Хуманоста на дело: Момчето кое го фати Светиот крст во Делчево го донираше телевизорот кој го доби како поклон

Хуманоста е одраз на големите луѓе. Среќниот фаќач на Светиот крст во Делчево, Васе Панчовски заедно со неговата група одлучија денешната освоена награда, телевизор која ја доделува компанијата Зегин, да го подарат на семејство од Делчево.

Како учесник во годинешните Водици, заедно со мојата група одлучивме наградата телевизор која како среќен фаќач на крстот ја доделува Зегин да ја подариме на некој на кој навистина му треба. Во консултација со мои другари решивме да го доделиме на ова семејство. Во чест на празникот доделивме и икона Богојавление. Нека им е честит празникот на сите граѓани, изјави Панчовски.

Заблагодарувајќи се за донацијата, од семејството во чиј дом беше дониран телевизорот на сите граѓани им посакаа добро здравје, среќа и успех во годината.

Панчовски вторпат го фаќа чесниот Крст во Делчево. Минатата година тој исто така го извади чесниот крст од водите на реката Брегалница. Минатата година исто така доби награда телевизор и 10 илјади денари од Општината.

Регистрирани нови 22 случаи на коронавирус во земјава

Во изминатите 24 часа се регистрирани 22 нови случаи на коронавирус во земјата. По градови: Скопје (9), Куманово (3), Струга (3), Тетово (2), Дебар (2), Прилеп (2), Битола (1). Со ова, вкупната бројка на дијагностицирани пациенти со КОВИД-19 денеска до 12.00 часот изнесува 241 лице.

Според местото на живеење, досега случаи на КОВИД-19 се регистрирани во:

- Скопје- 143

- Дебар – 45 од кои 2 починати

- Куманово – 20 од кои 1 починат

- Штип - 8

- Прилеп - 8

- Тетово- 4

- Охрид- 3

- Велес - 3

- Струга – 3 од кои 1 починат

- Кавадарци - 2

- Гостивар - 1

- Битола – 1

Утрово почина една пациентка на 66 годишна возраст од околината на Струга. Таа и нејзиниот сопруг се дијагностицирани позитивни на коронавирус во текот на вчерашниот ден. Пациентката имала срцева болест, хронична белодробна болест и покачен крвен притисок.

Според епидемилошката анкета, семејството на починатата жена непосредно пред прогласувањето на кризната состојба во Дебар (13 Март) биле на гости во Дебар и имале контакт со еден од таму заболените доктори, а по сознанието дека и тој е позитивен на коронавирус, семејството било во домашна самоизолација.

Откако се јавиле првите симптоми кај починатата, таа на 24 март закажала тестирање на коронавирус преку својот матичен лекар. Материјал за тестирање е земен на 26 март, а резултатите пристигнале во текот на вчерашниот ден.

Заради нагло влошената состојба на пациентката, матичниот лекар уште веднаш препорачал хоспитализација на Инфективното одделение во охридската болница, но до добивањето на резултатите вчера, пациентката не е примена во болница.

Заради ова, Министерството најавува целосно ревизија на случајот за да се утврди дали има лекарски пропуст во овој случај.

Во текот на вчерашниот ден направено е тестрирање на персоналот на Клинката за кардиологија, сите тестови се негативни на Ковид-19.

Вработен на Кардилогија позитивен на коронавирус

Еден позитивен на Ковид-19 на Клиниката за Кардилогија. Директорот на Кардиологија Жан Зимбаков за Телма информира дека еден рентгенолошки технологе е заболен со коронавирусот. Од Кардиологија информираат дека е стерилизирано и дезинфицирано се на клиниката каде што бил опсегот на неговото движење и работа.

Во изолација се околу десет луѓе коишто биле во контакт со него, различен болнички персонал. Се чекаат резултатите од околу 15 брисеви. (izvor-Telma.mk)

Пијана битолчанка на улица го преспала полицискиот час

Битолското основно јавно обвинителство поднесе предлози за казни против две лица кои во овој град не го почитувале полицискиот час, односно забраната за движење од 21.00 до 05.00 часот наутро како мерка против ширењето на коронавирусот.

Една од казнетите е битолчанка на возраст од 33 години, која на 26 март во 00.30 часот била затекната како лежи во алкохолизирана состојба на улицата Прилепска.

Во вториот случај станува збор за 18-годишен тинејџер од Битола, кој исто така на 26 март, во 01.25 часот со автомобил „рено 19“ без регистарски таблички се движел по улицата 8-ми Септември.

Тие се товарат дека сториле кривично дело – непостапување според здравствените прописи за време на епидемија.

За секој од двајцата обвинети Основното јавно обвинителство во Битола му предлага на судот да изрече парична казна од 100 дневни глоби, при што вредноста на една дневна глоба да биде определена на 20 евра во денарска противвредност.

Популарно