Замина тивко во ноќта без глас-јавноста вечно ќе го памети

На денешен ден пред седум години почина македонскиот актер Владимир Ангеловски- Дади.

Актерот почина по кратко боледување на 66 годишна возраст, а зад себе остави стотици и стотици изиграни претстави, незаборавни ликови, како и познати улоги во македонските народни приказни.

Јавноста ги памети и огромениот е бројот на улогите во кои се појавува Дади, од детските серии и драми, па сѐ до сериозни улоги во повеќе значајни македонски филмови, серии и драми.

Незаборавни се и ликовите Диди и Дади што ги играат Дади и неговиот брат Коле Ангеловски во ТВ-серијата „Да видам, да видам што да бидам”. Исто така, Дади се појавува и во оперите на МНТ „Шеќерна приказна“ и „Деспина и мистер Докс“. Во 1967 година игра во психолошкиот филм „Мементо“ во режија на Димитрие Османли, а во 1988 игра една од главните улоги во филмот „Викенд на мртовци”. Понатаму следуваат улогите во филмовите „Солунски патрдии” , во режија на Коле Ангеловски, „Калигула” во режија на Миле Гроздановски, „Рибарски караници”, серијата „Лото, лото” исто така во режија на Коле Ангеловски, во претставите „Мефисто”, и „Дунек”, со кои заработува и некои од своите многубројни награди. Тука се и сериите: „Агенција осамени срца”, „Училиште за кловнови”, „Трст виа Скопје”, „Битолски лакрдии” и многу други.

Лагите и конспирациите за Ковид 19, не ја поштедија ни починатата 24 годишна девојка од Тетово

Скандалозни лаги и инсинуации за начинот на кој била лекувана 24 годишната девојка која почина од компликации од коронавирусот на Инфективната клиника се шират на Фејсбук во групата антиваксери односно ,,Здравје на игла не влегува”. Постот понатаму е споделуван на повеќе други платформи а во него наводна пациентка за која се тврди дека наводно лежела во иста соба со девојката, обвинува дека на покојната не и била пружена адекватна лекарска помош.

„ГОЛЕМА ЛАГА ЗА ПОЧИНАТАТА 24 годишна девојка: Жена која лежела со неа во собата во болницата посведочи: девојката не почина од корона туку почина од крварење за кое не и беше пружена НИКАКВА лекарска помош!“, пишува во Фејсбук објавата.

Меѓутоа, оваа информација е лажна. Девојката не само што била лекувана со сите терапии и од страна на инфектолози и кардиолози, туку и за целото време на хоспитализацијата била во изолирана соба, сама, како што налага протоколот. Статусот на албански јазик кој е злоупотребен за лажната вест, инаку се однесува на 21 годишна девојка од косово

-Девојчето лежеше во еднокреветна соба па на интензивна нега каде е исто така еднокреветна собата, така да госпоѓата што го тврди ова, под услов да постои, треба да се срами. Жално е, изјави за Слободен печат директорката на Клиниката за инфективни болести и фебрилни состојби доктор Милена Стевановиќ.

За овој случај на смрт настаната од компликации со коронавирусот, кај младата пациентка од Тетово, ќе има дополнителни испитувања за да се утврди дали имала претходни коморбидитети, кои што во официјалниот медицински картон не биле познати.

Сопругата на претседателот Пендаровски, Елизабета Ѓорѓиевска ќе биде во избирачки одбор за гласање на болни од КОВИД-19

Сопругата на претседателот Стево Пендаровски, Елизабета Ѓорѓиевска, ќе биде во избирачки одбор за гласање на лица болни од КОВИД-19 и граѓани кои се во самоизолација, објави СДК.

Ѓорѓиевска, редовен професор на Стоматолошкиот факултет и раководител на Катедрата за детска и превентивна стоматологија, е избрана по случаен избор како медицинско лице, кое треба да биде дел од избирачките одбори.

На овие предвремени парламентарни избори поради пандемијата на КОВИД-19,  болните ќе гласаат два дена, така што во понеделник ќе се спроведе гласање за лица позитивни на коронавирус и оние кои се во изолација, додека во вторник ќе гласаат болни и изнемоштени лица.

Каква порака му праќа Јохан Тарчуловски на Мицкоски: наместо во кампања, се бања на Свети Наум

Кандидатот за пратеник од ВМРО-ДПМНЕ од ИЕ.3 Јохан Тарчуловски, е забележан на плажа во Свети Наум Охрид. На последниот ден од кампањата за парламентарните избори каде што и самиот Тарчуловски е кандидат за пратеник, тој, одлучил да ужива во водите на Охридското езеро.

Се откажа ли Јохан од кампањата, па одбра на последниот ден да се капи лабаво на Свети Наум?

Седуммина пратениците од минатиот состав на ВМРО-ДПМНЕ се најдоа на листите за овие избори. Меѓу нив се Дафина Стојаноска, Антонијо Милошоски, Ане Лашкоска, Јохан Тарчуловски, Никола Мицевски, Благица Ласовска, Жаклина Пешевска. Затоа, пак, ги нема Илија Димовски, Влатко Ѓорчев, Трајко Вељаноски, Емил Димитриев, Драган Данев, Димитар Стевананџија, Никола Попоски…

Го виде ли Јохан поразот на Мицкоски и на последен ден од кампањата ужива во Охрид на Свети Наум? Најавува ли Јохан бојкот на Мицкоски на овие избори?

Популарно