ФОТО: Македонија беше домаќин на BMW Football Importers Cup

Изминатиот викенд компанијата М Кар беше домаќин на настанот BMW Football Importers Cup, кој оваа година за прв пат се оддржа во Скопје, во Националната Арена Тоше Проески од 28.06.2019 до 30.06.2019.

Победник на натпреварот беше екипата на BMW Египет.

BMW Football Importers Cup 2019 во својата суштина е тим-билдинг настан, фудбалски натпревар за импортерите на BMW од регионот Африка, Карибите и Источна Европа. Овој настан веќе неколку години традиционално се оддржува во различна земја од овој регион. Оваа година се оддржа по четврти пат во Скопје, по организираните натпревари во Минхен, Загреб и Белград во изминатите три години.

На настанот присуствуваа претставници на највисокото раководство на BMW Group за регионот, имено д-р. Томас Рин, генерален директор на BMW Group за регионот: Африка, Карибите и Источна Европа, како и останати претставници на високиот менаџмент од BMW Group и импортерите на BMW.

Баварците се засилија со Кутињо

Баерн Минхен утрово го промовираше Филипе Кутињо како свое ново засилување. Кутињо  стигнува во Баварскиот гигант како позајмен играч, а доколку Баерн сака да го откупи неговиот договор следното лето ќе треба да платат 120 мил. евра.

-Баерн Минхен го комплетираше трансферот на Филипе Кутињо. Бразилецот ги помина медицинските тестови во неделата и го потпиша договорот. Тој ќе игра една година како позајмен играч од Барселона. Баерн Минхен има опција целосно да го откупи по истекот на позајмицата. Сите страни се договорија да не се објавуваат финансиските детали, стои во соопштението на Баерн.

-За мене овој трансфер значи нов предизвик, нова земја со еден од најдобрите клубови во Европа. Како и Баерн Минхен, и јас имам големи амбиции и уверен сум дека ќе ги остварам заедно со моите нови соиграчи, изјавил Кутињо.

Видео: Медведев го „реши“ Ѓоковиќ

102 минути му беа потребни на Данил Медведев за да се врати од работ на поразот и  да успеа да го победи светскиот рекет број 1 и актуелен шампион, Новак Ѓоковиќ, во полуфиналето на Мастерсот во Синсинати и стигна до второто Мастерс 1000 финале.

Русинот губеше со 6:3/3:2 и 30:40, но ја спаси таа брејк топка, за на крајот по час и 43 минути игра да го победи Србинот со 3:6/6:3/6:3. Светскиот рекет број 8 одигра фантастичен втор и трет сет, во кој не му дозволи на Ѓоковиќ да влезе во ритам и имаше 16 аса, најмногу што дозволил Ѓоковиќ годинава.

– Да бидам искрен не знам како го направив ова. Бев толку уморен во првиот сет, а играв против Новак. Потоа, еден момент во вториот сет го смени ритамот и добив енергија – изјави Медведев.

Ова е негово трето финале во низа откако во Вашингтон загуби од Ник Кирјос, а во Монтреал од Рафаел Надал. Противник вечерва во 22 часот ќе му биде Давид Гофан, кој со 6:3/6:4 го победи Ришар Гаске.

Ѓоковиќ имаше само пофални зборови за својот противник.

-Мислам дека одиграв добар меч. Можеби во третиот сет можев да бидам малку подобар, но кога имаш противник кој сервира со 200 на час и не прави многу грешки, мораш само да му честиташ. Тој одигра фантастичен меч и не можев да направам многу. Данил оди кон топ 5 и дефинитивно е еден од најдобрите тенисери на турнејата. Многу е подобрен од Австралија опен минатата година. Неговиот форхенд е подобар, неговото движење исто така – изјави Ѓоковиќ.

Дали кралскиот клуб се „откажува“ од најголемото засилување

Репрезентативецот на Српската репрезентација, Лука Јовиќ, не го убеди тренерот на Реал Мадрид, Зинедин Зидан дека е подготвен да игра за клубот, јавуваат Шпанските медиуми.

Наводно, младиот напаѓач не ги исполнувал очекувањата на подготвителните игри, па може да биде „даден„ на позајмица.

Порталот Дон Балон пишува дека Јовиќ не гледа негативно во можноста да ја помине следната сезона во клуб каде би имал сигурна минутажа.

Популарно