ФОТО: Трагедија го скрши српскиот пејач

Преубавата црнка од видео записот за песната „Гдје чу сад, моја ружо“ во која што Џеј Рамадановски со години беше вљубен пред пет години ненадеејно почина на 44-годишна возраст.

Фолк пејачот со денови беше во шок кога слушнал дека починала неговата Дубравка која што глумеше во неговиот спот.

-Долго време беше заљубен во нејзе, како и многумина, но никогаш не открил дека меѓу нив има нешто повеќе од пријателство, открива извор близок до пејачот, пренесува Ало.рс.

Таа имаше посебно место во неговото срце и останаа големи пријатели, но во последните години изгубија секаков контакт.

-Не можев да поверувам кога слушнав! Еве сега ми доаѓа да заплачам. Замина убавата Дуда. Беше многу добра жена, поштена и ова е навистина голема штета. Да и дадеше Господ барем уште малку да поживее. И сега се ежам кога зборувам за нејзе. Многу ми е криво што не сме се виделе, а последно време често размислував за нејзе. Како да било тоа некаков знак. Бог да ја прости, што можам друго да кажам сега кога веќе ја нема, рекол Џеј кога дознал за нејзината смрт и додал дека Дубравка секогаш ќе остане запамтена како убава Ружа со коси очи од неговиот видео запис.

Тешка сообраќајка во Арачиново – загина 22 годишно момче

Две лица биле потешко повредени во сообраќајката што се случила вчера во Арачиново меѓу моторно возило и мотоцикл, информира МВР.

„Вчера во 13.00 часот било пријавено дека во с.Арачиново, скопско, се случила сообраќајна незгода помеѓу патничко моторно возило ‘ауди А4‘ со скопски регистарски ознаки, управувано од М.С.(43) од Арачиново и мотоцикл ‘јамаха‘ без регистарски ознаки, управуван од Х.Б.(22) од с.Арачиново. Во незгодата, мотоциклистот се здобил со тешки телесни повреди по што бил пренесен во Градската општа болница ‘Св.Наум Охридски‘ каде починал. Сопатникот на мотоциклот, А.С.(26) од с.Арачиново, исто така,  се здобил со тешки телесни повреди по што бил пренесен во Комплексот клиники ‘Мајка Тереза‘ за укажување на лекарска помош“, пишува во полицискиот билтен.

Извршен бил увид на местото на настанот од Јавен обвинител и увидна екипа од СВР Скопје.

Уште еден починат 58-годишен маж од последици по експлозијата

Три деца на возраст од осум, девет и единаесет години и 58-годишен маж починаа вчера во експлозија на плинска боца во кумановското село Романовце.

Повредени беа седум лица, кои се здобија со висок степен на изгореници, а меѓу нив и 58-годишниот маж кој подоцна им подлегна на повредите. Синоќа на Единицата за интензивно лекување на Клиниката за неврохирургија во Скопје почина мажот, кој беше во критична состојба откако настрада во експлозијата. 

Пациентите првично беа хоспитализирани во Кумановската болница, но оттаму беа препратени на лекување во Скопје. Директорот на ЈЗУ Универзитетска клиника за трауматологија, ортопедски болести, анестезија, реанимација и интензивно лекување и ургентен центар – ТОАРИЛУЦ  д-р Илир Хасани за МИА изјави дека во крајно тешка состојба се и две жени, на возраст од околу 30 и 50 години. Во критична состојба, пак, е еден повозрасен маж.

Во критична животна состојба се и четириесетгодишната жена и десетгодишното дете кои во моментов се на лекување во ЈЗУ Универзитетска клиника по хируршки болести „Св.Наум Охридски“ – Скопје, каде е примена и бремена жена на возраст од околу 20 години, изјави за МИА директорот на ЈЗУ Универзитетска клиника по хируршки болести „Св.Наум Охридски“ – Скопје и дежурен хирург Љубен Арсенков.

Гинеколог ја прегледал пациентката, која е бремена во седми месец, и констатирал дека плодот е добар. Според првичната проценка, кај жената имало опеченост од 20-30 отсто и била примена во единицата за интензивно лекување.

Министерот за здравство Венко Филипче вчера попладне беше во посета на повредените пациенти хоспитализирани на КАРИЛ. Филипче информираше за нивната состојба и нагласи дека се преземаат сите мерки за интензивно лекување и оти внимателно ќе се следи нивната состојба.

Според првичните податоци на СВР Куманово, несреќата се случила по експлозија на плинска боца во семеен дом на Ш.А. При експлозијата на боцата настанал пожар во кој три деца на возраст од осум, девет и 11 години загинале на местото на настанот.  Пожарот бил изгаснат од Противпожарната единица од Куманово. За случајот е известен јавен обвинител и увидна екипа од СВР Куманово, кои се упатиле на местотот на настанот со цел утврдување на причините кои довеле до несреќата.

Заменик-министерот за внатрешни работи Агим Нухиу вчера го посети селото, се сретна со мештаните и изрази сочуство.

– Заедно со заменик-директорот на Бирото за јавна безбедност и со заменик-началникот на СВР Куманово да изразиме сочуство до семејството Алими. Ова е навистина голема трагедија. За жал е констатирано дека три деца се починати на 10, 12 години, седум лица се пренесени во Клиничкиот центар во Скопје, рече заменик-министерот Нухиу. Додаде дека се очекува конечниот извештај од Јавното обвинителство.

Жителите на Романовце не паметат ваква трагедија со голем број жртви и повредени од едно семејство. Претседателот на месната заедница Таџедин Есапи жали за трагедијата што се случи во нивното село во кое починаа три деца.

– Сите сме во жалост. Ваква трагедија немало во селото. Ми се јави кумановскиот градоначалник кој изрази сочуство и изрази подготвеност да му се помогне на семејството, вели Есапи.

Сочувство до семејството на загинатите вчера преку фејсбук изразија претседателот Стево Пендаровски, премиерот Оливер Спасовски и претседателот на СДСМ Зоран Заев. Сите потенцираа дека се работи за ненадоместлива загуба, за загуба на детски животи и посакаа брзо закрепнување на повредените.

Популарно