Товарен воз удри во маж кај железничка станица Илинден

Маж се здобил со тешки телесни повреди откако во него удрил товарен воз кај железничката станица Илинден.

-Синоќа во 02:30 часот по полноќ на железничката станица Илинден, товарен воз кој сообраќал на релација Табановце – Трубарево - Гевгелија удрил во едно лице. Лицето, кое е најверојатно мигрант, се здобило со тешки телесни повреди и било пренесено во Комплексот клиники „Мајка Тереза“. Увид на местото на настанот извршила увидна екипа од СВР Скопје - информира МВР.

ВИДЕО: 15 лица загинати во судир на возови

Најмалку 15 лица загинаа, а голем број се повредени, откако два меѓуградски воза се судрија во источен Бангладеш, соопштија денеска полицијата и спасувачите, јави ДПА.

Несреќата се случила околу 3 часот утринава, по локлано време, во областа Брахманбарија, на околу 80 километри источно од главниот град Дака, за агенцијата изјави полицискиот службеник Шајмал Канти Дас.

Девет тела се пронајдени на местото на несреќата во близина на железничката станица Мондобаг, изјави Хајат уд-Давла Кан, главен администратор на областа. Другите лица, меѓу кои многу повредени, биле пренесени во локалните болници, каде починале од здобиените повреди.

-Неисправната сигнализација може да е причина за несреќата – изјави Кан телефонски за ДПА од местото на настанот, додавајќи дека железничкиот оддел веднаш почнал истрага за несреќата, во која ќе треба ги утврди причините кои доведоа до неа.

Бројот на жртвите може да се зголеми, бидејќи во инцидентот има над 100 поврдени лица, изјави претставникот на локалната самоуправа Масуд Ул Алам.

Прегазен пешак на патот Крива Паланка - Куманово

Вчера во 15.40 часот на магистралниот пат Крива Паланка - Куманово, патничко моторно возило „мерцедес“, со кривопаланечки регистарски ознаки, управувано од Д.И.(60) од с.Борово, удрило во пешакот С.А.(67) од с.Градец, кривопаланечко.

Во незгодата, Д.И. се здобил со тешки телесни повреди и бил пренесен во Комплексот клиники „Мајка Тереза“ во Скопје, каде околу 18.55 часот починал.

Извршен бил увид на местото на настанот од екипа на Полициската станица Крива Паланка.

ТАЖНА ВЕСТ: Почина српскиот актер Бранислав Петрушевиќ

Актерот Бранислав Петрушевиќ почина вчера ( 09.11. 2019) на 65 години, а веста за неговата смрт ја потврди неговиот син Марко Петрушевиќ.

„Вчера беше на слава, па чувствуваше мака. Мислевме дека е од храна, па испи сода бикарбона за да го исчисти желудникот. Меѓутоа, не се чувствуваше подобро. Почина денес“ изјави неговиот син Марко. Неговата сопруга била последните минути со актерот.

„Беше на слава и ми рече дека ќе намине во обложувалница. Рече дека изел повеќе и дека не му е нешто најдобро. Во обложувалницата му се слошило и викнале брза помош.Таму констатирале дека притисокот му е нормален и си заминале – вели Нада и раскажува што се случило дома:

„Тој се врати и рече дека желудникот не може да му ја свари храната. Му дадов сода бикарбона и кога утредента се разбуди беше се во ред. Но, кога стана рече дека му се врти и ме замоли да му го масирам вратот бидејќи го болел. Потоа се смеевме, па земав да му читам една книга. Но, наеднаш почна тешко да диши, но ја мислев дека се шегува како што знаеше претходно така да направи. По неколку секунди престана да диши,  почнав да му правам реанимација, но набргу пожолте. Кога дојде Брзата помош го реанимираше 20 минути, но не успееја да го вратат во живот. За десет секунди го загубив сопругот, не можам да верувам – објасни сопругата на Петручи.

Популарно