На 32-години почина поранешен одбојкар на Џио Струмица

Тажна вест за струмичката одбојка, на 32 години почина Дени Стојчев, поранешен одбојкар на Џио Струмица и на македонската репрезентација во помлади категории. Стојчев играше на позиција либеро во кадетскиот и во јуниорскиот национален состав, а во матичниот клуб настапуваше до 2009 година, соопштија на официјалната страница на одбојкарската федерација на Македонија.

Прераната смрт на Дени Стојчев предизвика неверување кај сите, во неговиот роден град и кај пошироката одбојкарска јавност кај нас.

ЗаСе изразува сочувство до семејството на Дени.

Извор: Спортмедиа

Екстрадиран третиот обвинет за убиството на Никола Саздовски – Саздо

Јетон Јужа, третообвинетиот за убиството на скопјанецот Никола Саздовски- Саздо член на навивачката група „Комити“, е екстрадиран од Германија. Јужа избега во Германија, а МВР веднаш го лоцираше, по што ги извести тамошните власти дека тој се наоѓа во Хамбург, а тие постапија по меѓународната потерница која беше распишана, објави  А1ОН. 

Саздовски беше убиен на 29 јуни 2018 година на автобуска постојка во Автокоманда.

Две лица, Бесир Беља и Скендер Демири, во април минатата година беа осудени на по 19 години затвор.

ПУКАЊЕ ВО АЕРОДРОМ во близина на угостителски објект

На 20.09.2020 во 01.28 часот во СВР Скопје, А.С.(46) од Скопје пријавил дека во близина на угостителски објект на бул.„Јане Сандански“ во Скопје, едно лице во два наврата во воздух испукало проектили од огнено оружје.

- Полициски службеници од СВР Скопје излегле на местото на настанот и биле пронајдени три чаури од огнено оружје, кои се подигнати од екипа од СВР Скопје за понатамошна постапка, информираат од МВР. Увид на местото на настанот извршила екипа од СВР Скопје. Се работи на расчистување на случајот.

После второто силување на 63 годишна жена, велешанец доби притвор

Основното јавно обвинителство Велес донесе наредба за спроведување на истражна постапка против 55-годишен велешанец, поради постоење на основано сомневање дека сторил продолжено кривично дело „силување“. На осомничениот му е определен притвор во траење од 30 дена.

Како што соопшти Јавното обвинителство, осомничениот искористувајќи исти прилики, во два наврати со употреба на сила извршил обљуба врз 63 годишна жена од Велес. На 17 септември 2020 околу 22 часот, осомничениот, кој и бил сосед на жртвата, се префрлил преку оградниот ѕид од улицата, влегол во дворот од куќата, па откако оштетената ја отворила влезната врата, тој влегол внатре и употребувајќи сила го извршил кривичното дело. Следниот ден, околу 11:30 часот, на истиот начин, го повторил кривичното дело.

– Јавниот обвинител кој постапува во предметот ги имаше предвид видот и тежината на стореното кривично дело, запретената казна, личноста на осомничениот, посебно фактот дека е сосед на оштетената и дека може да го повтори кривичното дело и да влијае врз текот на истражната постапка, па од тие причини до надлежниот суд достави предлог за определување на мерката притвор за осомниченото лице, се наведува во соопштението.

Судијата на претходна постапка на Основен суд Велес го прифатил предлогот на обвинителството и со Решение на осомничениот му определил притвор во траење од 30 дена.​ 

Популарно