бригада Север и на Здружениот оперативен штаб и уште неколку други проекти, рече Мелсом.

Дополнително ја истакна програмата за размена на кадети како еден од поважните заеднички проекти и посочувајќи на посветеноста на Северна Македонија кон Алијансата.

– Ја видовме посветеноста што ја покажавте кон Алијансата. Ја гледаме не само воената опрема што ја дадовте на Украина, туку и зголемениот број војници што ги имате распоредено во различни мисии. Вашата цел да распоредите 10 проценти од вашата армиска структура е импресивна, истакна Мелсом.

Бригадниот генерал Андрес Јернберг рече овој ден е од историско значење, бидејќи ја одбележува најголемата донација на воена опрема што Кралството Норвешка воопшто ја има направено за земја од Западен Балкан.

– Точно е дека 36-те лесни пешадиски возила и 40-те камиони од Норвешка кои штотуку пристигнаа во Северна Македонија ќе ги зајакнат вашите вооружени сили, но тие исто така се и доказ за нашата заедничка посветеност на поддршката на Украина и на сојузничкото одвраќање и одбрана. Всушност ова е одличен пример за тоа како треба да се врши одвраќање и одбрана преку логистичка соработка во рамките на НАТО, рече Јернберг.

Началникот на Генералштабот, генерал-потполковник Васко Ѓурчиновски, во своето излагање истакна дека во Алијансата не се членува само заради придобивки и бенефиции, туку заради вредности и принципи. Ѓурчиновски истакна дека земјава ја поддржала вистинската страна во војната во Украина, и како што рече, тоа го препознала Норвешка.

– Бевме конкретни и јасно детерминирани и се определивме и ја поддржавме вистинската страна во војната. Свесни бевме за одговорностите. Не се членува само заради придобивките и бенефиции, туку заради вредности и принципи. Кралството точно ги воочи нашите заложби, направивме координација со ГШ и со началникот во мојата официјална посета на Норвешка и во седиштето во Брисел и како што беше истакнато ова е голем историски ден за нашите вооружени сили каде што сме сите сведоци и можеме да ги воочиме 76-те возила кои од утре ќе бидат на македонските патишта за потребите на вооружените сили, меѓутоа и за сите граѓани на нашата татковина, истакна Ѓурчиновски.