Повикајте го вашиот доктор

Универзитетската клиника за психијатрија по повод Светската недела за подигнување на свесноста за ментално здравје (18-22 мај) ја потенцираат важноста за унапредување на менталното здравје, посебно во време на актуелната пандемија со Ковид-19.

Оваа година, неделата за подигнување на свесноста за ментално здравје е малку поинаква од претходните, поради предизвиците со кои сите се соочуваме, поврзани со промената на нашите навики и стил на живеење, предизвикано од светската пандемија со Ковид-19. За таа цел, во наредниот период ќе бидат организирани повеќе активности за промоција и превенција за менталното здравје, наменети за целата популација, како и кон одредени групи под ризик, како што се повозрасни лица, децата и адолесцентите, различни групи со зголемен ризик за насилство, лицата кои веќе се лекуваат од ментални растројства, како и на здравствените работници, кои несебично ги вложуваат сите свои човечки потенцијали за справување со пандемијата, и за зачувување и подобрување на здравствениот статус на населението, информираат од Клиниката за психијатрија.

На подолг рок, луѓето кои биле заразени или имале симптоми на болеста со Ковид-19 можат да бидат изложени на ризик од ментални заболувања, како што се депресија, вознемиреност, замор и посттрауматско стресно растројство и по завршување на лекувањето.

Од Клиниката појаснуваат дека тешките коронавирусни инфекции може да имаат и психолошки последици, вклучително и можни директни ефекти врз централниот нервен систем, степенот на физиолошки компромис, заради низок крвен кислород, имунолошкиот одговор и медицинските интервенции, како и други причини, кои се однесуваат на поширокото социјално влијание, вклучително и социјалната изолација, психолошкото влијание на ново, силно и потенцијално фатално заболување, загриженост за зараза од други лица и стигма.

Повикајте го вашиот доктор, психијатар или психолог ако стресот е присутен во текот на вашите дневни активности неколку дена по ред и не успевате да најдете начин како да се справите со него, велат од Клиниката.

Токму во насока на унапредување на менталното здравје, Клиниката за психијатрија има отворено повеќе телефонски линии, наменети за психолошка поддршка на возрасни во самоизолација, за мајки во бременост и по породување, за родители на деца на предучилишна и училишна возраст, за адолесценти, за родители на деца со пречки во развојот, како и една телефонска линија за психолошка поддршка на албански јазик.

Телефонските броеви од линиите за психолошка поддршка:

– возрасни во самоизолација 072 919 009

– мајки во бременост и по породување 078 378 766

– родители на деца на предучилишна и училишна возраст 072 912 676

– адолесценти 078 378 728

– родители на деца со пречки во развојот 070 291 574

– психолошка поддршка на албански јазик 070 291 657

Изминатиот период од отворањето на телефонските линии покажа дека тие беа потребни за многу граѓани кои првпат се соочуваат со ментални потешкотии, како и за луѓе кои веќе имале искуство со сервисите за ментално здравје.

Синот на Иван: Кога дозна за трансплатацијата тој многу се исплаши, дури и не сакаше да оди – морав да го убедувам

Денес пред медиумите имаше прес-конференција министерот Венко Филипче, поврзана со историската трансплантација на срце во Македонија, каде меѓу другите изјава даде и Васил Огненовски, синот на мажот кој го доби срцето од Емилија.

Иван Огненовски е човекот кој го доби срцето на Емилија Динева.

-Пред се сакам да изразам големо сочувство до фамилијата на Емилија и едно големо благодарам, што со донирањето спасија три животи, од кои еден е оној на татко ми,- рече Васил.

-Пред два дена ни се јавија дека има срце, дека е најден донор и ќе биде извршена првата операција во нашата држава на срце од донор. Се случи, дојдовме, се направи операцијата и сега чекаме информации за понатамошниот процес.

-Докторите еднаш го спасија мојот родител, сега повторно го направија тоа. Големо благодарам до нив, затоа што во нашата држава имаме многу добри доктори и ќе спасат уште милиони жители.

Во меѓувреме Фокус објави ново интервју со Васил кој открива емотивни детали

Пред два дена првин мене ми се јавија од клиника, ми рекоа да му пренесам на татко ми да оди на контрола. За кратко и него му се јавиле, го известиле дека има срце, дека семејството на починатото лице е согласно да го донира. Тој многу се исплаши, дури и не сакаше да оди. Морав да го убедувам, му појаснував дека ова е неговата единствена шанса за живот. Ќе одиш и ќе живееш, или ова ќе биде крајот, му реков.

