Собранието ја прифати оставката на Груевски, но ќе му дава плата уште цела година?!

Никола Груевски, кому вчера му беше констатирана оставката во Парламентот и кој по судските процеси доби политички азил во Унгарија, според Законот за пратеници има право да побара да остварува плата и по престанувањето на мандатот за време до една година. Ова право го има и Павле Богоевски, кој денеска поднесе, а Собранието му ја констатира оставката.

Засега нема информација дали Груевски, кој е во Будимпешта, ќе поднесе барање за плата, додека Богоевски, како што кажа на прес-конференција во Собранието, сé уште размислува за тоа.

Од Кабинетот на претседателот на Собранието информираат дека досега Груевски не поднел барање за апанажа.

И Груевски и Богоевски беа пратеници повеќе од две години односно во Парламентот се од крајот на 2016 година и според Законот за пратеници можат да остваруваат право на плата една година. Сумата што тие би ја добивале е 63.000 денари, односно онолку колку што изнесуваше досега нивната плата.

Во членот 36 од Законот за пратеници се наведува дека пратеник во Собранието може да остварува плата и по престанување на мандатот за време до една година и тоа: три месеци ако мандатот на пратеникот траел до шест месеци, девет месеци ако мандатот на пратеникот траел до 12 месеци и еден ден до 24 месеци, и 12 месеци ако мандатот на пратеникот траел 24 месеци и еден ден и повеќе. Пратеник може да остварува плата и подолго од една година, а најмногу уште шест месеци, доколку во тоа време стекнува право за старосна пензија. За време на остварувањето на ова право пратеникот нема право на други лични примања и надоместоци на трошоци.

Според Деловникот за работа на Собранието пратениците на кои им престанал мандатот и поднеле оставка, барање за плата односно апанажа треба да поднесат до Комисијата за прашања на изборите и именувањата. Личното барањето треба да се поднесе најдоцна во рок од 30 дена од денот на престанувањето на функцијата.

19 години затвор за обвинетата за уби*твото на Пино

Ангела Ѓорѓиевска која беше обвинета за убиството на 26 годишниот Пинета Секондо - Пино, судот ја прогласи за виновна и ја осуди на затворска казна од 19 години.

Според пресудата, таа помогнала во извршување на убиството кое според доказите го сторил Али Фуркан кој е во бегство.

Тој со пушка го застрелал во главата Пино во присуство на Ангела која помогнала безживотното тело да го внесат во кола а подоцна и да го закопаат во атарот на Љуботен.

Судијата при изрекување на пресудата истакна дека во одредување на казната биле земени предвид олеснителните и отежителни околности кои надвладеале бидејќи обвинетата Ангела Ѓорѓиевска во текот на судењето никогаш не покажала каење.

Каква казна ќе добиете доколку не ја носите возачката дозвола со вас?

Многу често полицијата врши и има право да прави контрола на сообраќајот и на учесниците во него. Тоа значи дека може да се вршат контроли и притоа да ги побара на увид документите на возачот, односно неговата возачка дозвола и сообраќајна дозвола.

Но, што доколку сте ги заборавиле документите дома, или едноставно до другата јакна. Тогаш полицијата ако ви ги побара а вие ги немате со себе, може да се случи да добиете казна. Се зависи од полицаецот, можете да минете и со опомена, но и со казна.

Според Член 317 од Законот за безбедност на сообраќајот на патиштата, kога управува со моторно возило, возачот е должен кај себе да има важечка возачка дозвола и возачка книшка и истите е должен да ги покаже на барање на полициски службеник.

Законот предвидува мандатен платен налог со глоба во износ од 100 евра во денарска противвредност во мандатна постапка и ќе му се издаде, односно ќе му се регистрираат 40 негативни бода согласно со одредбите од овој закон, на возачот кој постапува спротивно на одредбата од ставот 1 на овој член.

Вие можете тогаш да изберете, или да платите половина од глобата, значи 50 евра во рок од 8 дена. Или пак можете да впишете 40 негативни поени. Но, треба да внимавате, ако во рок од три години соберете вкупно 100 негативни поени, тогаш ќе морате одново да полагате. А тоа ќе ве чини и време и пари.

За да не дојде до тоа, прво морате да ги носите документите со себе. Тогаш е полесно се.

Лагите и конспирациите за Ковид 19, не ја поштедија ни починатата 24 годишна девојка од Тетово

Скандалозни лаги и инсинуации за начинот на кој била лекувана 24 годишната девојка која почина од компликации од коронавирусот на Инфективната клиника се шират на Фејсбук во групата антиваксери односно ,,Здравје на игла не влегува”. Постот понатаму е споделуван на повеќе други платформи а во него наводна пациентка за која се тврди дека наводно лежела во иста соба со девојката, обвинува дека на покојната не и била пружена адекватна лекарска помош.

„ГОЛЕМА ЛАГА ЗА ПОЧИНАТАТА 24 годишна девојка: Жена која лежела со неа во собата во болницата посведочи: девојката не почина од корона туку почина од крварење за кое не и беше пружена НИКАКВА лекарска помош!“, пишува во Фејсбук објавата.

Меѓутоа, оваа информација е лажна. Девојката не само што била лекувана со сите терапии и од страна на инфектолози и кардиолози, туку и за целото време на хоспитализацијата била во изолирана соба, сама, како што налага протоколот. Статусот на албански јазик кој е злоупотребен за лажната вест, инаку се однесува на 21 годишна девојка од косово

-Девојчето лежеше во еднокреветна соба па на интензивна нега каде е исто така еднокреветна собата, така да госпоѓата што го тврди ова, под услов да постои, треба да се срами. Жално е, изјави за Слободен печат директорката на Клиниката за инфективни болести и фебрилни состојби доктор Милена Стевановиќ.

За овој случај на смрт настаната од компликации со коронавирусот, кај младата пациентка од Тетово, ќе има дополнителни испитувања за да се утврди дали имала претходни коморбидитети, кои што во официјалниот медицински картон не биле познати.

Популарно