Под мотото „Вдоми, не купувај“ во сабота на улица Македонија, сите бездомни животни ќе чекаат да си го пронајдат среќниот сопственик.

Целта е да се обезбеди дом за кучињата и мачињата кои лутаат по улиците, а токму вие имате можност и шанса да им го промените текот на животот.

Во март се најавени 3 вакви акции, од кои првата е оваа сабота (12-ти март), во близина на спомен куќата на Мајка Тереза.

Сите кои сакаат да си го запознаат новиот најдобар пријател можат да дојдат од 12 до 17 часот и да спасат барем еден живот.