ФОТО: Ангела Меркел не може да стои?

Германската канцеларка Ангела Меркел и данската премиерка Мете Фредериксен денеска седеа за време на интонирањето на химните во Берлин, еден ден после најновиот случај во кој беше забележано како ѝ се тресе телото на Меркел.

Меркел заедно со нејзината гостинка седеше пред зградата на Владата во Берлин, што е невообичаено и против протоколот за време на вакви државни церемонии кога мора да се стои за време на интонирањето на химните.

Канцеларката вчера по трет пат имаше треска додека на истото место стоеше со финскиот премиер, па денес било одлучено за време на интонирањето на химните, наместо да стои, Меркел заедно со својата гостинка да седи.

Меркел за прв пат беше забележана како неконтролирано се тресе за време на состанокот со новиот украински претседател Владимир Зеленски на 18-ти јуни, а потоа и на 27-ми јуни на свеченоста со германскиот претседател Франк-Волтер Штајнмајер.

Италија ја затвори границата за Македонците

Се зголемува листата на држави кои го забрануваат влезот на македонските државјани во нивната земја.

Последната во низата е Италија која ги затвори своите граници за 13 земји, а меѓу кои е и Македонија, а ги сметаат најризични места за ширење на коронавирусот.

Забраната за влез во Италија и на Ерменија, Бахреин, Бангладеш, Бразил, БиХ, Чиле, Кувајт, Молдавија, Оман, Панама, Перу и Доминиканската Република, објави министерството за здравство.

Епидемијата е глобално во најакутна фаза. Не можеме да ја загрозиме жртвата која Италијанците ја поднесоа во последните месеци – рече министерот за здравство Роберто Сперанза.

На граница ќе се блокираат и луѓето кои биле или транзитираат низ тие земји во последните две недели, додаде тој. Суспендирани се и директните и индиректните летови со тие држави.

Пандемијата и натаму се забрзува и не е под контрола

Пандемијата на коронавирус и натаму се забрзува, а повеќето земји сè уште не успеале да ја стават под контрола, предупреди денеска директорот на Светската здравствена организација, Тедрос Аданом Гебрејесус.

Тој посочи дека од над 11,8 милиони случаи во светот, колку што биле пријавени во таа организација, половина биле потврдени во изминатите шест недели.

Гебрејесус оцени дека пандемијата открила нееднаквости, на глобално ниво и во одделни земји, како во медицинскиот систем, така и пошироко во општеството, пренесува „Гардијан”.

– Вообичаено се вели дека заразните болести не знаат за граници. Тие не се грижат за политичките разлики ниту оние меѓу здравството и економијата, животот и опстанокот. Пандемијата на Ковид-19 ги избриша сите, рече Гебрејесус. 

Бергамо по 137 дена борба со коронавирусот прогласи победа

Болницата „Папата Јован Тринаесетти“ во Бергамо, која важеше за најголемиот оддел за интензивна нега во Европа, вчера го отпушти и последниот пациент со ковид-19. На тој начин, по цели 137 дена, во болницата веќе нема лица кои се лекуваат од коронавирусот.

„Извојувавме победа. Отпуштањето на последниот пациент беше проследено со многу емоции. Конечно сите медицински лица можат да облечат нормални униформи, зашто одделот за интензивна нега е ослободен од ковид-19. Одделот од денеска може да се посвети на пациенти со други патологии“, изјави генералната директорка на болницата, Марија Беатриче Стази.

Бергамо и северниот италијански регион Ломбардија беа првото големо жариште на коронавирусот во Европа и болницата „Папата Јован Тринаесетти“ го прими првиот пациент на 23 февруари. Само во Бергамо имаше околу 6.000 жртви на ковид-19, а во најкритичните денови, 100 пациенти истовремено беа приклучени на респиратори и за нивните животи се бореше персонал од 400 медицински лица.

извор: https://sdk.mk/

Популарно