Во Србија работното време на сите продавници, ресторани, кафулиња, обложувалници, клубови е ограничено на 23 часот, а синоќа во главниот град многу ресторани за брза храна биле отворени и по 23 часот, додека пред нивните шалтери имало долги редици.

„Она што мора да се каже е дека ситуацијата сериозно се влошува за нас, особено во Белград, не само што е неизвесна, туку оди во насока да стане неповолна“, истакна д-р Кон и додаде:

„Сите настани и секое кршење на мерките се манифестира за 10 дена, бидејќи потенцијалот на вирусот јасно се зголеми, така што тоа ќе се одрази на понатамошно влошување“, рече тој за „Блиц“.

"Време е повторно да се апелира за почитување на мерките, пред се за одржување на растојание и избегнување масовни собири. Носењето маска исто така се препорачува на отворено, ако не може да се обезбеди далечина. Носењето маска во затворено е апсолутно задолжително", нагласи д-р Кон.

Тој уште еднаш потенцираше дека работното време по 23 часот е дозволено исклучиво во аптеките и бензинските пумпи.