ВИДЕО: Бојадисајте велигденски јајца со зрна ориз

Велигденските празници се наближуваат, па време е да започнеме да ја планираме велигденската трпеза и да собираме идеи за бојадисување на јајца. Еве една идеја за бојадисување на велигденски јајца со зрна ориз која дава фантастични резултати, а е пристапна и едноставна. Потребни ви се варени јајца, ориз, прехранбена боја и пластични чаши.

Сигурни сме дека имате ориз во вашата кујна, неколку пластични чашки, а може да ви фали прехранбена боја. Со малку трпение може да направите креативни велигденски јајца. При бојадисување на велигденските јајца ви предлагаме да користите заштитни ракавици, за да не шетате со шарени прсти.

Техника на бојадисување на велигденски јајца со ориз

За да постигнете најдобри резулатати, пожелно е јајцата да бидат топли, оризот да биде со долго зрно, а да користите гел бои. Јајцата сварете ги, извадете ги од водата и избришете ги со кујнска хартија.

Во пластични чашки ставете 2 лажици ориз. Количината на оризот зависи од големината на чашките, но никако не треба да ги наполните до врвот.

Врз оризот ставете од бојата и добро измешајте за да се обои оризот. Во чашата ставете го јајцето и измешајте го нежно, неколку пати. Доколку долго го мешате, може јајцето целосно да се обои.

По желба можете да комбинирате две бои. Прво да го ставите јајцето во една боја, а потоа во друга. Бојадисаните велигденски јајца оставете ги да се изладат, а потоа премачкајте ги со малку масло за да добијат сјај.  За најдобро разбирање на техниката, погледнете го видеото:

Нaучниците утврдија кога исчезне вирусот!

Според најновите истражувања (математичката анализа на Националната лабораторија во Лос Аламос.) секој човек кој е инфициран од коронавирусот обично ја пренесува заразата на други 5.7 луѓе.

Таа бројка е двојно поголема од онаа што Светската здтавствена организација ја објави во февруари годинава, пренесува „Bloomberg“.

Со оглед на тоа што податоците сега се однесуваат само на епидемијата со ковид-19, истражувачите посочуваат дека пандемијата ќе биде тешко да се контролира на начинот кој го применуваат одредени држави во светот.

Како што прикажала студијата, за да се уништи вирусот, дури 82 отсто од светската популација би морала да стекне имунитет преку вакцинирање или преку прележување на заразата, наведува експертскиот тим од Лос Аламос.

Потопете ги овошјето и зеленчукот во овој раствор пред да ги конзумирете

Доколку се прашувавте како да ги миете овошјето и зеленчукот и да ви е мирна душата еве го одговорот.

Пестицидите, прашината, загадувањето на воздухот и песокот од Сахара се доволни причини овошјето и зеленчукот добро да ги измиете. Но, пандемијата на коронавирусот само дополнително треба да ве стимулира во оваа работа да вложите малку повеќе труд и време.

Постојат многу нејасни нешта околку тоа дали, колку и како треба да постапуваме со намирниците кои овие денови од маркетите ги внесуваме во домот. Кога не измачува стравот дали и на кој начин можеме да си го донесеме вирусот дома, не е тешко да претераме, но секако не смееме и да се однесуваме неодговорно.

Експертите советуваат дека најдобро е прво свежите намирници, како овошјето и зеленчукот да ги измиете го голем млаз ладна вода. За да бидете посигурни, по миењето намирниците оставете ги половина час во раствор од два литри вода и една ипол лажица сода бикарбона, а потоа уште еднаш детално измијте ги со млаз вода. Тоа особено важи за марулата, младиот лук и кромид, ротквиците, магдоносот и сл.

Друго нешто што е потребно да го направите со цел дополнително да се заштитите е секоја намирница во амбалажа да ја пребришете со крпа натопена во седумдесет-процентен алкохол.

Дезинфицирајте го и ладилникот, одржувајте почесто хигиена во домот, особено во кујната и складишните простории во кои носите производи од надвор.

Европската агенција за безбедност на храна официјално потврди дека нема докази за ширење на коронавирусот преку храната, но предупреди хигиената при ракувањето со намирниците да биде на високо ниво.

Популарно