Ви се причинуваат земјотреси и имате вртоглавица? Не сте сами!

nokevanje-700x4701

Ви се чини дека ви се тресе тлото под нозете и кога нема земјотрес? Ве фаќа паника дека кај и да е ќе удри уште еден? Не сте сами и не треба да сте загрижени. Силните земјотреси може да предизвикаат подоцнежни симптоми, т.е. вртоглавици со одложен ефект.

Дури и два месеца по двата големи земјотреси во јужна Јапонија што се случија во април годинава во интервал од само неколку денови, кај стотици луѓе беше дијагностицирана таканаречена „земјотресна болест“.

Прво, префектурата Кумамото на островот Кјушу ја погоди земјотрес со магнитуда од 6.4 степени, по кој по помалку од 48 часа следеше уште еден, посилен, со магнитуда од 7.3 степени.

Експертите наведуваат дека преживеаните Јапонци од големиот земјотрес од март 2011 (Фукушима) исто така пријавиле дека страдаат од „земјотресна болест“, но дека последиците од Кјушу се подолготрајни, пред сé затоа што по главните земјотреси следеа стотици афтершокови што го потресоа регионот. До крајот на јуни, во регионот беа регистрирани над 1600 афтершокови со магнитуда од 1 степен или повеќе.

За посликовито, по големиот земјотрес од 2011, во една анкета спроведена на универзитетот Nihon во која учествуваа 3000 луѓе и деца од Токио и погодените префектури, се покажа дека дури 80 – 90 проценти од возрасните и 50 – 70 проценти од децата пројавуваат симптоми на „земјотресна болест“.

1204F7A300000514-0-image-a-4_14664101964971

Состојбата е научно позната како пост-земјотресен вртоглавичен синдром (PEDS), а меѓу Јапонците како jishin-yoi („пијан од земјотрес“). Синдромот се карактеризира со губење на рамнотежата и кај лицето создава чувство дека доживува земјотрес и кога земјотрес всушност нема. Покрај вртоглавицата и нарушената рамнотежа, синдромот може да предизвика и напади на лошење или паника дека друг земјотрес е на пат да се случи.

Човечкиот мозок одржува рамнотежа процесуирајќи ги информациите добиени од внатрешното уво, очите, кожата, мускулите и тие од сензациите од рацете и нозете. Иако причините за појава на „земјотресна болест“ не се во целост разбрани, научниците сметаат дека се јавува кога делот од мозокот кој е задолжен за одржување на телесната рамнотежа добива екстра стрес од честите земјотреси.

Некои експерти го споредуваат синдромот со морската болест (лошење при движење), а други сметаат дека е манифестација на фобија од земјотреси. Како и да е, повеќето се сложуваат дека психолошкиот стрес и анксиозноста исто така придонесуваат во развивање на синдромот – речиси 50% од 214-те Јапонци што се жалеле на симптоми од PEDS пријавиле дека се чувствуваат депресивно или дека стравуваат дека се неврозни.

Иако има сличности, да се спореди нашава ситуација со овие земјотреси во Јапонија е малку неблагодарно. Настрана катастрофата од 2011-та, во овие од април имаше педесетина жртви и илјадници повредени, со многу срушени згради и илјадници уништени домови. Луѓето спиеја во коли, шатори и прифатилишта.

Сепак, што се однесува до синдромот, интересно е што 80% од тие кај кои бил дијагностициран биле жени. Друг интересен и важен факт е што околу 80% од дијагностицираните биле токму од групата на луѓето што живееле во коли, шатори и засолништа. Останатите живееле во своите домови.

Врз основа на тоа, научниците заклучуваат дека дека овие симптоми почесто се јавуваат кога личноста е во затворена просторија или седи, отколку кога е на отворено. Ако и вие ги чувствувате симптомите по последнава серија од земјотреси и имате чувство на вртоглавица или дека ве фаќа паника, експертите препорачуваат на кратко да излезете на отворено, да застанете со благо подраширени нозе и длабоко да вдишите неколку пати.

Причини за паника околу синдромот, пак, нема. И самите научници потврдуваат дека „земјотресната болест“ има тенденција да избледува паралелно со престанувањето на афтершоковите.

Никол Кидман ги изненади фановите со промена на имиџот

Оскаровката Никол Кидман се пофали со својата промена на имиџот на својот инстаграм-профил.