Друго нема. Некако ме послуша, со страв замина на клиника. Му беа направени сите потребни испитувања, му кажаа дека трансплантацијата може да се изврши. Тој до последното не веруваше дека сето тоа се случува, дека ќе биде првиот пациент во Македонија кој ќе добие срце од донор- вели Васил.

Околу срцето, единствено им било кажано дека е од жена која починала во сообраќајна несреќа. Дури утринава Васил од медиумите го дознал името на жената чие срце сега чука во градите на неговиот татко, за прв пат на фотографија го видел нејзиниот лик.

-Денес од медиумите дознав за Емилија, за нејзиното семејство, за тоа дека е од Стар Дојран, дека со мопед имала сообраќајна несреќа, по што доживеала мозочна смрт. Го видов нејзиниот лик на фотографиите, не можам да ви опишам како се чувствуваме сите. Им праќаме благослов на нејзините блиски, на семејството кое покажа невидено човекољубие и се реши да спаси три животи, на татко ми и на уште две лица со бубрежни болести, на кои им се донираа нејзините бубрези.

Сочувствуваме со големата болка на нејзиното семејство, искрено би сакале да се запознаеме, лично да им се заблагодариме. За овие теми, вистински зборови не можат да се најдат. Благослов до сите кои учествуваа во целиот процес, до лекарски тимови, до целата јавност која покажа голема солидарност и ни даде огромна поддршка – појаснува Васил.

Вели дека се уште не го видел неговиот татко, бидејќи според процедурата, постепено ќе го буделе. Раскажува дека се надева како закрепнувањето ќе помине во најдобар ред, дека телото добро ќе го прифати новото срце. Апелира до јавноста да се подигне свеста кога е трансплантацијата во прашање, бидејќи донирањето на органи спасува животи.

-Кога го испраќавме татко ми во операционата сала, тој беше преплашен, целата таа ситуација беше многу емотивна. Се обидов да бидам смирен, па му реков дека сите го чекаме да ни се врати жив и здрав. Кога од клиника ми кажаа дека срцето е прифатено и почнало да чука, беа тоа магични зборови кои ми донесоа едно големо олеснување

Ова е Иван Огњановски - човекот кој го доби срцето на Емилија

Сè ни е како во сон, уште не можеме да сфатиме дека ова навистина се случува. Настаните се нижеа еден по друг за многу кратко време, но полека се совземаме и ги средуваме мислите. Песимизмот дека мојот татко Иван ќе добие срце, дека ќе добие шанса за живот, денес веќе е зад нас, раскажува за „Фокус” раскажува Васил Огњановски, син на Иван (54), првиот пациент во земјава кој по пат на трансплантација од починат донор доби срце.

Кога го испраќавме татко ми во операционата сала, тој беше преплашен, целата таа ситуација беше многу емотивна. Се обидов да бидам смирен, па му реков дека сите го чекаме да ни се врати жив и здрав. Кога од клиника ми кажаа дека срцето е прифатено и почнало да чука, беа тоа магични зборови кои ми донесоа едно големо олеснување, кои во мене предизвикаа една благодарност кон храброто семејство на Емилија, се создаде една врска помеѓу нас, која вечно ќе трае. Вечно да се благословени тие големи луѓе – раскажа Васил Огњановски.

Семејството Стајиќ донира 1 милион денари за семејството на Емилија чие срце беше трансплантирано

Семејството Стајиќ, основачи и сопственици на компанијата Gulf Oil во Македонија донираат 1 милион денари за семејството на трагично починатата Емилија Динева, чии органи беа донирани за да се спасат три други животи, соопшти компанијата.

Минатата ноќ, беше направена првата успешна трансплантација на срце и беше спасен еден човечки живот, благодарение на хируршкиот тим на клиниката за кардиологија во Скопје, но пред сѐ благодарение на семејството на Емилија Динева кои се согласија органите на Емилија, нивната мајка и сопруга, да бидат донирани на тројца кои имаа потреба од нив.

Трагична, емотивна и мотивирачка приказна која ја потресе целата јавност, а воедно и даде надеж на многу луѓе кои на еден или на друг начин се засегнати од приказната.

– Нашето семејство изразува длабоко сочувство до семејството Диневи и воедно им изразува огромна благодарност за хуманиот гест кој им овозможи на тројца да ги продолжат своите животи. Можеме само да замислиме низ што поминуваат и се надеваме дека барем малку можеме да им помогнеме. Треба да се горди – велат од семејството Стајиќ.

Воедно, се надеваат дека ова семејство ќе мотивира и други да го следат примерот и да продолжат да се спасуваат човечки животи, да се најде барем малку среќа во било која несреќа.

Популарно