СТРАШНО: Висока концентрација ПМ 10 честички утринава во Гази Баба

Концентрацијата на ПМ10 канцерогените честички утрово во Гази Баба изнесуваше смртоносно високи 998 микрограми, сепак од Министерството за животна средина велат дека се работи за грешка.

Податоците од мониторинг станицата за квалитет на амбиенталниот воздух во Гази Баба во текот на изминатите пет часа се невалидни поради замена на потрошен дел, информираат од Министерството за животна средина и просторно планирање.

-Министерството за животна средина и просторно планирање ја информира јавноста дека поради технички зафат врз инструментот за мерење на суспендирани честички со големина до 10 микрометри од Автоматската мониторинг станица за квалитет на амбиентен воздух во Гази Баба, односно замена на потрошен материјал (филтер во облик на лента) преку која се врши отчитување на мерените концентрации, податоците од 06:00 до 11:00 часот на 09.11.2019 година се невалидни, наведуваат во соопштението.

Оттаму додаваат дека тие не се одраз на извршени мерења, туку на соодветен код од инструментот кога истиот има недостаток. Појаснуваат дека е извршена замена на потрошниот материјал и грешката во инструментот е отстранета.

Инструментот е пуштен во работен режим, додека податоците од наредните извршени мерења на концентрацијата на ПМ 10 ќе бидат достапни од 13:00 часот.

Куманово ја доби првата жена командир На полициска станица во македонија

Зорица Вукановиќ (36) е прва жена која ќе раководи со полициска станица во државата. На предлог на министерот Спасовски, а со поддршка на Советот на Општина Куманово, таа е избрана за командир на Полициската станица од општа надлежност во Куманово.

„СВР Куманово ги следи насоките и современите текови за родова еднаквост во МВР и токму затоа предложивме жена за командир на полициска станица за општа надлежност. Се работи за исклучително квалитетен, одговорен и совесен професионалец, која уште попосветено ќе работи на новото работно место“, изјави началникот на СВР Куманово Стојанче Величковиќ.

До Советот од МВР беа доставени три предлози, двајца мажи и една жена. Советниците тврдеа дека сите кандидати се добри, но предност ѝ дадоа на полицајката.

„Најголеми пофалби за нејзината професионална работа, нејзиниот потенцијал, непристрасноста во вршењето на службата и за нејзината чесност. Нејзината дистанца од партиски влијанија покажува дека сите граѓани ќе имаат еднаков третман и ќе се почитуваат нивните права и безбедност. Ова е историски момент за нашата земја“, рече на седницата советникот Миле Андоновски од Партијата на пензионерите, поранешен началник на СВР Куманово.

Вукановиќ дипломирала криминалистика на Факултетот за безбедност во Скопје. Досега работела како инспектор по семејно насилство и малолетничка деликвенција, а кариерата ја градела 16 години на повеќе работни места во службата во СВР Куманово.

Доаѓа на местото на Игор Митевски, кој е назначен за началник на Одделот за полиција при СВР Куманово.

Советниците на коалицијата на ВМРО-ДПМНЕ ја напуштија седницата додека се гласаше за изборот на новата командирка.

Извор - Сдк.мк

Шилегов се посрамоти на ТВ: Сарафов го убил Ѓорче Петров, иако е ликвидиран 14 год. пред него

Перверзијата на вашето владеење, во лудилото, во општина Ѓорче Петров, општина наречена по еден од нашите најголеми револуционери, да ставите една улица која се вика „Борис Сарафов“, човекот што го убил Ѓорче Петров, вие му дадовте улица. Г-дине Трајановски, кои пораки ги пративте вие кон јавноста, истакна Шилегов во своето гостување во Само Вистина.

Инаку, Борис Сарафов е убиен во 1907 година од Тодор Паница, а Ѓорче Петров пак е убиен во 1921 година, така што Сарафов не бил во можност таа 1921 година да го застрела Ѓорче...

Видео: Борисов објави видео од средбата со Мицкоски: Ќе го почитувате договорот за добрососедство, или не!?

Христијан Мицкоски, лидерот на ВМРО-ДПМНЕ, во Загреб на Конгресот на Европската народна партија оствари средба со бугарскиот премиер Бојко Борисов, но она што остави впечаток е тоа дека претседателот на сестринската ГЕРБ објави видео од почетокот на состанокот на кој со сериозен тон го распрашува првиот човек на најголемата опозициска партија во Македонија. 

На прашањата дали ВМРО-ДПМНЕ има намера да ја турка Македонија кон НАТО и ЕУ и да го почитува договорот за добрососедство, Мицкоски му одговара на Борисов речиси потврдно.

- Сакам да кажам, кога Бугарија влегуваше во ЕУ - и комунисти, и либерали и десни - имаше народен консензус за тоа дека патот на Бугарија е во НАТО и ЕУ. Затоа многу ми е важно да знам што мисли нашата сестринска партија за Северна Македонија и НАТО, рече Борисов пред Мицкоски.

На ова Мицкоски му одговара дека за тоа нема дилема и дека неговата партија уште во 1991 била ориентациски кон ЕУ и НАТО, додека „комунистите се колнеле во Белград и Москва“.

- Многу е важно да го знаеме тоа, да се слушне јасно. Вие го поддржувате ли договорот за добрососедство со Бугарија. Не се знае кој ќе победи утре на изборите - ВМРО-ДПМНЕ или социјалдемократите, вели потоа Борисов.

„Се што може да биде позитивно и за двете страни , и за Македонија и за Бугарија, тука исто така не треба да има дилема“, рече Мицкоски.. 

Тој на средбата беше придружуван од Тимчо Муцунски, Влатко Ѓорчев и Александар Николовски.

Популарно