Пожарникар почина по интервенција во Скопје

47 годишен пожарникар починал откако му се слошило при интервенција на пожар во близина на транзитниот центар за странци во Скопје. Според информациите кои ги соопшти полицијата, пожарникарот Г.Ј. (47) заедно со колегите интервенирал на опожарена сува трева и напуштени објекти околу 16:30 часот. 

При гаснењето на пожарот на пожарникарот му се слушило и со возило на Брза Помош бил префрлен во комплексот клиники Мајка Тереза каде починал.

По наредба на Јавен обвинител телото е предадено на обдукција. Наодите од судска медицина ќе треба да покажат кои се причините поради кои починал 47 годишниот пожарникар. 

Жена прегазена во Скопје, пренесена на клиника со тешки повреди

Вчера во 21.50 часот во СВР Скопје било пријавено дека на крстосницата од бул.„Св.Климент Охридски“, ул.„Димитрија Чуповски“ и ул.„Митрополит Теодосиј Гологанов“ во Скопје, патничко возило „мерцедес“, со скопски регистарски ознаки, управувано од В.И.(26) од Скопје, удрило во пешакот С.З.(33) од Скопје, велат од МВР.

Во незгодата С.З. се здобила со тешки телесни повреди, констатирани во Комплексот клиники „Мајка Тереза“. Извршен бил увид на местото на незгодата од увидна екипа од СВР Скопје.

МВР со детали за тешката сообраќајка на патот Штип-Кочани, двајца возачи загинаа

На 20.06.2021 во 14.10 часот било пријавено дека на експресниот пат Штип-Кочани, во близина на нас.„Три чешми“, се случила сообраќајна незгода помеѓу патничко возило „тојота корола“, со битолски регистарски ознаки, управувано од А.И.(39) од Битола и патничко возило „хонда ЦВ“, со велешки регистарски ознаки, управувано од А.М.(40) од Велес.

Од екипа на Итна медицинска помош кај двајцата возачи била констатирана смрт на местото на незгодата.

-Во незгодата со повреди се здобил и сопатникот од возилото „тојота корола“, Б.К.(30) од Кочани, констатирани во Клиничката болница Штип. Извршен бил увид од увидна екипа од СВР Штип и Јавен обвинител, по чија наредба телата на почнатите биле дадени на обдукција, информира МВР.

 Во периодот од 14.45 до 20.00 часот сообраќајот бил пренасочен по магистралниот пат Штип-Кочани.

20 годишна девојќа загина во сообраќајна несреќа

Околу 07:15 часот, вчера на автопатот Миладиновци – Штип, на место викано „Ерџелиски мост“, С.М.(20) од село Кадрифаково, управувајќи патничко возило „Фолксваген поло“ со светиниколски регистарски ознаки, изгубила контрола и излетала од патот.

Притоа, со тешки телесни повреди се здобила С.М. и била пренесена во Клиничката болница Штип каде починала.

Увид на местото извршиле Јавен обвинител и екипа на ОВР Свети Николе.

Популарно