Трендо се изнервира: Значи, да, ружно ви е името. И лажно ви е. Глупи едни

Пред неколку дена Офф.нет.мк, објави фотографија од визиткартичка на градоначалничката од Битола, на која името на нашата држава е Република севрно од Македонија. Следувал демант, по што... прочитајте сами:

Општина Битола:

Ги замолуваме медиумите кои веќе ја објавиле визит картата да ја демантираат веста и да ја објават реакцијата на општината и сликата со реалната визит карта.

По објавувањето на демантот, со нормална доза лутење, му пишавме на читателот кој ни ја испрати фотографијата:

Веројатно виде дека имаше демант и ние го објавивме. Ај сега објасни ми што ти беше “финтата”.

т.

Еве го неговиот одговор:

Трендо, визит картичката е лично од неа дадена на моја позната личност пред извесно време. Така што, таа може да демантира до наредната година и веројатно да прават очајничка брзопотезна промена в компјутер, колку да се "извадат" од калта... Обострана е, двете лица ѝ се на англиски јазик со истите грешки...

Дуки

И, тоа е тоа. Кој сака, слободно нека ѝ верува на општината. Ние сепак би повеќе да му веруваме на читателот. Главно затоа што во минатото неспоредливо пати повеќе сме се осеќале заебани од политичари отколку од читатели. И затоа што таа и нејзините служби не се први кои го грешат криминално натуреното име. А Заев не може да стигне секаде и да ги поправа.

А глупите кои едвај дочекаа да рипнат со драматики (трендо шири лажни вести, офф.нет го пробија дното и слични мелодрамски патетики), нека одат да шмирглаат шахти.

Името ви е го сменија со лажни вести (нема да го менуваме уставот и нема да биде ерга омнес) ама визитката на битолчанката сега ви е клучна дефиниција за „лажни вести“. Некој меѓу вашето „норт“ и нашето „маседонија“, подмолно додал „оф“. Уау!!  Оти па без „оф“ ви е многу убаво па некој треба „да му црта мустаќи“ за да го нагрди.

Значи, да, ружно ви е името.

И лажно ви е.

Глупи едни.

Офф,

Трендо

Викендов дијалог на македонски и бугарски новинари против предрасудите

„Викенд на дијалог – новинари против предрасудите" е новинарска иницијатива за зголемена меѓусебна комуникација и размена на информации на новинари од соседни земји со цел јакнење на професионалното новинарство контра лажните вести.

Целта е да и се даде можност на комуникацијата и соработката како единствена здрава основа за рушење на предрасудите и стереотипите и градење на меѓусебна доверба.

Идејата е новинари од соседни држави, еден викенд меѓусебно да разговараат, без какви било посредници, за состојбата во медиумите, креирањето на информациите, како и да лоцираат точки кои предизвикуваат емоции во известувањето.

Новинарството или националната припадност? Што е поважно во креирањето информации? Можат ли новинарите да го победат говорот на омраза?

Првиот „Викенд на дијалог“ е организиран во соработка со новинари од Бугарија, кои ќе бидат гости во Охрид. На првиот Викенд на дијалог ќе присуствуваат седум новинари од Бугарија од релевантни медиуми и седум новинари од релевантни медиуми од Македонија.

Носител на иницијативата е Здружението за промоција на дијалогот, толеранцијата и човековите права „Медиум“ – Скопје, а поддржан од Амбасадата на Република Бугарија во Скопје.

Cyдот реши: Дали Боки 13 и Кичеец изглегуваат од Шутка?

Судот им го продолжи притворот за уште 30 дена на Бојан Јовановски – Боки 13 и Зоран Милески – Кичеец, кои се осомничени во случајот „Рекет“.

„Кривичниот совет на Одделението за гонење организиран криминал и корупција при Основниот кривичен суд Скопје денеска постапувајќи по предлог на надлежниот јавен обвинител за продолжување на мерката притвор против Б.Ј. и З.М. донесе решенија со кои предлогот на обвинителството се уважува и мерката притвор се продолжува за нови 30 дена“, соопшти кривичниот суд.

Против овие решенија странките имаат право на жалба до Апелациониот суд Скопје.

Јовановски и Милески се во притвор од 16 јули. Ти се осомничени за примање поткуп и перење пари во истрага на Обвинителството за организиран криминал и корупција.

ФОТО: Училишните дворови преплавени со расфрлани летоци со македонската химна

Расфрлани летоци по основните училишта со македонските химни.

Македонската јавност, особено родителите на децата кои посетуваат основно училиште овие денови се гневни на власта која ги злоупотребува децата за политички цели.

Имено откако во јавноста се појавија информации дека власта се откажала од македонската химна во учебниците јавноста се крена на нозе.

По острата реакција на јавноста денеска во неколку основни училишта во Скопје беа расфрлени летоци со македонската химна, алудирајќи на властите да не ја забрануваат химната во училиштата, особено на првачињата кои за прв пат ќе се сретнат со неа.

Популарно