Полициски командир од Гази Баба разрешен поради сексуално вознемирување на колешки

Командирот на полициската станица Гази Баба, Сашо Велковски е разрешен бидејќи сексуално возменирувал колешка. МВР преку соопштение информираше дека 49 годишниот командир Велковски сексуално вознемирувал полициска службеничка вработена во станицата со непристојни предлози кои на крајот резултирале со закана кон неа поради одбивање на предлозите. 

Командирот на полициската станица во текот на 2019 година во повеќе наврати искористувајќи ја позицијата сексуално вознемирувал полициска службеничка вработена во станицата. Уште две други полициски службенички вработени во полициската станица Гази Баба пријавиле дека на ист начин биле вознемирувани од страна на командирот - соопшти МВР. Оттаму велат дека командирот сторил потешко кршење на работниот ред и дисциплина, и затоа е поведена постапка за утврдување на дисциплинска одговорност и отстранување од работното место до завршување на постапката.

Трите дечиња што загинаа во експлозијата имале осум, девет и 11 години

Трите дечиња што загинаа имале осум, девет и 11 години, говорат извори на Фактор.

Според сознанијата, двете дечиња кои се помали, од осум и девет години, имале исти презимиња, додета третото детенце најверојатно им било братучетче, бидејќи тие всушност биле деца на две ќерки кои во куќата каде што експлодирала плинска боца, биле на гости кај своите родители.

Објавени се  фотографии од куќата каде се случила несреќата. 

Случајот го потврди кумановската полиција. Во меѓувреме, болницата во Куманово соопшти дека 6 лица со сериозни изгореници, поради сериозноста на раните, биле однесени во Клиничкиот центар во Скопје.

Во моментов обвинител и полициски тим вршат увид на лице место.

ЧЕТВРТА ЖРТВА ОД НЕСРЕЌАТА ВО РОМАНОВЦЕ - почина 58-годишен маж

Експлозијата во Романовце ја однесе и четвртата жртва.

На Единицата за интезивно лекување на Клиниката за неврохирургија во Скопје вечерва почина 58-годишен пациент, кој беше во критична состојба, информираше за МИА директорот на ЈЗУ Универзитетска клиника за трауматологија, ортопедски болести, анестезија, реанимација и интензивно лекување и ургентен центар – ТОАРИЛУЦ  д-р Илир Хасани. 

„Во крајно тешка состојба се и две жени, на возраст од околу 30 и 50 години. Во критична состојба, пак, е еден повозрасен маж“, изјави Хасани.

Ова е четврт смртен случај. Во експлозијата загинаа три деца на возраст од осум, девет и 11 години. Уште седум лица беа повредени и се здобија со висок степен на изгореници.

  

Три деца загинаа, жителите не паметат ваква трагедија - Нухиу го посети селото и изрази сочувство

Трите починатите во несреќата што се случи денеска во Романовце се деца, потврдија и од кумановската болница и селаните од Романовце. Ваква трагедија, жителите на кумановско Романовце не паметат со голем број на жртви и повредени од едно семејство. Според првичните податоци на СВР Куманово, несреќата се случила по експлозија на плинска боца во семеен дом на Ш.А.

Од МВР информираат дека околу 10.00 часот во Романовце во куќа сопственост на Ш.А. при експлозија на плинска боца настанал пожар во кој три малолетни лица на возраст од 8, 9 и 11 години починале на местото на настанот. 

Пожарот е изгаснат од противпожарната единица од Куманово. Известен е јавен обвинител и увидна екипа од СВР Куманово е упатена на местотот на настанот со цел утврдување на причините кои довеле до несреќата.

Денеска и заменик министерот за внатрешни работи Агим Нухиу го посети селото, се сретна со мештаните и изрази сочуство.

-Заедно со заменик директорот на Бирото за јавна безбедност и со заменик началникот на СВР Куманово да изразиме сочуство до семејството Алими. Ова е навистина голема трагедија. За жал е констатирано дека три деца се починати на 10, 12 години, седум лица се пренесени во Клиничкиот центар во Скопје, рече заменик министерот Нухиу.

Тој информираше дека на местото на несреќата излегле јавното обвинителство, службите од МВР. Според првичните проценки, вели заменик-министерот станува збор за пожар предизивикан од плинска боца. Во текот на денот и наредниот период, додаде се очекува конечниот извештај од јавното обвинителство. Одговарајќи на новинарско прашање дали ќе им се понуди помош на семејството, Нухиу истакна дека институциите ќе понудат поддршка од сите апскети, вклучително и медицинските екипи.

-Засега ништо не можам да кажам за здравствената состојба за седумте лица пренесени во Клиничкиот центар во Скопје, рече заменик министерот, одговарајќи на новинарски прашања.

Претседателот на месната заедница, Таџедин  Есапи, жали за трагедијата што се случи во нивното село во кое починаа три малолетни деца

-Сите сме во жалост. Ваква трагедија немало во селото. Ми се јави кумановскиот градоначалник кој изрази сочуство и изрази подготвеност да му се помогне на семејството, вели Есапи.

Командирот на смена од кумановската противпожарна единица, Видан Трајковски, рече дека кај нив пожарот бил пријавен во 10.10 часот.

-По прием на дојавата, изглевме на терен со едно возило и четири пожарникари. Интервениравме на пожар во семеен дом. Пожарот е настанат од експлозија на плинска боца во просторијата имаше повеќе повредени и ние имаме информации дека три деца се починати, изјави Трајковски.

Пожарот целосно е ставен под контрола, односно е изгаснат.

Директорката на кумановската болница Снежана Захариева рече дека три починати лица се деца и седум биле повредени.

-Се направи тријажа, беа однесени во скопските клиники. Од мое лично име и од име на болницата изразувам длабоко сочуство до семејството, изјави Захариева, додавајќи дека меѓу повредените има и бремена жена.

Доктор Зоран Стојковски исто така потвврди дека во страшната трагедија тројцата починати се деца. 

-Некои во критична состојба. Сите по пружената првична реанимација се препратени во терцијална установа, вели Стојковски за повредените.

Од кумановската болница додаваат дека ваков тип на сериозна несреќа во едно семејство немало со години.

Популарно