Царовска: Повеќе од 300.000 граѓани сега земаат плата повисока од 18.000 денари

Заедно со работодавачите, работниците, синдикатите и стопанските комори заеднички донесовме одлука дека економијата сега може да издржи минимална плата од 14.500 денари и тоа сега се случува, истакна потпретседателката на СДСМ Мила Царовска на програмската трибина Агенда Социјална заштита што денеска се одржува во Штип.

-Со години имавме една група на граѓани којашто со години се држеше на ниски примања посебно овде во источниот регион а тоа беше поради тоа што претходната влада ја промовираше државата како земја на евтина работна сила. Денес тоа е променето, ако ја видите структурата на плати ќе видите дека денес повеќе од 300.000 граѓани земаат плата повисока од 18.000 денари, посочи Царовска.

Паралелно со растот на минималната плата на 14.500 денари донесовме закон со кој на сите работодавачи кои сакаат да ги покачат платите на своите вработени до 6.000 денари, државата ќе ги субвенционира придонесите и тоа дополнително влијае на раст на платите во државата, заклучи Царовска.

На Заев му недостигаат уште 50 евра од ветената просечна плата, но имаше и пократок мандат

Просечната нето плата исплатена по вработен во декември 2019 година изнесува 26.836 денари, објави Државниот завод за статистика. 

А пред да дојде на власт, оваа политичка гарнитура ветуваше дека во земјава на крајот на нејзиниот мандат просечната нето плата ќе достигне 500 евра, или 30.000 денари. 

Тоа значи дека ветувањето не се исполни за 3.164, или речиси за точно 50 евра.

Од СДСМ за Фактор како објаснување го даваат фактот што тие немаа цел мандат од четири години, туку досега тие реално се на власт нецели три години, или конкретно 2,8 месеци.

Од таму нагласуваат дека за три години колку што се на власт, просечната плата се зголеми за над 4.000 денари, што е рамно на 68 евра.

Ќе биде интересно да се види каква ќе биде понудата на СДСМ за просечната плата за наредниот мандат доколку ја добие довербата од граѓаните.

Инаку, според објавените податоци просечната месечна исплатена нето-плата по вработен во декември 2019 година, во однос на декември 2018 година, бележи раст од 4,1 отсто, а зголемувањето се должи, пред сѐ, на зголемувањето на просечната месечна исплатена нето-плата по вработен во секторите транспорт и складирање за 12,4 отсто, објекти за сместување и сервисни дејности со храна за 12 отсто и градежништво  за 11,9 отсто. Зголемување на просечната месечна исплатена нето-плата по вработен, во однос на претходниот месец, е забележано во секторите стручни, научни и технички дејности за 9,3 отсто, информации и комуникации за 8,4 отсто и објекти за сместување и сервисни дејности со храна  за 6,8 отсто. Просечната месечна исплатена бруто-плата по вработен, во декември 2019 година, изнесува 39 932 денари.

Притоа, на програмерите платата за само еден месец им пораснала за 4.469 илјади денари. Односно, во декември годинава тие земале плата од 96.332 денари, што е многу повеќе од 91.863 денари, колку што во ноември годинава земале во дејноста комјутерско програмирање, консултантски и сродни дејности. Комјутерџиите се убедливо со највисока плата во земјава. 

Огромни плати од 70.162 денари земаат и во воздухопловниот транспорт, односно контролорите на летање. Плата од 69.911 денари земаат во просек вработените во дејноста производство на основни фармацевстки производи. 

Во финансиски и услужни дејности земаат по 65.885 денари, а во телекомуникацисискиот бизнис просечната плата е 62.066 денари. 

ВИДЕО: Синдикатите тврдат дека растот не е реален

Државниот завод за статистика објави дека во декември просечната плата во земјава стигнала до 26.800 денари. Раст е забележан во сите сектори. А меѓу оние каде растот е двоцифрен е градежништовото. Таму платите споредено со декемрви 2018 е зголемета за речиси 12%. Но за синдикатот на градежници, статистичките податоци доведуваат до заблуда. Платата во овој сектор е далеку од 25.000 – те денари кои ги пресметале статистичарите.

Владејачката парите денеска со соопштение извести дека заради згоелемната минимална плата на 14.500 и субвенциите за зголемување на платите во приватнот сектор, платите растат најброз досега. Најавуваат дека ќе продолжат со мерки за просекот да стигне до ветените 500 евра.

„Просечната плата во земјата од 2017 година бележи континуиран нагорен тренд во изминатите две години и се зголеми за речиси 3000 денари од 22.808 денари во јуни 2017 на досега највисоките 26.836 денари во декември 2019 година. Просечната плата прв пат се искачи над 26.000 денари, благодарение на економските политики на СДСМ, инвестирањето во човечкиот капитал и вратената доверба во економијата“.

Од опозициската ВМРО ДПМНЕ пак велат дека граѓаните не живеат, туку преживуваат.

„Нема 500 евра плата и нема реален раст на платите. Единствено што успеа СДСМ е да ги покачи давачките и трошоците за живот на граѓаните.Стандардот на државата на чело со СДСМ  е еден од најниските во регионот и Европа, а според последните истражувања Македонија е најсиромашна држава во Европа. Над 500.000 граѓани живеат на работ на сиромаштијата додека секој трет во државата има проблем да обезбеди основна егзистенција“.

Според статистика, највисока нето плата во земјава имаат информатичарите, просечни 68.000 денари, најслабо платени се кожарците со нешто над 16.000 денари.

Познат е датумот: Наскоро ќе се додели првата премија од 3 милиони денари од наградната игра МојДДВ

Осумнаесетти март е датумот кога ќе се извлекува среќниот добитник од наградната игра Мој ДДВ.

Премија од три милиони денари ќе издрадува некој кој скенирал фискални сметки. Претходно на 4ти март ќе се извлекуваат добитниците на 100.000 денари.

Со МојаНаграда сите кои скенираат имаат 3 главни придобивки – поврат, награди и придонесуваат во борбата против сивата економија.

Се скенираат се повеќе фискални сметки. Почнувајќи од февруари почна исплатата на „МојДДВ“ второто тримесечие односно за месеците октомври, ноември и декември.

Тоа значи дека парите од поврат на ДДВ може да ви легнат секој ден овој месец.

Популарно