Што е микроневерство и колку е опасно?

Неверство има насекаде: истражувањата покажале дека околу 23% од мажите и 12% од жените имале секс со друга личност додека биле/се во брак. Меѓутоа, за разлика од вонбрачната сексуална афера што е лесно да се дефинира, општиот концепт на неверството има малку позамаглени линии и нијанси.

Што е микроневерство?

Микроневерство е „сет од однесувања што се движи околу тенката граница на верноста и изневерувањето“, вели Линдзи Хоскинс, брачен терапевт од Мериленд. Таа сепак додава дека е многу тешко да се дефинира микроневерството бидејќи границата се поставува на различни места за различни луѓе и во различни врски.

Баш сѐ, од разгледување на Tinder за забава до флерт со симпатичен странец, може да се смета за микроневерство, во зависност од вредностите на поединецот и неговите приоритети во врската.

Хоскинс вели дека најчестите „излети“ се често допишување или комуникација на социјалните мрежи со личност за која чувствувате привлечност, редовна комуникација со поранешен партнер или претерана блискост со колега/колешка од работа.

Дали микроневерството е проблем?

Во суштина, однесувањата што се припишуваат на микроневерство не би требало да бидат причина за голема загриженост, но кога ќе почнат да ја преминуваат границата, емотивна или физичка, тогаш се јавува проблемот. На крајот на краиштата, луѓето се програмирани да бараат потенцијални партнери за парење, вели Џејсон Дибл, професот по комуникологија на колеџот Хоуп.

„Тешко ми е да осудам некого ако забележува привлечни единки“, вели тој. „Тоа е човечката природа.“

Во многу ситуации, вели Дибл, флертувањето со друга личност додека сте во врска е безопасно и повеќе се однесува на брзо кревање на егото или добивање на доза допамин, отколку вистинска заинтересираност за таа личност.

„Истражувањата покажале дека дури и кога луѓето имаат секс со партнерите, замислуваат или фантазираат за друга личност“, додава Дибл.

„Тоа може да биде здраво, бидејќи ве придвижува, ве прави сексуално потентни, го одржува пламенот и може таа енергија да ја насочите кон партнерот.“

Неговото истражување покажува дека луѓето во врска кои одржуваат комуникација со „златни резерви“, односно потенцијални сексуални или емотивни партнери, можеби и не ја загрозуваат врската со таквото однесување.

Во неговото истражување тој не забележал значително намалување на вложеноста или посветеноста во врската кај луѓе кои се во романтична врска со една личност, а комуницираат со „златна резерва“.

Меѓутоа, лесно може да се падене во замката на микроневерството и сѐ да тргне стрмоглаво надолу како лавина. Она што можеби почнало како наивна порака или пријателство на работно место, може да се трансформира во непшто повеќе, намерно или не.

Ако таа интеракција почне да одзема повеќе време, емотивна или ментална енергија, отколку вашата примарна врска со партнерот, тоа е знак дека можеби е нешто посериозно отколку што си мислите.

Што потоа?

Секако, треба да помислите и на другата страна. Одржувањето на ваков тип на контакти можеби не ја разнишува вашата посветеност на врската, но секако може да направи вашиот партнер да се чувствува непријатно.

Хоскинс вели дека е важно да се разграничат нештата.

„Можеби вие се чувствувате поинаку во врска со таа личност, но тоа претставува проблем за вашата врска и е проблем за вашиот партнер. Кога сте се согласиле да бидете во моногамна врска, сте се согласиле да имате осет и свесност за работите што му пречат на вашиот партнер и да обрнувате внимание на тоа.“

Проактивната комуникација е многу важна во вакви случаи, вели Хоскинс. Идеално би било партнерите да дискутираат за границите во врската уште на самиот почеток, или пред да станат проблем, што би спречило појава на расправии и презир отпосле. Сепак, редовните разговори за тоа што е во ред, а што не, односно што е прифатливо и не е прифатливо, се добредојдени во секое време.

Девојка на 27 години ја продава невиноста за – 100.000 евра: Уморна сум од чекање на…

Џиа Кортни откри дека со години го чека вистинскиот избраник, кое ќе успее да ја освои, а со оглед на тоа дека уште е невина, сега решида заработи од првиот интимен однос.

Таа вели дека подобро да има пари, отколку да ја загуби невиноста со некој кој подоцна нема да ја освои и ќе жали поради тоа.

„Уморна сум од чекање на принцот на бел коњ и бакнување жаби, па јас сама си одбрав овој пат“, објасни таа. „Знам дека е остро, но имам 27 години и во овој момент конечно треба да бидам паметна“, вели девојката.

Девојката од Њујорк пораснала во религиозно семејство, но одби традиционален пат „училиште, факултет, брак, а потоа семејство“. Таа го понуди своето тело, а почетната понуда била 100.000 евра.

