Скопјанец купил малолетничка за да ја ожени

Надлежен обвинител од Основното јавно обвинителство за гонење на организиран криминал и корупција до Основниот кривичен суд Скопје достави Обвинителен акт против едно лице за сторено кривично дело – Трговија со дете од член 418-г став 1 во врска со став 22 од Кривичниот законик. Воедно, до Советот за деца при Основниот кривичен суд Скопје е поднесен Предлог за примена на санкција спрема деца во судир со законот над 16 години за истото кривично дело.

Обвинетиот, македонски државјанин, во април годинава со намера да се ожени, ја купил петнаесетгодишната жртва за сума од 1600 евра од нејзиниот малолетен роднина, иако знаел возраста на девојчето. Малолетникот ја подвел својата петнаесетгодишна роднина на претходно договорен присилен брак, со измама ја земал и ја однел на договореното место. Осомничениот ја исплатил побараната сума и употребувајќи физичка сила, психолошко насилство и обид за обљуба го повел со себе девојчето кое пружало отпор. Жртвата искористила прилика и во погоден момент избегала и се јавила на своите родители.

Заедно со обвинението, надлежниот јавен обвинител до судот достави и предлог за продолжување на претходно определената мерка притвор за обвинениот.

Судијката која му судеше на Заев за Поткуп ќе суди за трагедијата кај Ласкарци

Судијката која му судеше на премиерот Зоран Заев за случајот Поткуп, ќе го води судењето за трагедијата кај Ласкарци на 5 септември годинава.

Диана Груевски Илиевска која му беше заменичка на кспретседателот на Судот Владимир Панчевски и кратко го судеше и Заев, ќе го води рочиштето за автобусот на Дурмо Турс кој излета од патот, а за што има обвинение против вработен во фирмата, возачот и уште три лица, пренесе А1.он.

Загинаа 16 лица, 38 беа повредени.

Почина 15 годишно момче

Петнаесетгодишно дете од кумановското село Љубодраг вчера се удавило во реката Пчиња во селото Шупли Камен.

Несреќата, како што објави Куманово њус, се случила околу 16 часот, кога детето заедно со своите другарчиња влегло да се капи во еден од вировите длабок околу 3,5 метри. Притоа го повлекла водата и пропаднало.

Луѓето кои биле со него се обиделе да го пронајдат, но безуспешно.

Веднаш била известена полицијата која пристигнала и заедно со мештаните ја започнала потрагата.

По еден час било извадено безживотното тело на несреќното момче. Увид на лице место извршила полицијата и јавен обвинител.

ВИДЕО: Родилка koja почина на ГАК минатиот викенд била невеста

Родилка од Македонска Каменица почина вчера наутро на Клиниката за гинекологија и покрај двочасовните обиди за реанимација од страна на лекарите.

Масивна тромб емболија поради што дошло до попуштање на срцето но и белите дробови најверојатно е причината за смртта на 27 годишната жена, која во многу тешка состојба со Брза помош била донесена на ГАК, јави Сител.

-Имала потешкотии со одењето, лесно се заморувала, и тоа 5-6 дена, мисела дека е нормално, беше многу топло а викендот и била невеста и мислеле дека од тоа се заморува, но не било така. Од првичните испитувања најверојатно масивна тромб емболија со декомпензирано срце е причината за смртта, вели др. Викторија Јовановска директор на ГАК.

Се апелира сите трудници за било какви потешкотии и болки да се обратат на лекар.

Популарно