ТРАГЕДИЈА: Загина Македонец во сообраќајка во Италија

Четириесет и осум годишен Македонец загинал во сообраќајка во Италија, на патот кај Боглието ди Костиљоне, преку Алба, води кон Кастањола Ланзе.

Веста првично ја пренесоа италијанските медиуми според кои, македонскиот државјанин настрадал додека бил на пат кон работа во Костиљоле во провинцијата Асти.

Според наводите, на мажот веројатно му се слошило, бидејќи со возилото „фиат стило“ излетал од патот и удрил во ѕид од куќа но, се претпоставува дека не возел со голема брзина бидејќи немало никакви траги од кочење, туку веројатно изгубил контрола.

 Всушност, човекот работел во Канале, во областа Албес.

Она што се додава е дека неговото тело било најдено надвор од автомобилот, а претпоставките се дека излгол од возилото и починал, но засега полицијата не ги потврдува овие наводи бидејќи се работи на расчистување на случајот.

Интервенирале и пожарникарите на „Асти“ и во моментот патролите на сообраќајната полиција во Ница се уште се на работа во Боглието, со присуство на командантот на одредот Стефанија Зецо.

Прегазен велосипедист во Илинден, возачот избегал

На 08.08.2020 во 00:00 часот било пријавено дека во Комплексот клиники “Мајка Тереза“  со повреди здобиени од сообраќајна незгода  бил донесен Б.П.(24) од Скопје.

Имено на 07.08.2020 околу 22:15 часот Б.П. додека со велосипед движел во населбата Илинден бил удрен од непознато патничко моторно возило управуван од засега непознат возач кој по незгодата го напуштил местото на настанот.

На повредениот му биле констатирани тешки телесни повреди. Извршен бил увид на местото на настанот од увидна екипа од СВР Скопје и се преземаат мерки за расчистување на случајот.

Трагедија во Кичево: 18 годишно момче почина од струен удар

18-годишно момче од кичевско, вчера доцна попладне починало од струен удар.

Како што соопшти МВР, нешто по 17 часот вчера во полициската станица во Кичево било пријавено дека момчето се здобило се повреди предизвикани од струен удар во куката на свој соселанец. Веднаш било пренесено во кичевската болница каде што им подлегнало на повредите. Се уште нема информации како дошло до несреќата. Од МВР велат дека нивна екипа извршила увид по што ќе следи целосно расчистување на случајот.

Објавена снимка од трагедијата во Претор: Спасувачи се обидуваат да го пронајдат телото и извлечат од водите

Младо момче се удавило вчера во Преспанското езеро, во Претор.

„Во 18:18 часот во ПС-Ресен, од ИМП било пријавено дека во туристичката населба-Претор, во водите на Преспанското езеро, исчезнал И. М. (2004) од Ресен. На лице место се упатени Служби“, информира МВР.

Неофицијално до инцидентот дошло откако три лица се возеле на педалинка, и од непознати причини во еден момент педалинката се превртела. Две момчиња излегле на површината, додека едното не излегло од водата.

Според последните информации на ТВ21, момчето се уште не е најдено, а во потрагата се приклучиле и нуркачи од Охрид.

Порталот „Центар“ објави и видео каде што спасувачите се обидуваат да го пронајдат телото и да го извлечат од водите на езерото.

ВИДЕО: centar.mk

Популарно