Блерим Река: Од денеска како министер за европска надеж

Балкан

на 2.2020

„Од денес со Владата на надеж, како министер за европска надеж. Честитки за Косово!“, напиша Блерим Река откако беше изгласана новата косовска Влада, а поранешниот кандидат за претседател на Македонија се најде во истата како министер за Европа.

Косово доби нова влада како коалиција на движењето Самопоредување и Демократската алијанса на Косово. Албин Курти е новиот премиер, со 15 министерства. 86 пратеници гласаа за неговата влада и десет беа воздржани.

За Српска листа се предвидени две министерства: Далибор Јевтиќ ќе го предводи Министерството за заедници, а Иван Милојевиќ ќе го предводи Министерството за развој.

Во кабинетот на Курти ќе има двајца вицепремиери и 33 заменици министри.

„Во мојот кабинет ќе има 15 министри, а не 21, како порано. Ќе имаме 33 заменици министри, не 80-ина како порано. Ќе потрошиме помалку на привилегии и повеќе за проекти“, рече Курти.

Владата, вели тој, ќе биде влада на економски развој, а нејзиниот фокус ќе биде на нови работни места, но и судството, односно запирање на корупцијата.

Вицепремиери, според предлогот, се Авдулах Хоти од ДСК и Хаки Абази од Движењето Самоопределување.

Покрај Река, Антон Куни е избран за министер за одбрана, Лумир Абдиџику како министер за инфраструктура, Бесијан Мустафа како министер за земјоделство, Хикмете Бајрами министерка за образование, Агим Велиу за министер за внатрешни работи, Влора Думоши како министерка за култура, млади и спорт.

Глаук Коњуфца ќе биде министер за надворешни работи, Албулена Хаџиу министерка за правда, Бесник Блисими министер за финансии, Розета Хајдари министерка за економија, Арбен Витиа министер за здравство, Блерим Реџа министер за европски интеграции и Емилија Реџепи министерка за администрација.

Курти најави пред претставниците на Собранието дека тој, меѓу другото, ќе бара од Србија одговорност за сторени воени злосторства и компензација за воена штета.

Тој исто така рече дека е подготвен за дијалог со Белград, но „со поширок политички консензус“.

Тој најави воведување на задолжителна воена служба и донесување на закон за конфискација на незаконски стекнат имот.

Патникот имал билет, екипажот ги прекршил правилата

Балкан

пред една недела

36-годишниот Андонис Кариотис, загина синоќа во бизарна несреќа кога членовите на екипажот на траектот „Блу хоризонт“ го турнаа во морето во Пиреја. Неговиот брат Никос Кариотис во реакцијата што ја пренесуваат грчките медиуми, изрази шокираност и не може да поверува дека Антонис исчезнал за неколку секунди на патувањето на кое често одел.

Тој за весникот Прототема открива дека неговиот брат извадил билет за кобното патување, но задоцнил при пристигнувањето на пристаништето.

-Не би одел без билет. Имаше билет и доцнеше. Како што разбрав, задоцнил на пристаништето и не го пуштале на траектот. Замина на одмор во Атина. Често патуваше, со години одеше на прошетка во Атина да се ​​види со пријателите. Секогаш имаше пари за билет. Тој работеше овде, на Агиос Николаос – вели братот на 36-годишниот патник што загина синоќа.

Според првичните информации, мажот имал билет за траектот што патувал од Атина за Ираклион на Крит, но задоцнил и усеал да се качи во последен момент кога траектот го напуштал пристаништето, но тогаш бил брутално турнат од луѓето од екипажот во морето од акде подоцна е изваден мртов.

Инцидентот на траектот во Атина бил снимен од еден од патниците. На видеото се гледа како 36-годишниот маж се обидува да се качи на бродот и успева да скокне на рампата непосредно пред поаѓањето на траектот по што влегува во физичка пресметка со двајца мажи од екипажот и паѓа во морето во моментот кога траектот веќе го напушта пристаништето.

Четворица членови на екипажот се уапсени и обвинети за убиство од небрежност, а денеска ќе бидат сослушани во Обвинителството.

Според грчките медиуми, бродот се вратил назад дури кога еден од патниците, кој го снимил инцидентот, го известил персоналот на траектот, но никој не реагирал кога човекот паднал во морето.

-По трагичниот настан, не се преземени никакви планирани дејства за спасување на лицето што падна во морето. Во никој случај не фрлајте човек во морето кога ќе се качи на бродот, дури и да е бегалец. Одговорноста е целосно кај луѓето што биле на рампата, кои очигледно го турнале. Кога го виделе во морето, не ги почитувале пропишаните процедури за негово спасување. На брод што веќе плови никого не туркате назад и, дефинитивно, го известувате капетанот да го прекине процесот на пловење. Имаме процедура, вели во изјава за грчките медиуми, искусниот капетан Сидерис Мамидис.

ХЕРОЈ: Маж истрча од кола и му го спаси животот на момче кое се гушеше

Балкан

пред еден месец

Неверојатно видео од Србија на кое се гледа како маж од Обреновац во Србија му го спасува животот на момчето кое се гуше со брза реакција брзо се прошири на интернет и го воодушеви целиот регион.

Најблагодарна секако е мајката на едногодишното момче кое се враќало од лекар во Обреновац, кое било покрај себе кога на детето среде возење и се слошило. Марко Драгичевиќ потоа истрчал од вториот автомобил и го зел малото момче кое престанало да дише.

Тој се обидел да го реанимира, во што успеал по вештачко дишење. Како што пренесува српски Блиц.рс, се огласил и дедото на момчето.

– Се најдобро, човеку, ќе ти бидам благодарен до крајот на мојот живот! Прекрасен човек и вистински херој – рече Градимир В. во коментар на социјалните мрежи, а на бројните барања од граѓаните додаде дека на бебето сега му оди добро.

– Момчето е добро, слушнав од мајка му, се опоравува и нема никакви последици – потврди јунакот Марко, кој го легна детето на тревата за да го спаси.

На видеото може да се види и како другите минувачи застанале и избезумено гледале што се случува, а благодарение на Марко се се завршило добро.

 
 
 
 
 
 
 
 
 
 
 
 
 
 
 

A post shared by 192.RS (@192_rs)

Над 3.000 универзитетски професори во Србија ги поддржаа студентите

Балкан

пред 8 месеци

Повеќе од 3.000 универзитетски професори од Србија потпишаа отворено писмо за поддршка на студентите во нивните протести и барања. Бројот на потписници постојано расте, наведува Бета.

„Одлучно стоиме со нашите студенти во заедничката борба за подобро општество“, се вели во пораката на професорите. Тие остро го осудија секој обид на властите да ги заплашат студентите со јавно објавување на нивните приватни податоци и други форми на притисок.

Професорите упатија апел до надлежните институции да постапуваат совесно и одговорно во својата работа.

Популарно