ТРАГЕДИЈА: 15 годишно девојче загина во сообраќајка кај Струмица

Петнаесет годишно девојче од селото Радово загина утрово во сообраќајна несреќа што се случи кај селото Дабиле, а две лица се повредени и се пренесени во струмичката болница.

Според полицијата, во 4,30 часот било пријавено дека на излез од Струмица кон селото Дабиле патничко моторно возило „фолксваген кеди“ со струмички регистарски таблички излетало од патот.

Возилото го управувал Ф.С.(21) од село Радово. Покрај него е повредена и другата сопатничка Н.С.(21) , од истоименото село.

Увид на местото на настанот се врши од страна на увидна екипа од СВР Струмица.

Исчезна 25-годишно момче, семејството бара помош

Исчезнат е 25-годишниот Димитар Мицковски. Неговото семејство и блиски бараат помош. Велат дека последно го виделе пред 12 дена, кога заминал да собира печурки. 

Димитар е висок е околу 180 см. Кога заминал бил облечен во тегет тренерки и црно капче.

Ако некој го видел или знае нешто веднаш да пријави во полиција. 

Гром уби човек во светиниколско

Жотел на селото Дарфулија крај Свети Николе го загубил животот откако гром удрил во него додека ги напасувал овците во атарот, објави МВР во полицискиот билтен.

Несреќата се случила синоќа во 20.00 часот кај местото  „Дорфулиски ливади“, а Т.Ш.(46) загинал на самото место.

Извршен бил увид од увидна екипа од Полициската станица Свети Николе.

Скопјанец бил пронајден починат во домот кога соседите пријавиле непријатна миризба

Шеест и шестгодишен скопјанец бил пронајден починат во стан на улицата Козле во Скопје.

Од МВР информираат дека вчера во полицијата било пријавено дека од куќата во која живеел подолго време се ширела непријатна миризба, а тој речиси една недела не бил забележан од соседите.

„Полициски службеници излегле на местото на настанот, каде што бил пронајден починат Т. Т.. Од лекар од итната медицинска помош била констатирана смрт, а увид на местото на настанот извршила екипа од СВР Скопје. По наредба на јавен обвинител, телото на починатиот е дадено на обдукција“, велат од МВР.

Популарно