Ова се 15–те најсреќни граѓани кои добија по 100.000 денари

Најсреќните 15 граѓани кои од први до 31 март годинава скенирале фискални сметки, добија по 100.000 денари.

Ова се добитниците:

1. Ванче Василески – Тетово, 2. Катерина Апостолова – Богданци, 3. Зорица Илиев – Скопје, 4. Весна Макашевска – Скопје, 5. Дејан Ѓошев – Скопје. 6.Славко Јанковски – Струмица, 7. Љика Митева – Струмица, 8.Фадил Угљанин – Прилеп, 9. Селја Хаџи – Скопје, 10. Војче Мирчески – Скопје.

11. Благој Тунџов – Штип, 12. Фарук Ајрулаху – Скопје, 13. Виктор Устијаноски – Охрид, 14. Мише Милановски – Пробиштип и 15. Деан Андреевски – Прилеп.

ПРОЧИТАЈТЕ ПОВЕЌЕ: ИНФОРМАЦИЈА од УЈП за оние кои скенираат фискални сметки. Вкупниот број на скенирани сметки изнесува 13. 680. 433.

СЕ ЗАОКРУЖИ ТРЕТОТО ТРИМЕСЕЧЈЕ ОД МОЈДДВ

Управата за јавни приходи известува дека на 31 март 2020 година го заокружи третото тримесечје од МојДДВ.

За месеците јануари, февруари и март 2020 година на граѓаните кои скенирале фискални сметки ќе им бидат исплатени вкупно 343,803,953 денари или 5,590,000 ЕУР. Во овој период скенирани се вкупно 49,946,278 фискални сметки, остварен е промет од 21,957,355,689 денари, со вкупен ДДВ 2,292,026,352 денари.

Споредбено со првите две тримесечја зголемување има и кај бројот на корисници на апликацијата МојДДВ, и кај бројот на скенирани сметки, а со тоа и кај повратот на 15% ДДВ кај граѓаните. За првото тримесечје беа исплатени вкупно 186,215,194 денари односно 3,028,000 ЕУР, а за второто тримесечје се исплатија 233,176,601 денари или 3,791,000 ЕУР.

Граѓаните кои ги задржаа примањата редовно да плаќаат сметки, пофалби за пензионерите

Претседателот на Регулаторната комисија за енергетика и водни услуги (РКЕ) Марко Бислимоски ги повикува граѓаните кои ги задржаа своите редовни примања и покрај мерките за заштита навремено да ги подмират своите сметки за електрична и топлинска енергија, како и за водни услуги.

-Апелираме до оние потрошувачи коишто ги задржаа своите редовни примања, да си ги подмируваат своите сметки, за електрична и топлинска енергија, како и водни услуги, бидејќи ако не ги подмират редовно ќе имаме сериозен проблем со ликвидноста. Тоа е еден маѓепсан круг, ако ЕВН не собира пари, ќе имаат проблем за работа МЕПСО и ЕСМ и ќе имаме проблеми со сите водни претпријатија. Оваа мрежа ќе треба да продолжи да им служи на граѓаните и по завршувањето на оваа вонредна состојба, порача Бислимоски.

Тој ги пофали пензионерите, кои како што рече, веднаш по добивањето на пензијата, која беше дадена малку порано, почнаа да ги плаќаат своите сметки.

-Според информациите што ги имаме од компаниите делумно проблемот со ликвидноста е надминат во овој период кога се добиени пензиите. Редовно да си ги подмируваат сметките очекуваме и од администрацијата и од граѓаните кои не се погодени од оваа криза, изјави Бислимоски за МИА.

Потсети дека РЕК беше една од првите регулаторни комисии во регионот и Европа која веднаш кога настана кризата издаде препорака до ЕВН, БЕГ и до сите водоводни претпријатија во државата да не ги исклучуваат потрошувачите додека трае вонредната состојба.

Фатмир Битиќи: Обезбедуваме цела плата за 75.000 работници

Фатмир Битиќи, претседателот на економската комисија на СДСМ, во денешната дебата со поранешниот министер за Финансии Трајко Славевски во „24 Анализа“ рече дека економската мерка на Владата за исплата на 14.500 денари за секој работник во загрозените приватни сектори ќе ја покрие практично целата нето-плата на 75.000 вработени.

- Со мерките 250.00 работници се таргетирани, а тоа е практично 75 отсто плата за нив во просек. Тоа се 40 отсто работници во приватниот сектор. За 75.000 од нив тоа е целата нето-плата што ја добиваат, рече Битиќи.

Тој вели дека, иако засега тој предлог беше одложен, СДСМ останува на ставот дека ако е потребно, односно ако понатаму се продлабочува економската криза, ќе треба да се намалат платите во јавниот сектор бидејќи државната ликвидност е исцрпена поради тоа што „милијарди исчезнале за 1.000 споменици, жални врби, и отишле во Будимпешта“.

„Мерките се добри затоа што тоа е 70 отсто од просечната плата на вработените, а газдите треба да имаат за да исплатат само 30 отсто во просек, ако не, тоа значи дека имаме структурен проблем во економијата“, вели експертот.

Најави уште една економска мерка која утре или задутре ќе биде донесена за занаетчиите и за самовработените. 

Тој рече дека не е прифатлив предлогот за привремена национализација на вториот пензиски столб. 

Популарно