За невработените бесплатно до возачка дозвола за категориите ,,Ц‘‘ и ,,Д‘‘

Државата ќе ги подобрува вештините на невработените за да најдат работа, но и ќе им помага и да почнат сопствен бизнис. Мерките кои годинава се под мотото “Шанса за сите“ предвидуваат дел од невработенте да се преквалификуваат. На пример, државата ќе обезбеди обуки за полагање на Ц и Д категорија. Ќе обезбеди и поддршка од 9.000 денари месечно за лицата кои ќе ќе одат на обуки кај познати работодавачи. Пари ќе има и за работодавачите кои ќе прифатат да примат невработени на обука. Посебен фокус се лицата кои ќе се преквалификуваат за ИТ вештини.

Најголем дел од парите ќе бидат наменети за лицата кои ќе почнат сопствен бизнис. За ова се предвидени над 7 милиони евра и со неа ќе бидат поддржани над 1300 нови бизниси.

Оперативниот план на Владата за оваа година тежи рекордни до сега 22,7 милиони евра, а дел од нив ги обезбеди УНДП. Планот годинава ќе опфати околу 12.000 лица.

Нови блокади денеска во Скопје од 17 часот: „Да не молчиме, оставка на Заев, слобода на народот“

ВМРО-ДПМНЕ денеска од 17 до 18 часот ќе ги блокира улиците пред Владата, МНР и Министерство за правда.

-Го предупредуваме македонскиот народ, граѓаните на Македонија на будно следење на тоа што се спрема, што се подготвува, на тоа што се преговара. Да не молчиме. Бараме оставка на Заев, слобода на народот, велат од партијата.

Од ВМРО-ДПМНЕ ги повикуваат граѓаните да им се приклучат на блокадите

Состојбата со Ковид-19 под контрола, здравствениот систем се подготовува за вакцинација

Бројот на заболени од Ковид-19 минатата недела е намален за 9,9 отсто, а се зголеми бројот на оздравените. Надлежните сметаат дека состојбата е под контрола, а здравствениот систем веќе почна со подготовките за вакцинација против Ковид-19. Први што ќе се вакцинираат се здравствените работници, вработените во војската, полицијата и хронично болните.

Вакцинирањето, како што најави министерот за здравство Венко Филипче, ќе го спроведат лекари и медицински сестри кои не работат со ковид пациенти, и ова ќе биде една од најголемите логистички операции која ќе треба да се спроведе.

Во текот на следната недела ќе се организира и вежба на терен за тоа како би изгледал самиот процес на вакцинација.

Препораката е први да бидат вакцинирани здравствените работници, вработените во војската и полицијата, сите јавни службеници, во јавниот транспорт, хроничните болни, сите критични групи согласно мислењето на експертите.

И другите држави се во процес на подготовка на здравствените системи за вакцинирање. Велика Британија е првата во светот која ја одобри вакцината на „Фајзер“ и „Бионтек“ против Ковид-19, и веќе од следната недела почнува со вакцинирање.

Британскиот премиер Борис Џонсон дури најави дека би можел да се вакцинира пред телевизиски камери, за да покаже дека вакцината е безбедна и ефикасна .

За вакцинација се подготуваат и САД. „Вашингтон пост“ објави дека во текот на декември треба да бидат пуштени околу 40 милиони дози на вакцини од фармацевстките компании „Фајзер“  и „Модерна“, доволни да се имунизираат 20 милиони луѓе. Засега, за тоа се уште се чека одобрување од Администрацијата за храна и лекови на САД.

Германија, пак, се одлучи за подолга постапка за одобрување на вакцината против Ковид-19. Министерот за здравство Јенс Шпан изјави дека Германија и други земји од ЕУ можат да издадат одобрување по итна постапка, но се решиле за заеднички европски пристап, со цел да се зголеми довербата во вакцината.

Германските научници предупредуваат на прекумерна еуфорија за вакцината против Ковид-19. Експертите од германскиот Епидемиолошкиот институт Роберт Кох соопштија дека поради разни неопходни проверки вакцинацијата би можела да потрае и подолго од една година.

– Ќе ни треба време за прецизна анализа за пуштање на вакцината во употреба и дури потоа ќе дадеме свое мислење, по што ќе уследи испорака на вакцината, соопштија од Институтот Роберт Кох.

Според анкетите, над 50 проценти од 83 милиони Германци се подготвени да се вакцинираат против Ковид-19. Вакцината во Германија нема да биде задолжителна.

Полските власти соопштија дека потпишале договори со повеќе фармацевски компании за набавка на 45 милиони дози вакцина против коронавирус.Вакцинацијата ќе биде бесплатна и ќе се одвива на доброволна основа.

Од следната недела почнува масовно вакцинирање во Русија. Први со руската вакцина „Спутник V“ ќе се  вакцинираат здравствените работници и учителите.

Италија планира да започне програма за масовно бесплатно вакцинирање на населението, пред се на старите лица и здравствените работници, од почетокот на следната година. Владата планира да купи 202 милиони дози вакцини од различни производители.

Во екот на подготовките за масовна вакцинација против Ковид-19 низ светот, меѓународната полициска организација Интерпол предупреди дека мрежи на организиран криминал можат да се обидат да вметнат во продажба лажни, фалсификувани вакцини.

Интерпол соопшти дека е издадено глобално предупредување во 194 земји-членки на оваа организација, со препорака да се подготват за таква можност и оперативно, на терен и на виртуелните мрежа.

Предупредувањето се однесува и на можни обиди преку глобалната интернет мрежа да се најдат понуди за лажни терапии кои можат да го загрозат здравјето и животот на луѓето.

Ковид статистиката кај нас покажува дека во периодот од 23 до 29 ноември регистриран е помал број на заболени за 9,9 отсто.Најголем дел од регистрираните случаи и натаму се од Скопје. Има заболени во сите возрасни групи, а најзастапена се лицата над 60 години. Пријавени се 206 смртни случаи од 25 града, што е незначително намалување за еден отсто во однос на претходната недела.

Здавствените власти вчера евидентираа 946 новозаразени со Ковид-19 од направени 2564 тестирања. Оздравеле 789 пациенти, а починале 33 лица

Вкупната бројка на ковид дијагностицирани во земјава од почетокот на епидемијата изнесува 63890. Оздравени се 40977, починале 1825, а бројот на активни случаи изнесува 21088.

Села: Бугарија треба да го признае македонското малцинство

Лидерот на Алијанса на Албанците, Зијадин Села смета дека е право на секој граѓани ако соседот го признае неговото малцинство, осврнувајќи ќе на состојбата со Бугарија.

„Ако се земе предвид што се бара од страна на Бугарија, мислам дека не треба тоа да е однесување на земја членка на ЕУ, но во ЕУ има многу членки кои спречуваат нивните соседи да се признаат, кои се теми од почетокот на 20. век. Верувам во самоопределување на секој граѓанин на земјината топка, тука не треба да има дилеми. Кога даваме вакви изјави, треба да дозволиме и другите да се чувствуваат онака како што се чувствуваат. Тоа би било добар почеток за добрососедство, тоа треба да се нашите позиции, кога добрососедството е еден од главните приоритети, мислам дека соседите треба да се признаат едни со други, треба соседите да си ги признаат малцинствата, тоа е право на секој граѓанин“ вели Зијадин Села, лидерот на Алијанса на Албанците во Студио 10 на ТВ24.

Популарно