56-годишната актерка ја покажа својата нова боб-фризура заменувајќи ги препознатливите долги кадрици.

Обожавателите во коментарите го пофалија нејзиниот нов изглед, а многумина напишаа дека актерката изгледа помладо.

„Безвременски“, „Ја сакам твојата коса“, „Време беше“, „Изгледаш фантастично“, се дел од коментарите.

Сепак, имаше и такви што беа разочарани од новата фризура.

„Каде ти се локните?“, „Извини, но воопшто не личиш на себе“, „Никогаш не би помислил дека ова е Никол“, напишале тие.

Реквизитот од филмот „Титаник“ продаден за 718.000 долари

За познатата сцена од филмот „Титаник“, се води дебата меѓу обожавателите дали дрвената врата била доволно голема да на неа легне Џек, и така да се спаси од ледената смрт.

Дрвениот дел, кој и овозможи на Роуз да го преживее бродоломот, беше продаден на аукција за 718.750 долари.

Оваа разгорена дискусија се одвива уште од периодот кога филмот беше премиерно прикажан во 1997 година.

Во филмот, Џек (игран од Леонардо ди Каприо) вели дека таблата – дел од рамката на вратата – е доволно голема само за жената која ја сака, Роуз (играна од Кејт Винслет). Потоа, Џек умира во ледениот Атлантски океан, а неговото тело потонува на дното.

Во епизодата на телевизиската емисија „Разоткривање на митови“ од 2012 година, режисерот на „Титаник“, Џејмс Камерон, откри дека добива десетици мејлови во кои се тврди дека Роуз е „себична“, а Џек е „идиот“ поради оваа сцена. Камерон, меѓутоа, ја заврши дискусијата со забелешка дека според сценариото, Џек мораше да умре. „Можеби малку згрешивме со пропорциите и можеби таблата требаше да биде малку помала, но момчето мораше да потоне“, додаде тој.

Реквизитот, кој често се смета за врата, е направен според парче од останките на вистинскиот Титаник, откриен по неговата трагедија во 1912 година. Според аукциската куќа Heritage Auctions, реквизитот е приближно 2,4 метри долг и 1 метар широк.

Оваа продажба на реквизити и костими, која заврши во неделата, вклучуваше предмети како костимот на Спајдермен кој го носеше Тоби Мегваер (125.000$), секирата од филмот The Shining (125.000$), како и познатиот камшик на Индијана Џонс (525.000$) вкупно вредни 15,48 милиони долари.

Real tribute - Симфониски концерт на Тина Тарнер на 1 јуни во Скопје

Ексклузивниот концерт кој го има пропатувано речиси целиот свет, конечно и во Македонија!

Рок симфонијата "Simply the best" посветена на кралицата на рокенролот и музичката икона Тина Тарнер, ќе биде изведена на 1 јуни во „Арена Борис Трајковски“ со повеќе од 40 луѓе на сцената.

Тина Тарнер беше славна по своите бурни, енергични сценски изведби и по моќниот вокал, често нарекувана кралица на рокенролот и музичар кој остави неизбришлива трага во светот на музиката, забавата и културата. Неисцрпна инспирација е за многумина, а нејзината важност се чувствува во генерациите кои доаѓаат.

Присутните ќе имаат можност да уживаат слушајќи ги највлијателните и најпознатите хитови како што се „Proud Mary“, „What’s Love got to do with It“, „Simply the best“, „We don’t need another hero“ и многу други. Добро познатите балади ќе ги разнежнат сите присутни, а брзите ритми ќе ги подигнат сите на нозе.

Рок симфонијата е посветена токму на неа, а на истата ќе се изведуваат и песни од бендови како „Gun's and roses“, „Deep purple“, „AC/DC“, како и познати дуети кои ја одбележаа светската кариера на Тина. На 1 јуни, публиката ќе има можност на еден поинаков начин да ја почувствува енергијата на легендарната Тина.

Тина Тарнер беше една од најголемите рок пејачки на сите времиња и така и ќе остане запомнета.

Сите оние кои сакаат да доживеат ноќ исполнета со многу енергија и страст, можат уште веднаш да ја купат својата влезница.

Влезниците се пуштени во продажба, а истите може да ги купите преку продажната мрежа на www.kupikarta.com Розе Веро 2, како и Јк травел во Бисер.

Популарно