ФОТО: Што се случува со младите, вчера кај Универзална Сала без сведок на случка

Скопје

на 8.2019

Пред неколку вечери, во близина на Универзална Сала бев сведок на една случка, многу проблематична и предупредувачка. Друштво од две момчиња и две девојчиња од 16, 17 години, бучно се расправаа на улица. Го загледав едното момче, високо, силно, спортски тип, го препознав, син на угледни родители. Татко му е познат лекар.

Почна да се закача со девојчето до себе, физички, прво делуваше како шега, но кога видов како силно ја удри по тилот, таа вресна и му рече- Доста, ќе те пријавам во полиција! Тој се тргна од нејзе па се упати кон другото девојче да ја удира со клоци.

Второто момче не реагираше воопшто, ми делуваше дека овој начин на комуникација им е нешто вообичаено. НАСИЛСТВО. НАСИЛСТВО БЕЗ ПРИЧИНА, ОД ДОСАДА.

Не, ниту едно насилство не е без причина. Зошто е во пораст насилството кај децата? Додека ова бизарно општество се бања во криминал, додека телевиизиите блујат секоја вечер – ПРИВЕДУВЊЕ, АПСЕЊЕ, КРИВИЧНИ ДЕЛА, СУДНИЦИ, ЛИСИЦИ, РЕКЕТ, ПОТКУП, МАФИЈА, КРАЖБИ. Додека вие како родители слатко си ќаскате за корупцијата, за Вмро, за Сдсм, за федерализации, за освета, за затвори, за поделби, за криминалци, за бесење на плштад, за Никола, Зоки, Али, тие се на улица или бленат во компјутерот.

Не зборуваат за Шекспир, за Превер, Маркес, за добра музика, за своите соништа, за љубовта. Тие се оставени сами да СОЗДАДАТ СЛИКА ЗА МОРАЛОТ. САМИ! НЕ СТЕ ИМАЛЕ НИТУ ЖЕЛБА, НИТУ ВРЕМЕ ДА ИМ ОБЈАСНИТЕ ЗА ВЕЛИЧЕСТВЕНОСТА НА ЖИВОТОТ, ЗА УМЕТНОСТА НА ЉУБОВТА, ЗА СОЛИДАРНОСТА, ЕМПАТИЈАТА. Вам не ви значи ништо од ова. Ги бркате од себе, не им објаснувате дека има длабоки класни разлики во општеството., затоа што за вас сиромаштијата е болест.

Ги фрлате во бездна сопствените деца, затоа што немате никаква желба вие да излезете од таа состојба. СВЕСНИ ЛИ СТЕ КОЛКУ ИМА ДЕЛИКВЕНТИ ВО АЕРОДРОМ, ЧАИР, ЦЕНТАР, КАРПОШ? СВЕСНИ ЛИ СТЕ ДЕКА МОЖЕБИ ВАШЕТО ДЕТЕ Е ЕДНО ОД НИВ? ИЛИ, ПОД ТЕПИХ ЌЕ ГО ФРЛИТЕ И ТОА ШТО ГО НАСЕТУВАТЕ? ДА, ЌЕ ГО ФРЛИТЕ ПОД ТЕПИХ НАСИЛСТВОТО КАЈ СВОЕТО ДЕТЕ.

Вчера беше убиено дете, од друго дете.Само пред 16 години проодел, пред 15 прозборел, пред две завршил основно школо. Цел живот бил пред ова дете. ЦЕЛ ЖИВОТ. ВИНАТА ЗА ТОА ШТО НЕМА ДА ЧУКА ПОВЕЌЕ ОВА МЛАДО СРЦЕ Е НА ЦЕЛОТО ОВА ВАЛКАНО ОПШТЕСТВО) ПОЛНО СО ЛУЃЕ. ЗАТВОРЕНИ ВО СЕБЕ, ПОЛНИ СО ГНЕВ, ОМРАЗА, ОДМАЗДА, ВАЛКАНА ПОЛИТИКА, ШИЗОФРЕНИЈА.

Фејсбук статус на Ана Глигорова.

(Фото) Патниците во оваа скопска населба наоѓале мир и си ја враќале силата

Скопје

пред 3 дена

Приказната за општината Kисела Вода е дека кон крајот на 18 век, на источната страна на денешната општина Kисела Вода, се откриени извори на минерална, кисела вода, кои бликале под карпата на поранешен каменолом.

Патниците таму наоѓале мир и си ја враќале силата за патот што ги очекувал, па полека почнало да се раскажува дека водата е лековита и има исцелителска моќ. Подоцна населението изворот го регулирал со три чешми. До него се изградени црквите „Свети Ѓорѓија“ и „Свети Никита“, а општината почнала да се вика Kисела Вода.

Кисела Вода е  општина во градот Скопје. Зафаќа површина од 46,86 км2 и се простира во југоисточниот дел на Скопската котлина. Таа се граничи со општина Центар како и со ноформираните општини Аеродром, Студеничани и Сопиште. Според податоците од последниот попис на територијата на Општина Кисела Вода има вкупно население од 58.216 жители од кои 91,2% се Македонци. На територијата на општината функционираат 13 месни заедници.

Во рамките на општината егзистираат повеќе спортски клубови кои успешно се натпреваруваат во сите македонски лиги. Во границите на Општина Кисела Вода постојат повеќе цркви и манастири кои се главна туристичка дестинација во овој регион.

Водата од водоснабдителниот систем на град Скопје е санитарно исправна и може непречено да се користи

Скопје

пред 9 месеци

Мониторингот опфати девет клучни места и тоа во Автокоманда, Сингелиќ, Маџари, Ново Лисиче, Центар, Драчево, Пржино, Ѓорче Петров и Карпош од каде беа земени примероци од водата за пиење врз кои беше изведено физичко-хемиско и микробиолошко лабораториско тестирање.

-Сакаме да ја информираме јавноста дека од добиените резултати сите примероци физичко-хемиски и микробиолошки ОДГОВАРААТ на Правилникот за барање за безбедност и квалитет на водата за пиење (Службен весник на РМ бр.183/18), со што констатиравме дека водата од водоснабдителниот систем на град Скопје е санитарно исправна и истата може од страна на граѓаните непречено да се користи, информираат од ЈП „Водовод и канализација“ Скопје. 

Покрај теренските мерења на рутинските параметри, тестирање беше изведено со стандардни методи и јонска хроматографија за физичко-хемиската анализа, како и со полимераза верижна реакција метода за микробиолошката анализа.

Вчера беше извршена санацијата и реконструкцијата на градскиот водовод во Скопје, во која учестуваа повеќе од 160 лица технички персонал на ЈП Водовод и канализација, како и 150 административен персонал.

Градоналничката на Град Скопје, Данела Арсовска, по санацијата изјави дека станува збор за модернизација што за првпат се случува во повеќе од 50, односно скоро 60 години во градот Скопје.

Поради овој сложен оперативен план за санација на главниот цевковод поголем дел од Скопје вчера беше без вода од околу 2 часот, се до санирање на дефектот околу 14 часот, по што започна со постепено полнење на магистралниот цевковод на градот.

Популарно