8 работи што мажите ги кажуваат само кога навистина ве сакаат

На почетокот на врската зборовите може да бидат многу збунувачки и да ве натераат да бидете во дилема за тоа што чувствува партнерот за вас. Мажите кои ја совладале уметноста на заведувањето знаат што точно да кажат за да ве заведат. Но, овие зборови што ќе ги прочитате во продолжение имаат скриено значење и ги докажуваат љубовта и посветеноста на партнерот кон вас.

1. „Ме инспирираш.“

Секој може да ви каже дека изгледате убаво и секси. Секој може да ви каже дека ве посакува.

Но, вашата сродна душа ќе црпи инспирација од вас и ќе почне да се однесува поинаку кога ќе почнете да се состанувате. Тој ќе почне да прави долгорочни планови со вас и ќе се обиде да направи нешто повеќе со својот живот отколку што правел пред да ве запознае.

2. „Не сакам да се состанувам со некоја друга или ти да се состануваш со некој друг.“

Ова треба да биде прилично јасно. Ако тој сака да ве задржи, многу рано ќе каже дека не сака никоја друга освен вас.

3. „Би сакал да дојдеш со мене во…“

Ова може да се однесува на забавата што ја организира неговата компанија, во неговиот духовен центар, во неговиот омилен ресторан или на кое било друго место каде што ќе ве запознае со најблиските пријатели. Ако го стори тоа, тој сака да бидете вклучени во најважните делови од неговиот живот.

4. „Сакам да ти помогнам со…“

Ако тој постојано ви помага во некои обврски или поправки, тогаш тоа значи дека се грижи за вас.

5. „Сакам да те запознаам со моето семејство (или со најблиските пријатели).“

Иако можеби сè уште не ви признал дека ја планира иднината заедно со вас, тој сака да види дали неговото семејство ви се допаѓа, дали вие им се допаѓате ним и дали се чувствувате како дома таму каде што тој се чувствува како дома.

6. „Пресели се кај мене.“

Ако тој сака секој ден да бидете до него кога ќе се разбуди, тоа значи дека е многу поврзан со вас. Ако партнерот сака да биде со вас секој ден, тоа значи дека тој мисли дека вие сте вистинската и сака да го помине животот со вас.

7. „Кога ќе стапиме во брак / ќе имаме деца / ќе се преселиме на друга локација…“

Ако тој ги кажува овие работи, не само што сака да живеете заедно, туку сака да бидете покрај него кога ќе ги остварува своите главни цели.

8. „Те сакам.“

Овие три збора може да се појават во секое време од патувањето. Ако постојано ви повторува дека ве сака, тоа покажува дека е грижлив и комуникативен човек и сака да ве израдува.

Како да ги препознаете луѓето кои може да ве повредат?

Лошите односи резултираат со незадоволство на крајот. Шармот, романтиката и подароците се убави, но веднаш штом ќе забележите некои од првите знаци на себичност, подобро би било да ја барате среќата на друго место. Таквите личности не се фокусирани на вас, туку на самите себеси, а вие би можеле да бидете колатерална штета на таа врска. Иако на почетокот сè може да изгледа убаво и розово, вистинското лице излегува на виделина порано или подоцна.

Кога луѓето ќе забележат алармантни знаци, обично ги игнорираат сметајќи дека тоа е само фаза. Но, како што одминува времето, овие мали знаци може да прераснат во сериозни проблеми. Никој не е совршен, но игнорирањето на некои знаци може да ви предизвика само болка и повреда. Откријте кои личности треба да ги избегнувате.

1. Не го оставил минатото зад себе

Врската со ваков партнер може да ве повреди емоционално. Тој често може да ве споредува со некого од своето минато, а вие може да страдате поради тоа.

2. Не знае што сака

Без разлика дали станува збор за чувствата, за поврзувањето, за минатото или за што било друго, за добар однос е потребна јасност за да се постави цврста основа. Изјавите како „да не брзаме“ може да бидат многу опасни, особено ако забележите дека партнерот го прави тоа и во други ситуации.

3. Не ги исполнува вашите очекувања

Лесно е да шармирате некого и да глумите дека сè изгледа прекрасно. Но, кога е време за конкретни работи и дејства, партнерот има еден куп изговори.

4. Тој е опседнат со себе

Лесно е да забележите личност што се врти околу својата оска затоа што таа зборува само за своите проблеми и треба некој да ја слуша. Кога треба да ги слушате или да им помогнете, тие се тука, но кога ситуацијата е обратна, тие се повлекуваат или исчезнуваат.

5. Мисли дека никогаш не прави грешки

Прифаќањето вина е нормално и покажува дека сте човечко суштество. Но, оние што постојано наоѓаат оправдување, не се најискрените луѓе и имаат големо его.

6. Никогаш не е тука за вас

Треба да чекате со часови за да добиете повратна порака или повик. Овие личности се себични и стапуваат во контакт само кога тие сакаат. Со таков партнер нема никогаш да се чувствувате посебно и сакано.

Популарно