Заев: Бројчаникот ќе заврти - за почеток 20 милиони евра

Конфискацијата од фирмата на Кочан ќе го заврти бројчаникот, очекуваме решение од судот за близу 20 милиони евра, рече премиерот Зоран Заев во синоќешното гостување на ТВ Клан.

-Трансмет 18 милиони евра од Кочан, други одлуки 2 милиони, судот кога ќе донесе конечна пресуда, бројчаникот ќе заврти, рече Заев.

Полицијата во текот на ноќта и утрово растурила две домашни забави во Скопје

Полицијата во текот на ноќта и утрово растурила две домашни забави во Скопје при што се приведени 13 лица бидејќи се собирале и покрај забраната која е во сила како дел  од мерките за спречување на ширењето на Ковид-19.

Едната забава како што соопшти МВР била во стан на улица „Рајко Жинзифов“ каде било пријавено дека има гласна музика, нешто подоцна пред 3 часот наутро полицијата со судска наредба извршила контрола и привела 8 лица на возраст од 25 до 35 години меѓу кои и сопственикот на станот.

Во истиот период во иста таква акција на улицата „Елисије Попоски“ интервенирале Единицата за внатрешни работи - Центар и Интервентната полиција каде имало домашна забава на која присуствувале 5 лица, 4 од Скопје и едно од Битола. Сите се приведени. 

Против сите 13 лица ќе биде поднесена пријава по член 206 од КЗ за непостапување според здравствените прописи за време на епидемија.

Ова не е прв пат. Само последните 2 месеци полицијата да растури домашни забави со повеќе лица кои се забранети поради пандемијата. 

Синоќа е приведен и сопственик на угостителски објект во тетовско Горно Седларце. Полицијата во неговиот локал затекнала 29 гости по дозволеното работно време. Објектот е времено затворен а сопственикот ќе добие кривична пријава.

Од МВР соопштија дека вчера изрекле 306 парични казни за неносење на заштитна маска.

Костадинов: Оние кои сакат децата крв да ви плукаат – фотошопираат, злоупотребуваат медиуми и лажат

 Оние кои сакат децата крв да ви плукаат, денес фотошопираат, злоупотребуваат медиуми и лажат дека сум купил вила, објави портпаролот на СДСМ, Костадин Костадинов на Твитер, реагирајќи на објавата на лидерот на Левица, Димитар Апасиев на Фејсбук –  „Децата крв ќе ви плукаат”.

– Оние кои сакат децата крв да ви плукаат, денес фотошопираат, злоупотребуваат медиуми и лажат дека сум купил вила. Го жалам Димчето Апасиев-Мали Трамп. Тонете фејкери, напиша Костадинов на Твитер.

Претходно денеска и портпаролката на СДСМ, Богданка Кузеска на прес-конференција ја осуди објавата на Апасиев, оценувајќи како скандалозна, екстремна и заканувачка.

– Скандалозна, екстремна и заканувачка порака испрати лидерот на Левица, на својот Фејсбук профил кој подоцна го избриша. „Децата крв ќе ви плукаат”, е пораката што Димитар Апасиев и раководството на Левица им ја упаќаат на граѓаните. И покрај тоа што Апасиев се обиде да ја сокрие од социјалните мрежи, ништо не може да ја избрише оваа радикална изјава полна со омраза, наведе Кузеска.

Нагласувајќи дека „говорот на омраза е неприфатлив“, Кузеска додаде дека тој е еднакво присутен како и ширењето дезинформации и лаги, зад кои се крие истата цел – поделба на граѓаните, дискредитирање и тоа сее само заради партиски и лични интереси.

Приведен родител за запуштање и малтретирање на малолетно дете

На 15.01.2021 полициски службеници од Единицата за внатрешни работи Карпош, по претходно добиени сознанија и со наредба од истражен судија, а во присуство на претставници од Првата детска амбасада „Меѓаши“ и од Меѓуопштинскиот центар за социјална работа Скопје, влегле во домот на Н.К. на подрачјето на Карпош, каде што биле затекнати Н.К.(44) и нејзината 16-годишна ќерка. Притоа било констатирано дека малолетничката била подолго време заклучувана во домот и не добивала соодветна нега од родителот.

На малолетничката веднаш ѝ е пружена соодветна помош и истата е сместена во здравствена установа, каде што е згрижена, а по службена должност ќе ѝ биде определен старател. Н.К. е приведена во полициска станица, а на 16.01.2021 е пренесена во психијатриска установа „Бардовци“, каде е задржана до понатамошна постапка.

Сите преземени мерки се извршени со судска наредба, а за настанот е известен надлежен Јавен обвинител. Против Н.К. првично ќе биде поднесена кривична пријава по чл.140 став 5 и по чл.201 од Кривичниот законик, а се преземаат и дополнителни мерки и активности.

Популарно