Некогаш важеше за еден од најубавите кампови во Македонија, но подоцна беше на работ на затворање за туристи. Сепак денеска има нов сјај, а плажата уредена и средена, повторно привлекува голем број Македонци. Се работи за кампот „Крани“ на Преспанското езеро.

Испратено од Зорица

Временските услови и студот оваа година не натераа да ги извадиме зимските палта во Април, па оваа скопјанка заборавила да ја отстрани закачалката.

Испратено од Симеон

Првпат по 11 години истражување на балканскиот рис, тимот на Македонско еколошко друштво (МЕД) успеа да слика младо од рис. Во февруари истражувачкиот тим на Програмата за закрепнување на балканскиот рис успеал да постави ГПС околувратник на првата женка рис досега. Обележаната женка која го добила името Маја го одвела тимот до нејзиното дувло и го покажала најскапоцениот податок до сега – здраво младо рисче. Првите фотографии од младенчето балкански рис ги направил членот на мониторинг мрежата за балканскиот рис, Панајот Чоровски од Кичево. 
 

- Неверојатна радост е да прв да видиш младо рисче, особена чест ми беше да ја споделам информацијата со моите колеги и сите кои се грижат за заучувањето на ова неверојатно животно - вели Чоровски.

Ова рисче е надежта која ѝ е потребна на малата популација на балкански рисови во Македонија, велат од МЕД. 

- Се надеваме дека преку неговото и следењето на неговата мајка ќе успееме да ги добиеме податоците кои недостигаа досега. Овие податоци ќе ни помогнат за го разбереме животот на младите рисови во Македонија за да можеме да ги зачуваме -велат членовите на Програмата за закрепнување на балканскиот рис којашто ја спроведува МЕД.

Статусот на балканскиот рис е критично загрозен бидејќи бројот на возрасни единки способни за репродукција е помал од 50 и според стандардите на Меѓународната унија за заштита на природата, на праг е да биде целосно исчезнат од нашата фауна. Балканскиот рис за прв пат се најде на (IUCN) на 19 ноември 2015 година. Најзначајните закани за опстанокот на рисот се: криволовот, драстичното намалување на неговиот плен и уништување и фрагментација на неговите станишта. 

Програмата за закрепнување на балканскиот рис, меѓу другото, веќе десет години се обидува да го спречи овој негативен тренд. Резултатите од интензивниот мониторинг покажаа дека барем во јадровите подрачја, Националниот Парк Маврово и планината Мунела во Албанија, ова опаѓање е запрено. Секако, опстанокот на балканскиот рис ќе зависи не само од овие, туку и од сите останати подрачја на Балканот кои поседуваат погодни станишта за рисот и неговиот плен. 

Програмата е финансирана од фондацијата МАВА од Швајцарија и се спроведува во соработка со фондацијата Еуронатур од Германија и организацијата КОРА од Швајцарија како и здруженијата ППНЕА од Албанија, ЕРА и Финч од Косово и ЦЗИП од Црна Гора