Само две пријави на 193, Шилегов ги повикува граѓаните во понеделник да дадат идеа за за решавање на загадувањето?!!

Скопје

на 12.2017

Градоначалникот Петре Шилегов ги повикува граѓаните во понеделник во 12 часот да дојдат во просториите на Град Скопје и да му предложат идеи за решавање на проблемот со загадувањето.

„Апелирам до секој граѓанин кој мисли дека има одржлива идеја за решавање на проблемот за загадување да дојде во просториите на Советот на Град Скопје во 12 часот, со мене и мојот кабинет да ги сподели тие идеи. Заедно да ги разгледаме, колку се тие применливи и колку можат да придонесат за решавање на проблемот со загадувањето на воздухот“, рече Шилегов.

До сега имало само две пријави на телефонскиот број 193 кој вчера го отвори Град Скопје за пријавување диви погони, палење на гуми, пластика и други штетни матeријали на отвoрено, како една од мерките за решавање на проблемот. Првата пријава е за запален контејнер на кејот 13 Ноември, а втората во село Шишево за запалена столарска работилница.

„Ги повикувам граѓаните да телефонскиот број 193 да пријавуваат нарушување на амбиенталниот воздух, за да интервенираат тимовите“, рече Шилегов.

Градоначалникот Шилегов кажа дека побарал од Министерството за внатрешни работи да најде модалитет за редуцирање на сообраќајот со возилата, а од градоначалниците на општините да се засили контролата на градилиштата со цел да се забрани градење во деновите со висока загаденост.

Сè уште не се знае дали и годинава улиците ќе се прскаат со калциум магнезиум ацетат.

„Ги разгледуваат резултатите од претходните години кои се контрoверзни колку беа успешни“, додаде Шилегов.

Посебен режим на сообраќај во Скопје

Скопје

пред 12 часа

Поради најавен протест, со почеток во 10 часот денеска ќе има посебен сообраќаен режим, при што по потреба сообраќајот ќе се пренасочува од крстосницата на бул.„Гоце Делечев“ со бул.„ВМРО“ кон крстосницата на бул„Илинден“ со бул.„Климент Охридски“.

Како што информираат од МВР, со почеток во 16 часот, пак, поради марш, Одделението за безбедност на патниот сообраќај ќе преземе мерки за посебен режим на сообраќај, при што сообраќајот по потреба ќе се пренасочува по рутата по која ќе се одвива маршот, и тоа од крстосницата на бул.„Гоце Делечев“ со бул.„ВМРО“, право по ул.„Васил Главинов“, лево по ул.„Димитрие Чуповски“ и во продолжение до бул.„11 Октомври“, пред Собранието на РСМ.

Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвиваат планираните активности со цел безбедност на сите учесници во сообраќајот.

Петар Пан – балетска претстава за деца

Скопје

пред една недела

Во Националната опера и балет, на 31 март, премиерно ќе бидат изведени две претстави на „Петар Пан“, балетот за деца. Станува збор за омилениот лик и роман на Џејмс Метју Бари, таткото на вечните деца и на сите оние што не сакаат да пораснат.

Ова е претстава за сите убавини на земјата Недојдија, за имагинација оплеменета со многу добра музика, игра и разноразни чудесии што ќе ги анимираат децата во претставите од 17.30 и 20.00 часот.

Оргиналноста на оваа претстава за деца и за сите који го чуваат детето во себе е што нема класичен наратор туку либретото го пее Ѕвончица, преку различни песнички.

Сценариото и сонговите ги потпишува Ристо Самарџиев, кореографија и режија се на Ирена Лозинска, а визуелната магија е доловена преку костимите на Елена Вангеловска и сценографијата на Љупчо Јованов. Музиката ја потпишува Владимир Дојчиновски -Дојчин, а продукцијата е на М- Соунд.

Петар Пан е музичко балетски спектакл, во кој учествуваат 56 деца од балетското студио „Арт балет“, заедно со Веселин Трајковски и Ницолас Алехандре Хоурсеау, гости при балетскиот ансамбл.

Билетите се на mktickets.mk, Југотон и Литература.мк