Премиерот Оливер Спасовски вчера потврди дека доставил до Собранието предлог за разрешување на Мизрахи

Предлогот за разрешување на техничката министерка за труд и социјална политика Рашела Мизрахи е ставен за денеска на собраниска седница.

Џафери денескасвика две седници, првата 135. беше закажана во 11 часот за Предлог-законот за Јавно обвинителство и за Предлог-законот за Советот на јавни обвинители, додека на 136. седница која е закажана за 15 часот како една од точките на дневен ред е Предлог за разрешување на член на Владата на Република Северна Македонија.

Премиерот Оливер Спасовски вчера потврди дека доставил до Собранието предлог за разрешување на Мизрахи, а барањето за разрешување следува откако министерката неколкупати се појави на прес-конференција во МТСП пред табла со името „Република Македонија“.

Спасовски посочи дека во предлогот доставен во Собранието за разрешувањето на Мизрахи, тој нема дадено ново решение и затоа, нагласи, тоа останува на опозицијата.

– Очекувам дека опозицијата ќе биде мудра и ќе даде кандидат, што го почитува Уставот и законите. На пример еден од пратениците кои гласаа за Северна Македонија и Протоколот за НАТО, како можно решение. Одлуката е нивна кого сакаат нека предложат, јас ќе го прифатам, изјави Спасовски.

Ставот на Мизрахи е дека таа табла ја затекнала во Министерството кога ја презела функцијата, и оти пред неа и во минатото поранешната министерка Мила Царовска одржувала средби и прес-конференции. 

Родилката со корона вирус е во добра здравствена состојба, ова е состојбата на нејзиното бебе

Директорката на Гинеколошко акушерската клиника во Скопје Викторија Јовановска денеска изјави дека родилката со коронавирус е во добра здравствена состојба и е хоспитализирана на Инфективната клиника, додека бебето, кое беше утврдено дека е негативно на короновирус, е во стабилна здравствена состојба, иако е родено предвреме.

– Бебето е негативно на коронавирус. Би сакала да ги смирам трудниците и да апелирам до нив да не ја извртуваат вистината, да не лажат и да не ги прикриваат фактите. Сите сознанија, иако се ограничени, се дека многу малку од трудниците ќе заболат и ќе бидат со лесна форма на болеста. Доколку точно ги кажат своите промени во нивната здравствена состојоба, се тоа што им се случува во нивното семејството или во нивните социјални врски и контакти ќе бидат безбедни и тие и нивните бебиња, рече Јовановска.

Колкава казна затвор се предвидува за насилства како тоа во Штип?

Полицијата во Штип вчера соопшти дека се приведени двете лица кои се осомничени дека претепале 21-годишна девојка во влез на станбена зграда.

Целиот случај лицата го снимиле на мобилен, а видеото кружеше на социјалните мрежи.

Тимот од Центарот за социјална работа-Штип на девојката веќе има понудено психосоцијална поддршка.

Според адвокатот Александар Тортевски делото е извршено од 2 лица и потпаѓа под став 3 за кој е предвидена казна затвор до 5 години. Ако и била нанесена тешка тел. повреда, казната е до 10 год.

ВИДЕО: „Пепи ми беше дечко ама раскинавме, тепањето беше пред два месеци“

Во краткото видео таа открива дека била тепана од момчето пред два месеца и дека нема видливи повреди по телото зошто поминало многу време.

Во новото видео кое новинарот Фуркан Алиу го објави денеска на Твитер тепаното девојче од Штип ги објаснува околности под кои била тепана од страна на своето поранешно момче.

Таа денеска, по објавувањето на видеото со експлицитно насилство врз неа на социјалните мрежи, со нејзиниот татко биле во полициска станица по што, вели, тој не се чувствува добро цел ден.

Во краткото видео таа открива дека била тепана од момчето пред два месеца и дека нема видливи повреди по телото зошто поминало многу време.

СВР Штип денеска ги приведе двајцата штипјани кои навредувале и претепале 21-годишна девојка среде бел ден во влез на станбена зграда, при што целиот случај со снимиле на мобилен, а видеото се најде на социјалните мрежи. Тие ќе останат 24 часа во полициска станица.

Популарно