РК Вардар остана без Летонскиот џин

Ракометарот Данис Криштопанс, повеќе не е дел од  екипата на Р.К Вардар.

Криштопанс се сели во германскиот Фуксе Берлин, а информацијата ја потврдија и од клубот.

215 сантиметри високиот десен бек во Фуксе Берлин ќе се задржи до крајот на сезоната, затоа што од претходно се знаеше дека во следната сезона ќе настапува за ПСЖ, кај поранешниот тренер на Вардар, Раул Гонзалез.

Криштопанс ќе дебитира веќе во недела на натпреварот против Магдебург на Филип Кузмановски.

Нов клуб од неодамна најде и Шишкарев, а Германецот Дисингер рече дека само чудо може да го задржи наредната сезона во вардаровите редови

Новинарка од Турција направи интервју со Пандев на македонски јазик

Горан Пандев е главна тема во светот на фудбалот. На најдобриот македонски фудбалер му се поклонуваат големи имиња, медиумите се преплавени со информации за Гранде Пандев и неговата одлука да стави крај на репрезентативната кариера.

Најновото доаѓа од Турција. Тамошна новинарка правеше кратко интервју со Пандев и тоа на македонски јазик. Станува збор за Сејхан Шашко, која има потекло од Охрид, па нашиот јазик и е добро познат, а во договор со својата телевизија одлучија разговорот да оди на македонски јазик.

Перо Антиќ го пречека Пандев

Македонските репрезентативци кои настапија на ЕП 2020 пристигнаа во Македонија.

Пречекот на аеродромот во Скопје го направија првиот човек на Кошаркарската федерација, Перо Антиќ, и претседателот на Агенцијата за млади и спорт, Наумче Мојсовски.

Меѓу присутните имаше и навивачи кои чекаа да се фотографираат и да земат автограм од фудбалерите. Во фокусот е Горан Пандев, капитенот на Македонија кој веќе кажа дека нема повеќе да игра за националниот тим.

ОРГАНИЗИРАН ПРЕЧЕК НА НАШИТЕ ФУДБАЛЕРИ НА СКОПСКИОТ АЕРОДРОМ

Авионот во кој се нашите фудбалери, учесници на ЕУРО 2020, во Скопје треба да слета денеска некаде околу 13.30 часот. По тој повод се организира достоинствен пречек со цел фановите да ги дочекаат како што доликува своите љубимци кои со игрите, и покрај трите порази, сепак не разочараа.

АМС организира автобиски превоз до скопскиот аеродром во кој сите заинтересирани можат да го искористат и да дочекаат нашите фудбалери.

Се тргнува во 12.30 часот од пред АМС.

извор: sportmedia.mk

Популарно